2 SAMUEL 7:18 - PATHIAN LEKHABU THIANGTHO (BSI)

¹⁸ Ziaphatchun, Lengpa David chu Insung in a lut ah, Lalpa ma ah kitung in, “Aw Lalpa Pathian, kei hi kua ka hia, ka Insung hile bang a hiu ah zia tiang tiang hi lei pui tung ziang a hem?

2 SAMUEL 7:18 ပူးပေါင်းရင်းမြစ်များ

THILSIAM THU 32:10

la suak chung ah la hepina chuailo leh la ginumna zosiate lakah hin, a neupenle chang tâk ka hi puai; zia Jordan lui hi ka tiangkhut bep hi tawh ka la kân in, tu’hin chu hon ni hial ka hi tâk uh hi.

THILSIAM THU 32:11

Lungsiat tak in ka u khut ah kipat, Esau khut ngei ah kipat hin ei hukhing in: naupang pum ah ei thâgam khâk ding chu ka lau ahi.

2 SAMUEL 23:5

Pathian âng in ka Insung mi chu zia gual hi hilo a hem? Ama chun kei tawh kumtuang dai ding thuthung a siam ta’n, bangkim kitup leh det tak in a um tai. Ka thangai leh ka lungtup zosia chu, ama’n ei lawtinsak lo ding a hem?

2 SAMUEL 7:17

Zia thute leh kilâkna a mu dan zosia chu Nathan in David kiang in a gen tai.

1 KHANGTHU 17:16

Ziaphatchun, Lengpa David chu biakbûk ah chun a lut ah, Lalpa âng ah chun a kichu, “Aw Lalpa Pathian, keima hi kua ka hia, ka Inkuan uh le kua ka hiu ah zia tiang tiang hi lei pui ahi em?

1 KHANGTHU 29:14

Himaleh, kei hi kua ka hia, ka mipite hile bang a hiu ah, zia gual tuk ah kiphalna tawh thilpiak hun pia ziang thei ka hiu em? Bangkim hi nangma ah kipat hung pawt ngen ahi’n, nang â ma ma chu ka hun piak kit uh a hizawi.

SAM 8:4

mihing hi bang ahi lawm lawm ah, la het zing sek a, mihing thi thei hile la kanthâk sek a hem? ka ti sek hi.

PAWTDAWNA THU 3:11

Himaleh, Mosi’n Pathian kiang in, “Israel chate hi Aigupta gam ah Pharaoh ah kipat vapuidok dingin kei hi kua ka hia hem?” a tia.

ISAI 37:14

Chun, Hezekiah in a thangko sawlte ah kipat chun lekhathot chu a mu ta’n, a sim ngal a; ziaphatchun, Lalpa In ah lût in, Lalpa kiang in a phaljak a.

EPHESA 3:8

Keima, mithiangthote lak ah neupen sâng ah le neuzaw kiang ah hin, zia hepina chu piak ahi’n; Khrista hausakna suidaw guallote chanchin chu Jentelte kiang ah gen ding leh;

VAIHAWMTE 6:15

Ama’n, “Aw Lalpa, kei pen tak hin Israelte bangti’n hukdok thei ding ka hem? Manasseh phung lak ah a jawngkhal pen ka hi’n; chuleh, ka Inkuan lak ua le a neupen ka hi nalai ah,” ti’n a dawnhu a.

RUTH 2:10

Ziaphatchun, a mai ah tual si hial ah bokkhup in chibai a bûk ah, a kiang in, “Bangtidan ah, keima nam chuam mi hi lei hiti hetthiam ah, la mit mu ah doisakna chang thei ka hem?” a tia.

1 SAMUEL 15:17

Tichun, Samuel in, nangma kingai dan ah neucha’n kikoi male chin, Israel nam pumpi luchang hilo la hem? Lalpa‘n Israelte chung ah leng hi ding ah sathau a hunnu’ la hi.

1 SAMUEL 18:18

David in Saul kiang in, “Israelte lak ah kei kua ka hia, ka In sung mite le kua a hiu ah, ka pa Insung mite le kua a hiu ah a hem, lengpa mâkpa ka pan mai ding chu?” ti’n a dawnhu tai.

1 SAMUEL 9:21

Saul in zia gual hin a dawnhu ah, “Kei hi Israelte phung lak ah a naupang pen Benjamin phung ah mi ka hi’n; chuleh, Benjamin phung lak ah le Inkuan thulimlo pen ka hi kit in. Bangtidan ah zia gual ah chu ka kiang ah thu gen la hem?” a tia.