2 SAMUEL 7:12 - PATHIAN LEKHABU THIANGTHO (BSI)

¹² La dam sung nikhua a hung butin ah, la pu leh pate kiang ah la i-mut tak leh, la nung ah um ding suan leh pâkte hun pia’ng ka tin, nangma khâlbe ma ma ah kipat hung piang chun a lenggam hun sudet ding ahi.

2 SAMUEL 7:12 ပူးပေါင်းရင်းမြစ်များ

THILSIAM THU 15:4

Ahi’n, Lalpa’n a kiang in, “Zia pa chun la go hun lua pua’n tin, nangma laigil ah piang, la chapa ma ma chun la golua ding ahi,” a ti’n.

2 SAMUEL 22:51

A lengpa â dingin ama chu, hukdamna Insâng ahi’n, David leh a suante, a sathaunu’te chung ah chun, kumtuang in ngilneina a latsak tai.

1 LENGTE 1:21

Achutilochun, zia gual hi hung hi’n tin, ka lalpa, lengpa chu a pu leh pate kiang ah a ipmut phat leh, kei leh ka chapa Solomon hi tawh hung kiho theilo ding ka hiu,” a tia.

1 LENGTE 1:48

zia gual hin a pauchap tai: ‘Lalpa, Israel Pathian, ka suan lak ah pakhat tu’ni ka lalchutpha chung ah kichu ding ei pia ka mit ngei ah ei musakpa chu pâk in ta hen!’ ti’n,” a gen a.

1 LENGTE 2:1

David thi’na ding a nai phatin, a chapa Solomon chu thu a hil ah, a kiang in:

1 LENGTE 2:10

David chu a pu leh pate kiang in a ipmu ta’n; David khawpi chun a vui tau hi.

1 LENGTE 2:4

Lalpa‘n ka chungchâng thu ah, ‘La chateu in a hinna zosiau leh a lunggil zosiau tawh, ka âng ah thutak ah a um ua, a umdan uh a chit thei uh chun, Israelte lalchutpha chung ah kichu ding mi tasam pua’n la,’ a ti thu a sutzop theina ding in,” a tia.

1 LENGTE 5:5

Tu’hin, Lalpa ka Pathian min ah In pakhat sak ka tup in, Lalpa‘n ka pa David kiang ah, ‘La chapa, nangma lalchutpha’ la thasâng ah ka chutsak dingpa chun, ka min umna dingin sa ding ahi,’ a la ti gual khan.

1 LENGTE 8:15

Zia gual hin a gen a: “Ka pa David kiang ah a kam ngei ah a la thutep zosia a khut ngei ah suguitungpa, Lalpa, Israelte Pathian chu maljawl in um ta hen!

1 LENGTE 8:19

himaleh, In chu la sak lo ding ahi; la khalbe ah piang ding, la chapa chun ka min umna ding ah In chu hun sa ding ahi,’ a ti’n.

1 LENGTE 8:20

Tu’hin, Lalpa‘n a thutiam chu a supiting tai; ka pa David thasâng in ka dingdok ta’n; Lalpa thutep gual in Israel lalchutpha chung in ka kichu ta’n, Israelte Pathian, Lalpa min umna ding ah In chu ka sa zo ta’ngâl a.

1 LENGTE 9:5

la pa David kiang ah ka la thutep, ‘Israel lalchutpha ah kichu ding la nung ah mi tasam pua’n la,’ ka ti gual in, Israel chung ah la lalna lalchutpha kumtuang dai dingin phudet ding ka hi,” a tia.

2 LENGTE 8:19

Himaleh, Lalpa‘n a suak David zal in, Judai gam chu a sumangthai nuam puai, ama leh a pu leh pate kiang ah kumkhua dingah thaumei pakhat pia zing ding ah a la kitiamsa ahi ngal a.

1 KHANGTHU 17:11

La pu leh pate kiang ah la chiana ding ni a tin phat leh, nangma hun tungding ing ka tin, la chate lak ah pakhat chun la gamngâk in tin, lenggam sukdet piak ding ka hi.

2 KHANGTHU 1:9

Aw Lalpa Pathian, nang in lei tual ah leivui jat ah tam mipite chung ah leng hiding ah lei siam tâk ziakin, ka pa David kiang ah la thutiam kha ka chung ah guitunsak ta’n.

