2 SAMUEL 6:19 - PATHIAN LEKHABU THIANGTHO (BSI)

¹⁹ Israel mipi zosiate kiang in, a numei a pawsal kidang lo in, mi tin kiang in vaithum tang khat tawh, sa bâk khat tawh grep ho vaithum tâng khat chiat a hawm a. Ziazaw chun, mipite zosia chu a In lam chiat un a chia kit tau hi.

2 SAMUEL 6:19 ပူးပေါင်းရင်းမြစ်များ

2 SAMUEL 6:18

David in hâlmang thillat leh chamna thillatte a lat zaw phat in, mipite chu sepai honte Lalpa min in a malzawl tai.

2 SAMUEL 6:20

David chu a In sung mite malzawl dingin a hung kit ah. Himaleh, Saul chanu Mikhal chu David lamtua dingin a hung pawt ah, a kiang in, “Tu’ni hin Israelte lengpa chu a lopi na e! A suak numeite lak ah mi zakmaw, mi manlote gual in ngawnchang in la hung um ziang lawm lawm ah!” a tia.

1 LENGTE 8:66

A ni giat ni chun mipi chu a pêl sak tai; lengpa chu maljawlna a piau ah, Lalpa‘n a suak David leh a mipi Israelte chung ah phatna a latsak zosiate ziak ah kipak leh lungthim tai tak in a puanbûk lam chiat un a chia kit tau hi.

1 KHANGTHU 16:3

numei hi’n pawsal hileh, Israel mipi zosia lak ah chun, kibang chiat in vaithum pei khat chiat, sabâk khat chiat leh grep-ho ah vaithum kisiam tangkhat chiat a hawm tai.

1 KHANGTHU 16:43

Ziaphatchun, mipi zosia’n a In lam chiat uh a zuan tau ah, David le a chanaute maljawlna pia ding in a In lam ah a chia tai.

2 KHANGTHU 30:24

Judai gam ah Lengpa Hezekiah in mipi kikhawmte kithoina thillat ding in: bawngchal sang khat tawh, belam sang sagi a pia’n; a khawnbawlte chun mipi kikhawmte â dingin bawngchal sang khat tawh, belam sang sagi a piau hi. Thiampute le tam tawk tak chu a hung kisuthiangtho tau hi.

2 KHANGTHU 7:10

Lalpa‘n a phatna chu, David leh Solomon tawh a mipi Israelte zosia chung ah a taklat tâk ziakin, a tha sagi’na, a ni sawmni leh thum ni chun mipite chu kipak leh lungdam tak in a In lam chiat un a sawl kit tai.

NEHEMIAH 8:10

Chuleh, a kiang un, “Chiau inla, an tui pen ne’n, uain thum tak chu dawn unla; bangma neilote â dinginle a chanvo ding uh thot piak un; zia ni hi I Lalpau â ding ah ni thiangtho a hi’ngâl in; lungngaina’n mang kiu in, Lalpa kipakna chu la hâtnau ahi ngâl in,” ti’n a gen a.

SOLOMON LÂ 2:5

Grep ho in ei hi’no inla, epul in ei hi’hal kit in; jawlgûk ngai ah damlo ka hi ve’i.

EZEKIEL 45:17

Israel Inkuante â ding ah nibîk zosia, kût nite, tha thak nite, sabbath nite ah hâlmang thillat ding, thâi thillat ding, dawnchi thillat ding zosia chu, vaihawm lengpa mawpuakna ahi. Ama’n a gitlo thoina ding, thâi thillat ding, hâlmang thillat ding leh kichamna thillat ding zosia tuak in, Israel Inkuante zosia kitatna a bawl ding ahi.

HOSEA 3:1

Lalpa‘n ka kiang in, “Chia inla, Israel mite’n pathian dang kiang lam ah ei kiheisan in, grep ho vaithumte ngaina ziang maleu, Lalpa‘n amau a hepi tei tei gual in, jawlsai leh ângkawm lai numei pakhat vahepi in,” a ti kit a.

NASEPTE 20:35

Bangkim ka hun nunmu ah, migentheite panpina ding ah la sep gim ding dan uh leh, ama I Lalpau Jesu ngei in, “Lâk sâng in piak in lukhawng a nei zawi,” a ti kha hezing un, a tia.

EPHESA 4:8

Ziaziakchun, “Chung lam ah a chia to lai khan, matte chu sal in a pui ah, mite kiang ah chun thilpiakte a piai,” ti ahi.

JOSHUA 22:6

Chutichun, amau chu Joshua’n maljawl in, a chiasak ta’n; tichun, a puanbûk lam un a chia kit tau hi.