2 SAMUEL 5:2 - PATHIAN LEKHABU THIANGTHO (BSI)

² Tu’ma lam ah Saul ka lengpau ahi lai him ah khan le, Israelte a la puidok leh a la pui lût sektu kha nangma la hi’n. Lalpa‘n la kiang in, ‘Ka mipi Israelte chingtu ding chu nangma la hi’n, Israelte chung ah vaihawm ah la pan ding ahi,’ a la ti ahi,” a vatiu a.

2 SAMUEL 5:2 ပူးပေါင်းရင်းမြစ်များ

THILSIAM THU 49:24

Himaleh, ama thalpi chu khau tak in a um zing ah, a khutbânteu chu Jakob Pathian Mihat khut ah, Belam Chingpa Israel suangpi min in hi’hat in a um zing hen;

2 SAMUEL 6:21

David in Mikhal kiang ah chun, “Lalpa, la pa leh a Inkuanpite zosia thasâng ah, Lalpa mipi Israelte zosia chung ah leng hiding ah ei têlpa, ama Lalpa ma-âng ah lâm ka hi.

2 SAMUEL 7:7

Israel mipite lak ah ka um tawl tawlna taphot ah hin, ka mipi Israelte chingtup ding ah nam upate pakhat cha kiang inle, ‘Ka chênna ding sidar thing In bang ziak ah ei sak piak lo la hiu em?’ ka la ti ngai puai.

2 SAMUEL 7:8

Ziaziakchun, tu’hin, sepai honte Lalpa chun, ka suak David kiang in zia gual hin la gen ding ahi: Gancha chinna mun, belam hon la chinna mun ngei ah kipat hin, ka mipi Israelte chung ah Leng hiding in ka hun teldaw la hi’n,

2 LENGTE 20:5

“Kihei kit vak in chia inla, ka mite chung ah hotu Hezekiah kiang in zia gual hin vagen in: Lalpa, la pa David Pathian chun zia gual hin a gen hi: La pauchapna ka la he ta’n, la mitthi tuite le ka la mu tai; hun sudam kit ding ka hi; ni thum zaw tak leh Lalpa In ah chia to ding la hi.

1 KHANGTHU 11:2

Hun sawt tak a hita’n, Saul kha lengpa ahi lai ah kipat khan, nang hi Israelte sepai hotu lian in la la pang ta’n. Lalpa la Pathian chun la kiang in: ‘Nang hi ka mipi Israelte enkoltu ding leh, ka mipi Israelte chung ah vaihawmtu ding chu la hi,’ a la ti’sa ahi,” a hung ti tau.

2 KHANGTHU 1:10

Zia la mipi zozai chung ah hin kua’n vaihawm thiam ding a hem? Zia mipite lakah ka lut ah ka pawttheina dingin pilna leh hiatthiamna ei pia’n,” ti’n a don a.

ISAI 40:11

Belam chingpa’n a belam hon an a piak gual in an a pia’n; belam note a khut in pâi khawm intin, a ângkawm ah pâi in, a belamte chu jaidam takin kaihuai in a.

ISAI 55:4

Ngai un, ama chu mipite â ding ah hiatpitu ding leh, mipite chung ah puitu leh thupetu hiding in, hun siam ding ka hi.

EZEKIEL 34:23

A lak un amau chingtup ding David tawhbang tungding ing ka tin, amau vâk in, a chingpa hita’n a.

MIKAH 5:4

Lalpa hatna ziak leh Lalpa a Pathian min lopina ziakin, hung dingdok in, a gan-gualte chu vâk ta’n a. Amau chu bit tak ah chêng in, kawl kîmvêl tiang chan pha’n a lopi pen hita’n au.

KISIMNA LEKHABU 27:17

a ma âng ua chia ding leh lût dingin; amau puidok ah, pui lût dingin; tichun, Lalpa mipite chu chingtu nei lo belam hon gual ah a um ziang lona ding un,” a ti’n.

MATTHAI 2:6

‘Aw, nang Judai gam ah Beth-lehem khua, Judai gam ah thuneite lak in neupen pua’n la; la sung ah kipat in vaihawmpa hung pawt ding ahi ngal in, ka mi Israelte chingpa ding chu,’ ti hi,” a tiu a.

JOHAN 10:11

Kei belampu pha chu ka hi; belampu pha chun a belamte â dingin a hinna a piai.

HEBRAITE 2:10

Ama ah thil bangkim um leh, thil bangkim ama ah umpa â ding ah chun, cha tam tak lopina a puilût ah, hukdamna mapuipa kha thoknate ziak ah a siam bukim chu a kilawm him ahi.

1 SAMUEL 13:14

tu’hin vang, la lenggam in dai sawt pua’n ah; Lalpa‘n ama lung gual pu midang khat a hawldok ta’n; Lalpa‘n la zui ding ah thu a hun piakte la zui tâk lo ziakin, a mipite chung ah vaihawm dingin ama chu a guat ta ahi,” ti’n a dawnhu tai.

1 SAMUEL 16:1

Samuel kiang ah Lalpa chun, “Saul hi Israelte leng a hi’na kipat ka paithâk ziak ah bang chan lungngai ah um ding la hi em? La sathau bûk ah sathau sungdim in la kipan in; Beth-lehem khua Jesse kiang ah hun sawl ing ka tin, a chapate lak ah kei â ding ah leng ah pang ding ka mudok ta’ngâl in,” a hun ti tai.

1 SAMUEL 18:13

Chutichun, Saul in David chu a kiang ah pat chawndok in, sang khat chung ah thunei in a siam tai; tichun, David in sepaite mapui in, gâldo in a kuan un, a hung kile’kit jel sek ui.

1 SAMUEL 18:16

Himaleh, David chun Israel leh Juda sepai zosia puidok ah gual zo ah a hun pui tung kit jel sek ziakin, a puihuaite chun David chu a lungsiat deu deu tau hi.

1 SAMUEL 18:5

David chu Saul in a sawlna lam lam in a chia ah, a lawting pek ah; ziaziakchun, Saul in a sepaite chung ah hotu dingin a siam tai.

1 SAMUEL 25:28

Lungsiat tak in, la suakpa bawlkhialna hi ngaidam in; ka lalpa hin Lalpa mêlmate do la hiziak in, Lalpa‘n ka pu Inkuan hidet in tin, la dam sung sia thil phalo him him kimu lo ding ahi ngâl a.

1 SAMUEL 25:30

Lalpa‘n ka lalpa chung ah thilpha bawl piak ding a la tiam zosia chu la chung ah a bawl ah, nang chu Israelte chung ah leng ah a hun pansak phat leh,

1 SAMUEL 9:16

“Jing leh tu’hun tuam hileh, Benjaminte gam ah kipat in pawsal pakhat la kiang ah hun sawl ding ka hi, ama chu ka mipi Israelte chung ah vaihawm ding ah sathau la nu’ ding ahi. Ama chun Philistinte khut ah kipat in ka mipite chu hukdok ding ahi; ka mipite gentheina ka mu ta’n, ei konau aw git ka het tâk ziakin,” ti in.