2 KHANGTHU 13:5

Lalpa, Israelte Pathian in Israel lenggam hi David leh a suan a pâkte chun, kumkhua a lua pek ding ua chi ah thuthung siam ah a la tiamsa a hi tai ti helo la hiu em?

2 KHANGTHU 21:7

Himaleh, David kiangah thuthung a siam ziak leh, ama leh a suante tiang ah vaihawm ah pang zing ding a la tiam tâk ziakin, Lalpa‘n David Inkuan chu a sumangthai ziang nuam tadi puai.

2 KHANGTHU 23:3

Mipi hung khawmte chun Pathian In sung ah chun Lengpa tawh thuthung a siam tau a. Jehoiada chun a kiang un: “Zia hin lengpa chapa a um hi! David suan ah mite chun vai a hawm diu ahi, ti Lalpa‘n thutiam a la bawl dungzui in, ama hi vaihawmsak hitiu.

2 KHANGTHU 6:15

la suakpa, ka pa David kiang in la thutiam chu la la guitun ta hen; ahi ngut hi, la kam ah la la gendawsa chu tu’ni hin la khut in la pitinsak tai.

2 KHANGTHU 6:9

ahi’n la, nang in vang zia In chu sa pua’n la tin, nang ah kipat hung piang ding la chapa chun ka min ding ah In chu ei sak piak ding ahi,’ a la ti tai.

SAM 89:29

A suante chu kumkhua’n umsak ing ka tin, a lalchutpha chu vante a um laisia umsak ding ka hi.

ISAI 11:10

Zia ni phat chuleh, Jesse zung chu namtinte â ding ah tepte’na hung hi’ntin; namtin in ama umna hun kandok ta’n tin uh; tichun, a chênna chu hung lûn ma ma ta’n a.

ISAI 9:7

A thuneina khang jel intin, David lalchutpha leh a lenggam chun kichamna um zing ta’n a. Ama’n dikna leh thu tak ah tungding in tudet zing in a; tu’kipat leh kuamtuang tiang in. Sepai honte Lalpa phatchuam ngaina’n zia gual chun bawl ding ahi.

JEREMIAH 33:17

Lalpa‘n zia gual hin a gen hi: David in Israel Inkuante lalchutpha chu ding mihing tasam ta pua’n tin,

DANIAL 12:2

Mi tam tak leivui a la suak ta, a la ipmusate chu hung khanglo ta’n tiu in; khenkhatte kumtuang hinna chang ding leh, khenkhatte kumtuang jachakna leh mualpho’na chang ta’n au.

MATTHAI 1:1

Abraham suan, David suan ah Messiah kiti, Jesu hung pian dan chu zia gual hi ahi:

LUKA 1:32

Ama chu milopi hung hi’ntin, Chungnung pen Chapa ti hung hi ding ahi; chuleh, Lalpa Pathian in a pa David lalchutpha chu ama hun pia ding ahi.

LUKA 24:27

Tichun, Mosi leh jawlneite lekhabu’n a pan a; Pathian Lekha ama chanchin kizik tapo chu a hilchian piak tai.

NASEPTE 13:36

Ahi’n, David in Pathian lungtup dan tak ah ama khang sung ah na a sep nung in, a la ipmu ta’n, a pu leh pate kiang ah vui in a um ah, a muat mang tai;

NASEPTE 2:30

Ama kha jawlnei a la hiziak in, Pathian in a kiang ah a gen chu a hia’n, ama khalbe piang ngei chu a lalchutpha chutsak dingin a kihaksial a.

1 KORINTH 15:51

Ngai un, thugûk hun hil ding ka hi! I leng un thi khel puai tiu;

DAN LEKHABU 31:16

Lalpa‘n Mosi kiang in: “La pu leh pate kiang ah chawldam pai ta ding la hi. Zia mipite hin, zia gam pathiante lak ah chun ei hun ângkawmsan pai in, ei kiheisan intiu in; a kiang ua ka thutepna thuthung chu bawtsia’n au.

1 THESSALONITE 4:14

Jesu a thi hen, a thokit tai ti I taksan ua chun, zia gual ma chun, Jesu ah ipmute chu Pathian in ama tawh kiton in hun pui ngei in a.