2 SAMUEL 7:13 - PATHIAN LEKHABU THIANGTHO (BSI)

¹³ Ama chun ka In ding ei sak piak intin; tichun, a lenggam lalchutpha chu kumtuang dai dingin sukdet piak ing ka.

2 SAMUEL 7:13 ပူးပေါင်းရင်းမြစ်များ

THILSIAM THU 49:10

Laltiang chu Judah lak ah mang pua’n tin, vaihawmna laltiang chu a kêngkâl ah kipat bei diak pua’n a;

2 SAMUEL 22:51

A lengpa â dingin ama chu, hukdamna Insâng ahi’n, David leh a suante, a sathaunu’te chung ah chun, kumtuang in ngilneina a latsak tai.

2 SAMUEL 7:16

La Insung leh la lenggamte chu ka ma-âng ah hin sukdet hi’ntin, la lalchutpha chu kumtuang dai dingin namdet ta ding ka hi,” ti in.

2 SAMUEL 7:27

Nangma, aw Sepai honte Lalpa, Israelte Pathian chun zia thute chu la suak kiang ah, ‘La Inkuante chu hun tundin piak ing ka,’ ti’n la gen ta’ngal in; Ziaziakchun, la suak hin zia pauchapna hi la kiang ah hun gen ngam ahi.

1 LENGTE 2:24

tu’ a thutep gual ah ka Inkuan ei bawl piak ah, ka pa David lalchutpha ei chutsak ah, ei phudetpa Lalpa hinna paume in ka ti ahi: tu’ni hin Adonijah thalup hiding ahi,” a ti tai.

1 LENGTE 2:4

Lalpa‘n ka chungchâng thu ah, ‘La chateu in a hinna zosiau leh a lunggil zosiau tawh, ka âng ah thutak ah a um ua, a umdan uh a chit thei uh chun, Israelte lalchutpha chung ah kichu ding mi tasam pua’n la,’ a ti thu a sutzop theina ding in,” a tia.

1 LENGTE 2:45

himaleh, Lengpa Solomon maljawl in um intin, David lalchutpha chu Lalpa âng in kumtuang ah phudet in um in a,” ti’n a gen a.

1 LENGTE 5:5

Tu’hin, Lalpa ka Pathian min ah In pakhat sak ka tup in, Lalpa‘n ka pa David kiang ah, ‘La chapa, nangma lalchutpha’ la thasâng ah ka chutsak dingpa chun, ka min umna dingin sa ding ahi,’ a la ti gual khan.

1 LENGTE 6:12

“Zia la In sak chungchâng ah hin, ka thuguatte la zui ah, ka dan bawlte la zop ah, ka thupiakte la mat ah la zui chun, la pa David kiang ah ka thutepte nang ah sudet ding ka hi.

1 LENGTE 8:13

Keima’n la In ding sang tak in ka sak piak ta’n, kumtuang ah la chênna ding mun chu ahi,” ti in.

1 LENGTE 8:15

Zia gual hin a gen a: “Ka pa David kiang ah a kam ngei ah a la thutep zosia a khut ngei ah suguitungpa, Lalpa, Israelte Pathian chu maljawl in um ta hen!

1 LENGTE 8:19

himaleh, In chu la sak lo ding ahi; la khalbe ah piang ding, la chapa chun ka min umna ding ah In chu hun sa ding ahi,’ a ti’n.

2 LENGTE 21:4

Lalpa In sung ah chun pathian dangte hona mâichâm a hun siam ah, Lalpa chun Jerusalem ah ka min umna ding ah ka ti ahi, a ti’na mun ah khan a koi tai.

2 LENGTE 21:7

David leh a chapa Solomon kiang ah Lalpa chun, “Jerusalem ah, zia In ah hin Israel nam zosia lak ah ka teldawna mun ngei ah hin, kumtuang dai dingin ka min umsak ding ka hi,” a ti’na mun ah, zia Insung ngei ah chun ama khutsuak milim, a suithawteu Asherah chu a hun koi tai.

2 LENGTE 8:19

Himaleh, Lalpa‘n a suak David zal in, Judai gam chu a sumangthai nuam puai, ama leh a pu leh pate kiang ah kumkhua dingah thaumei pakhat pia zing ding ah a la kitiamsa ahi ngal a.

