2 SAMUEL 5:7 - PATHIAN LEKHABU THIANGTHO (BSI)

⁷ Himaleh, David in zia kulpi det Zion chu a la ta’n, zia tak chu David khawpi a hung hiden tai.

2 SAMUEL 5:7 ပူးပေါင်းရင်းမြစ်များ

2 SAMUEL 5:8

Zia ni’ chun David in, “Jebuste that gam nuam taphot chun, David in a huat ma ma kengbai leh mitthûmte chu that dingin tuiluanna kuak lam ah chun chia to uh hen,” a tia. Ziaziakchun, “Mitthum leh kengbaite chu Tempul ah a lût lo diu ahi,” a ti sek ui.

2 SAMUEL 5:9

David in kulpi chu a lua den ta’n, a min inle David Khawpi a sak tai. Millo ah kipat in khawpi sung tiang huap in David in khawpi kul ding chu a siam tai.

2 SAMUEL 6:10

Tichun, Lalpa thuthung thingkuang chu David khawpi sung ah a puak lut nop lo phatin Git mi Obed-edom In ah chun a koi zaw tai.

2 SAMUEL 6:12

Pathian thuthung thingkuang ziakin Obed-edom chanaute leh a nei a lamteu chu Lalpa‘n a malzawl hi, ti Lengpa David kiang ah a hil tau a. Tichun, David chu a kuan ah, Obed-edom In ah kipat Pathian thuthung thingkuang chu David Khawpi ah kipak tak in a vapaw ta’n;

2 SAMUEL 6:16

Lalpa thuthung thingkuang chu David khawpi a hun puak tung phat un, Saul chanu Mikhal in tukvan ah kipat chun Lalpa ma-âng ah Lengpa David lâm ah kichawm chawm chu a vak mu phât in, a lungthim in a jachatpi tai.

1 LENGTE 2:10

David chu a pu leh pate kiang in a ipmu ta’n; David khawpi chun a vui tau hi.

1 LENGTE 3:1

Solomon in Aigupta Lengpa Pharaoh tawh kichênna kizopna a bawl ah, zia dungzui ah chun Pharaoh chanu a kichênpi a; Jerusalem kulbâng kîmvêl leh Lalpa In leh ama In a zaw masia chu David khawpi’n a umsak tai.

1 LENGTE 8:1

Ziaphatchun, Solomon in Israel upate leh phung tin ah luchangte zosia leh, Israel phung upa Inkuante lak ah hotute chu, David khawpi Zion ah kipat Lalpa thuthung thingkuang vala to dingin, Jerusalem ah Lengpa Solomon ma-âng in a ko khawm a.

1 LENGTE 9:24

Himaleh, Pharaoh chanu chu David khawpi kipat in ama In ding ah Solomon in a sak piakna lam in a chia to ta’n; chun, ama’n Millo chu a sa tai.

1 KHANGTHU 11:7

David chu kulpi sung ah chun a chêngden ta’n; ziaziakchun, David khawpi a kiti khawlaw ta’n ahi.

2 KHANGTHU 24:16

Israelte â ding leh Pathian leh a In â ding ah thil a bawl phat ziak in, David khawpi chun lengte lakah vui ahi tai.

2 KHANGTHU 5:2

Ziaphatchun Solomon in, Israel upate leh phung tin ah hotute leh Israel mipite lak ah a pu leh pateu dungzui ah phung u’pate zosia chu, David khawpi Zion ah kipat Lalpa thuthung thingkuang vapawdok dingin Jerusalem khua chun a ko khawm in,

NEHEMIAH 3:15

Mizpah bial ah vaihawmpa Kolhozeh chapa Shallum in, Tuikhuk Kotpi a siampha’n; a bawl zaw phatin a chungkhû ding, a kotkhakte, a kamnate leh a thikjawlte le a la bawl ah; chuleh, Lengpa huan sung ah Shelah Dil bâng le David Khawpi’ kipat a kumsukna kalbite zosia chule a siam a.

SAM 132:13

Lalpa chun Zion a la têl ta ngal a; ama chênna mun dingin a dawi ziakin:

SAM 2:6

“Keima ngei in ka tâng thiangtho Zion ah, ka lal chu ka chutsak ta ahi,” ti in.

SAM 48:12

Zion ah chiau inla, a kîmvêl in chiau in; a gâlvên bûk jat chu sim un,

SAM 48:3

Khawpi kul sung ah chun, Pathian in amau humbit ding ahi dan a hiatsak tai.

SAM 51:18

La duthusam gual tak in, Zion chung ah thilpha bawl inla; Jerusalem bângte hi tungding kit ta’n;

SAM 87:2

Lalpa‘n Zion kotkhakte chu, Jakob chênna mun zosia sâng inle a ngaina zawi.

SAM 9:11

Zion ah um Lalpa chu pâk in La sau in. A thilbawlte nam tin kiang ah puangjak un.

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

ISAI 59:20

Chun, Jakob Inkuan ah mi, a hi’khelnau haisante kiang ah chun, a Tan pau gual in Zion ah chun, hung ding ahi, Lalpa‘n a tii.

JEREMIAH 21:13

Aw nanghaw, phâijawl ah chêngte leh, phâijang suangpi chêng ah, “Kua a hem ei do ding ah hung kuan, kua a hem ka kul sung ua hung lut thei ding?” tite haw, en un, nang uh ka hun dodâl hi, Lalpa‘n a tii.

MIKAH 4:2

nam tam takte hung khawm in, “Hung un, Lalpa tâng tiang in, Jakob Pathian In ah chia to hitiu; a lampite chu I zuitheina ding leh, a lampi chanchin ei hiltheina dingin,” ti’n au. Zion ah kipat in gitlona hung pawt in, Jerusalem ah kipat in, Lalpa thu hung pawt ding ahi ngal a.

ROMTE 9:33

“Ngai in, Zion ah kipalna suang leh, dâlna suangpi ka koi in, kuale ama ging tapo chu mualpho pua’n au,” tia kizik gual khan.

HEBRAITE 12:22

Himaleh, Zion tâng, Pathian hing khawpi, van Jerusalem, vansawlchâk simsênlote umna;

THUPUAN 14:1

Ka et leh, Belamno, Zion tâng ah ding leh, A min leh a Pa min a chal ua kizik, mi nuai khat sîng li leh sang li te tawh ding ka mu’n.