2 SAMUEL 3:39 - PATHIAN LEKHABU THIANGTHO (BSI)

³⁹ Tu’ni hin sathaunu’, a la hilengle thunei zo lo ka hi. Zia Zeruiah chapate hi kei â dingin a thok hak ma mau hi. Zia tawhbang thil bawlte hi Lalpa‘n a nunsiatnau tawh kituak in a chung un dit kit zaw mai ta hen!” ti’n a gen tai.

2 SAMUEL 3:39 ပူးပေါင်းရင်းမြစ်များ

2 SAMUEL 16:10

Himaleh, lengpa chun, “Nanghaw Zeruiah chapate haw, bang a hem la kisakla piu? Lalpa‘n a kiang ah, ‘David hânsia valaw khum in,’ a ti hi kha leh, kua’n bangti awimaw thei ding a hem?” ti’n a dawnhu a.

2 SAMUEL 19:13

Chuleh, Amasa kiang inle, ‘nang hile ka chanau kinaipi hilo la hem? Tu’ kipat hin, Joab thasâng ah ka sepaite hotu lianpen ah ka hun pansak lo ngei ngei leh, Pathian in a nop nop ei law mai zaw hen,’ vatiu in,” ti’n a sawl a.

2 SAMUEL 19:22

Himaleh, David chun, “Nanghaw Zeruiah chate haw, bang kisakla’na la hiu em; tu’ni hin ka mêlma pan gua la hiu em? Tu’ni hin Israelte lak ah mi pakhat bêk thalup ding ahi ka tia hem? Tu’ni hin Israelte chung ah leng ka hi tai ti kihet lo eisa la hiu em?” ti’n a dawnhu a.

2 SAMUEL 3:38

Lengpa chun a sepaite kiang in, “Tu’ni hin Israelte lak ah lal chapa leh milian pakhat thi ahi lam he lo la hiu em?

1 LENGTE 2:32

Lalpa‘n ama thisan phuba ama luchung in kile’kit ding ahi; ama’n mi pani ama sâng ah dikzaw leh phazaw chung in khut a la tha ta’n, ka pa David het lo in chemjam in a la that hi: Israel sepai hotu Ner chapa Abner leh Judah sepai hotu Jether chapa Amasa te ni kha;

1 LENGTE 2:9

Ziaziakchun, tu’hin vang gitlo bei in sim kin la, mipil la hi’ngâl ah; a chung ah la bawl ding dan la henai. Ahi’n la, a sam kâng chu thisan tawh chia suksak ta’n, ti’n a gen tai.

1 KHANGTHU 22:5

David chun, “Ka chapa Solomon la a naupang in khua a henai paw’ngâl ah, Lalpa In ding chu a thupi thei pen, gam zosia ah gensim ah lopi ah sak ding ahiziak in, a van ding chu ka ngaitua ding ahi,” a ti’n, David chun a thi masang in a In van dingte chu a tam thei pen a guanggal tai.

1 KHANGTHU 29:1

Lengpa David chun mipi kikhawmte zosia kiangah chun, “Pathian in a têlchuam ka chapa Solomon hi a naupan tawh a hetna le a tawm nalai in, a nasep ding hi a lopi ma ma ngal in; a tempul sak ding hi mihingte chênna ding mai mai hilo in, Lalpa Pathian â ding ahi ngal in,

2 KHANGTHU 13:7

ahi’n, Solomon chapa Rehoboam chu naupang leh lungthim piting ahi masang khan, zia Rehoboam chung ah helna siam dingin michavai leh dukdak lo zosia hung kisang pawm in, a hung khawm tau ah, ziate chu a la lang zo ta pua’n.

SAM 101:8

Gam sung ah mi nunsiate hi jingkal si’n in, hi’mangthai ing ka tin; Lalpa khawpi kipat thil phalo bawl zosiate, paitha sik sek ding ka hi.

SAM 28:4

A thilbawl uh tawh kigûn leh, a thilbawlteu phatlo dungzui leh, a khut nasep dungzui un din inla, a gitlo man uh musak in.

SAM 62:12

aw Lalpa, ngilneina hi nang â ahi. Mi tin a nasep dungzui un la din sek ngal a.

SAM 7:16

A thil bawlsiatnau ga chu a luchung un kile’kit intin, amau luchung ngei in a hiamngam nau chu a chu tai.

SAM 75:10

Mi nunsiate zosia kî chu sattan piak ing ka tin; mi dikte kî vang chu choisa’n in um in a.

PAWTDAWNA THU 21:12

Kua’nle mi a satlup chun, ama chule tha ding ahi.

THUPILTE 20:8

A thutanna lalchutpha kichu lengpa chun, mi phalo zosia chu a jap mang sek hi.

THUPILTE 25:5

lengpa âng ah kipat in migilo chu pui mang lechin, a lalchutpha chu diktatna phudet in um ding ahi.

ISAI 3:11

Thil bawlkhialte chung a gik na e! A thil bawl khial uh tawh kigûn in, a chung un bawl thuk hiding a hiziak un, mi vangsia ahi nau e!

ISAI 7:4

a kiang in, Chingthei tak in um inla, thip hiat hiat in; zia meisel de liak liak gual bep, Rezin leh Suria tawh Remaliah chapa lungnatna huaisia takte ziak ah hi’n lau kin la, la lung thuaisak him him kin.

JEREMIAH 38:5

Lengpa Zedekiah chun, “Ama chu zia hin a um hilam, ama chu la khut ua um ahi; nanghaw kãl in lengpa’n bangma ka bawl thei puai,” ti’n a dawnhu a.

DANIAL 6:16

Tichun, lengpa’n thu a hun pia ta; Danial chu a kiang ah hun pui in, Sakeibaknei kul sung ah chun a sep lut tau a. Lengpa chun Danial kiang in, “Ginum tak ah a na la sep piak, la Pathian chun hun hukdok ta hen!” a tia.

KISIMNA LEKHABU 32:23

Himaleh, zia gual ah chu la bawl lo uh leh, Lalpa chung ah thil bawl khial hi’n lau; tichun, la gitlonau chun hun hawldok ngei ngei ding ahi ti he tau in.

ROMTE 13:4

Amau chu nangma phatna ding ah Pathian nasem ah pang a hiu. Himaleh, thil gilo chu la bawl leh vang, lau mai in; ama chun chemjam chu a mawk choi ahi puai; ama chu Pathian nasêm ahiziak in, thil gilo bawlte chung ah lungnatna phuba la ding chu ahi ngal a.

2 TIMOTHI 4:14

Sumsungpa Aleksander khan ei subuai ma ma ziang a; Lalpa‘n a thilhi dungzui in thuk in a.

VAIHAWMTE 9:57

chuleh, Shekhem khua mite gitlona chu Pathian in a chung un a tunsak ah; a chung un Jerubbaal chapa Jotham sapsiatna chu a hung guitung tai.