1 KHANGTHU 28:10

Tu’hin, Lalpa chun a mun thiangtho In sa ding ah chun a hun têl ta’ngâl a; lunglut tak leh hat tak in um inla, sêm mualsua ta’n, ti’n a gen tai.

2 KHANGTHU 33:4

Lalpa‘n a la gensa, “Jerusalem ah chun ka min a um zing ding ahi,” a la ti’na mun, Lalpa In ah chun pathian dang mâichâm a hun siam kit a.

2 KHANGTHU 6:16

Aw Lalpa, Israelte Pathian! La suakpa, ka pa David kiang in, La chate chun nangma gual ah ka lampite chingthei tak ah a zui ua, a lampiteu a zuikhial lo ua leh, nangma golua ah Israelte lalchutpha kichu ding mi tasam lo ding la hi, ti ah la la thutiamsa kha vopdet zing inla;

JOB LEKHABU 36:7

Midikte chu ensui zing in, lalchutpha ah lengte le, kumtuang dai dingin a tung dingin, a chawihoi sek hi.

SAM 72:17

A min chu kumtuang ah het zing in um hen la, nisa a um sungsia a minthanna chu um zing hen. Nam zosia ama ah chun maljawl in um uh hen la; nam zosia’n ama chu mi hampha hun tiu hen.

SAM 89:21

ka khut thahât in umpi zing intin, hi’hât ding ka hi.

SAM 89:29

A suante chu kumkhua’n umsak ing ka tin, a lalchutpha chu vante a um laisia umsak ding ka hi.

SAM 89:4

La suante chu kumtuang dai dingin phudet ing ka tin, la lalchutpha chule suan zosia â dingin, lem ding ka hi,” la ti ta ngal a.

ISAI 49:8

Lalpa‘n zia gual hin a gen a: Doisakna hun in ka la dawnhu a, hukdamna ni hin ka hun panpi tai; gam nutsia sa lua kit ding leh, go ah lua ding gam chu hawm piak dingin, nam tinte â ding ah thuthung gual in, hun pia ding ka hi.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

ISAI 9:7

A thuneina khang jel intin, David lalchutpha leh a lenggam chun kichamna um zing ta’n a. Ama’n dikna leh thu tak ah tungding in tudet zing in a; tu’kipat leh kuamtuang tiang in. Sepai honte Lalpa phatchuam ngaina’n zia gual chun bawl ding ahi.

JEREMIAH 33:17

Lalpa‘n zia gual hin a gen hi: David in Israel Inkuante lalchutpha chu ding mihing tasam ta pua’n tin,

EZEKIEL 37:25

La pu leh pateu a la chênnau, ka suak Jakob kiang ah ka piakna gam ah chun chêng intiu in; a kum a khua’n amau leh a tu leh a chateu tiang in chêngden ta’n au; chuleh, ka suak David chu kumtuang in a lal uh hita’n a.

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

ZEKARIAH 6:12

a kiang in: Sepai honte Lalpa chun zia gual hin a gen hi: Zia tak ah hin mi pakhat, a min a Bâk kiti a um hi; a umna mun ah chun hung seldok intin, Lalpa tempul ding hun sa ngal ding ahi ziakin.

ZEKARIAH 6:13

Lalpa tempul hun sa ding chu ama ahi; leng leh lalte ja’na chang intin, a lalchutpha chung ah kichu’n vaihawm in a. A lalchutpha kiang ah chun thiampu’n umpi zing intin, a paniu in kilung gual tak in sêm khawm ta’n au.

MATTHAI 16:18

Nang Peter la hi, ti ka hun hil belap hi; ahi’n, zia suangpi chung ah hin ka kochuam chu lem ing ka tin; mithi kul kotkhak chun lang zo pua’n a.

HEBRAITE 3:3

Insapa chu a In sak sâng ah a lopi zawk gual in, Jesu hi Mosi sâng ah lopina chang tâk zaw ahi.

1 PETER 2:5

nang uh le suang hingte gual in, thagau lam In ah lepto la hiu ah, Jesu Khrista ziakin Pathian kipakna lam, thagau lam kithoina lân ding ah thiampu thiangthote la hung hitheina ding un.