2 SAMUEL 6:16 - PATHIAN LEKHABU THIANGTHO (BSI)

¹⁶ Lalpa thuthung thingkuang chu David khawpi a hun puak tung phat un, Saul chanu Mikhal in tukvan ah kipat chun Lalpa ma-âng ah Lengpa David lâm ah kichawm chawm chu a vak mu phât in, a lungthim in a jachatpi tai.

2 SAMUEL 6:16 ပူးပေါင်းရင်းမြစ်များ

2 SAMUEL 3:14

Ziaphatchun, David in Ishbaal kiang in palai a sawl ah, a kiang in, “Philistinte zekvun za khat a man ding ah ka piaksa, ka ji Mikhal kha ei pia kit ta’n,” ti’n a vagensak a.

2 SAMUEL 5:7

Himaleh, David in zia kulpi det Zion chu a la ta’n, zia tak chu David khawpi a hung hiden tai.

2 SAMUEL 6:15

Tichun, David tawh Israel Inkuante zosia chun kiko thawm nasa tak tawh pengkul mût in, Lalpa thuthung thingkuang chu a vapaw tau hi.

2 SAMUEL 6:20

David chu a In sung mite malzawl dingin a hung kit ah. Himaleh, Saul chanu Mikhal chu David lamtua dingin a hung pawt ah, a kiang in, “Tu’ni hin Israelte lengpa chu a lopi na e! A suak numeite lak ah mi zakmaw, mi manlote gual in ngawnchang in la hung um ziang lawm lawm ah!” a tia.

1 KHANGTHU 15:29

Lalpa Thuthung thingkuang chu David Khawpi a hun puak lut lai ua chun, Saul chanu Mikhal in tukvan ah kipat a vak et leh, Lengpa David lâm ah kichawm chu a vak mu ta’n; tichun, a lungthim tak ah chun a la japi gu ma ma ziang tai.

SAM 123:3

Ka chung un ja’ngai in, Aw Lalpa, ka chung un ja’ngai in; musit in ka um talua ngal un.

SAM 69:7

Nangma ziakin gensiat ka hi’n, zachatna’n ka mai a khû zo tai.

ISAI 53:3

Mite musit leh pâmpai in a la um ta’n; mi lungngai leh natna dim ahi. Kuama’n a mitlêm ua le, a mu tâk lo leh a musit uh ahi; tichun, ei hawn le bangma I la ngai puau hi.

NASEPTE 2:13

Himaleh, khenkhat in a nuisan un, “Uain thak kham a hiu hi,” a tiu a.

1 KORINTH 2:14

Himaleh, hindang lo mite chun, Pathian Thagau thilpiakte chu a chang puau in, amau â ding chun ngolhuai ahiziak in; chuleh, thagau lam thil hetkhenna neilo ahiziak un, zia thilte chu a hethei puau hi.

1 SAMUEL 18:17

Ziaphatchun, Saul in David kiang in, “Zia hin ka chanu upa zaw Merab a um hi; kei â ding ah hangsan tak ah la pan ah, Lalpa gâl la do ngachat phot leh, la ji dingin hun pia’ng ka, ti’n a gen a. Saul in a gêl dan chu, Keima’n that lo lengle Philistinte’n hun that tho tho na’n au,” a ti ziak ahi.

1 SAMUEL 18:20

Saul chanu Mikhal chun David chu a la ngai ma ma a. Zia chu Saul a hil phat un, Saul chule a kipak ma ma hi.