2 SAMUEL 6:14 - PATHIAN LEKHABU THIANGTHO (BSI)

¹⁴ David chu Lalpa ma-âng ah chun a theitawp in a lâm ta’n; David chu thiampu puanâk ah kithuam ahi.

2 SAMUEL 6:14 ပူးပေါင်းရင်းမြစ်များ

2 SAMUEL 6:15

Tichun, David tawh Israel Inkuante zosia chun kiko thawm nasa tak tawh pengkul mût in, Lalpa thuthung thingkuang chu a vapaw tau hi.

2 SAMUEL 6:20

David chu a In sung mite malzawl dingin a hung kit ah. Himaleh, Saul chanu Mikhal chu David lamtua dingin a hung pawt ah, a kiang in, “Tu’ni hin Israelte lengpa chu a lopi na e! A suak numeite lak ah mi zakmaw, mi manlote gual in ngawnchang in la hung um ziang lawm lawm ah!” a tia.

1 KHANGTHU 15:27

David tawh Levite lak ah Thuthung thingkuang jawnte tawh, La sate leh La sate lakah puitu Kenaniah cheng chu puan malngat in a kivan un; David chu puan malngat ah kisiam thiampu puanâk in a kithuam hi.

SAM 149:3

Lâm pum in a min pâk uh hen la, khuangneu tawh tingtang in ama pâk in La sa tau hen!

SAM 150:4

Khuangneu tawh lâm kawm in pâk unla, tumgit leh mût git theite mang in pâk tau in!

SAM 30:11

Ka pûldona chu lim ah lâmna la chansak ta’n, ka saidip puan sil ei lipthâk piak in, kipakna’n lei thuam ta ahi;

SAM 87:7

La sa mite leh lâm mite zosia chun kigual tak in, “Ka tuinâk zosia chu nangma ah um ahi,” ti’n au.

PAWTDAWNA THU 15:20

Ziaphatchun, jawlneinu Miriam, Aron suapinu chun khuangneu a la’, numei zosia chun khuangneu chawi chiat ah lâm kawm in a hun zui ua:

PAWTDAWNA THU 15:21

Miriam in amau haw dawnhu in La a hun sa’n: “Lalpa chun lopi tak ah a zaw tâk ziakin, a min pakcha’n La sau inla; sakol leh a chung ah chuang mite, Tuipi sung in a pai lut ta’ngal in,” ti in.

PAWTDAWNA THU 19:6

Chuleh, kei â dingin nang uh chu thiampu lenggam leh nam thiangtho hiding la hiu. Zia thute hi Israelte zosia kiang ah la gensawn ding ahi,” ti’n a gen a.

THUGENTU 9:10

La khut in sep ding a mu taphot chu, bang hilehle theitawp sua in sêm in; la chiana ding Sheol mun ah chun nasep ding, ngaitua buai ding, het ding a hem leh pilna le a um ta pua ngal a.

EZEKIEL 46:10

A hung lût lam un lengpa tawh hung lût khawm intiu in; a pawt daw phat uh leh lengpa le a pawtdok ding ahi.

LUKA 15:25

Zia pet ah chun, a chapa upa zaw chu lou ah kuan ahi’n; In kiang a hung tun phatin, La sak git leh lâm thawm a hun he ta’n.

DAN LEKHABU 6:5

Lalpa la Pathian chu la lungthim zosia’, la ngaituana zosia’ leh la hatna zosia’n la hepi ding uh ahi.

KOLOSSA 3:23

Bangkim la hi’tapo uh chu mihing â gual ah sêm lo in, Lalpa â ding gual zaw’n thanuam tak in sêm un.

VAIHAWMTE 11:34

Ziaphatchun, Jephthah chu Mizpah khua a In a hung tung ta’n; a chanu chu khuangneu tawh lâm kawm in a pa dawn dingin a hung pawt ta’n. Ama chu a chanu nei sun ahi’n; ama tilo cha dang le a nei diak puai.

VAIHAWMTE 21:21

a la ngâk zing un; Shiloh khua nungakte chu lâmna mun ah a lâm ding ah a hung pawtdok phat ua leh, grep huante ah kipat hung pawt unla, mi zosia’n Shiloh nungakte chu la ji ding un kimat chiat in, Benjaminte gam lam in kipui mang ziang un.

1 SAMUEL 2:18

Samuel chu puan malngat ephod ah kithuam in, Lalpa âng in na a sêm a.

1 SAMUEL 2:28

Israel nam zosia lakah kipat, ka thiampu nasep sêm ding leh ka mâichâm ah gimtui hâl ding ah chia to ding ah ka âng ah ephod ah kithuam dingin ka la têlchuam ta’n; chuleh, Israel mipi zosia’n mei ah a thillatteu chu nang uh Inkuan chan dingin ka la pia ta ahi.

1 SAMUEL 22:18

Ziaphatchun, lengpa chun Doeg kiang in, “Nang Doeg, kipan in la thiampute chu that in,” ti’n a sawl ah. Edom mi Doeg le a kipan ah, thiampute chu a that in; zia ni chun thiampute puanâk Ephod âk ngen mi sawmgiat leh nga a that a.