2 SAMUEL 3:31 - PATHIAN LEKHABU THIANGTHO (BSI)

³¹ Ziazaw chun, David in Joab leh a kiang ah um zosiate kiang ah chun, “La puan uh botthêk unla, saidip puan sil in Abner hi sûn un,” ti’n a gen a. Tichun, lengpa David chunle a luang chu a zui tai.

2 SAMUEL 3:31 ပူးပေါင်းရင်းမြစ်များ

THILSIAM THU 37:29

Reuben in kawkhûk lam a va etkit phat ah chun, Joseph a la um ta pua’n; tichun, a puanâk a bot thêk tai.

THILSIAM THU 37:34

Tichun, Jakob in a puan a bot thêk ah, saidip puan sil in, ni sawt tak a chapa chu a sûn tai.

2 SAMUEL 1:11

Ziaphatchun, David in a puante a botthêk ah; a kiang ah um zosia chunle ama bawl gual in a puan uh a botthêk chiat tau a.

2 SAMUEL 1:2

A nithum ni’ chun, Saul leh a lawite giabuk ah kipat pawsal pakhat, puanâk tel neng nung leh a luchang ah buanthuak bek net nut in a hung a. David kiang a hung tun phatin leitual ah bokkhup in jâna a hun pia.

1 LENGTE 20:31

A suakte’n a kiang in, “En tiam in, Israel Inkuan ah lengte chu leng ja’ngai thei tak a hiu, ti ka la he khau in; ka kawng un saidip puan cheng in, ka luzang un khauhualte koi ing ka tiu in, Israel lengpa kiang in vachia ing kau; la hinna hun hawi piak mai thei a hiu,” a tiu a.

1 LENGTE 21:27

Ahab in zia thute chu a het phat in, a puante chu a botthêk ah, saidip puan a sil ah; an a ngawl ah, saidip puan chung in a lum ah, dâ mêl pu tak kawm in a vâk vêl vêl tai.

2 LENGTE 19:1

Lengpa Hezekiah chun zia thu chu a het phat in, a puante a bot thêk ah, saidip puan a sil ah, Lalpa In ah chun a lut ngal tai.

2 LENGTE 19:2

A Inkuan lak ah thuneitu Eliakim chu tawh, dan lam ah mithiam Shebnah tawh, thiampute lak ah upate tawh, saidip puan sil kawm in, Amoz chapa jawlnei Isai kiang in a sawl a.

LUKA 7:14

Ziaphatchun, a hun nai ah, a lâng chu a vak khoi phatin a jawnte chu a ding tau a. Jesu chun, “Tangval, hung tho ta’n!” a hun tia.

JOSHUA 7:6

Ziaphatchun, Joshua chun, Israel upate tawh a puanteu botthêk in, Lalpa thuthung thingkuang mai ah bokkhup in a mâi ua lei tual si hial in a luchung ua leivui kibuak khum in, nitâk lam tiang in a bokkhup tau a.

THUPUAN 11:3

Ka thu ei hetpi panite kiang in thu pia’ng ka tin, amau chun saidippuan sil in ni sang khat za ni leh sawmguk sung thu gen in au,” a tia.

VAIHAWMTE 11:35

A chanu a mu phât in, a puan a botthêk ah, a kiang in, “Aw ka chanu! Nang in lei hi’niam na lawm lawm e! Ei sulungngai pen in la hung pang ta hilam! Lalpa kiang in kam ka la sua ta’ngâl ah, kijuk kit thei lah ka hita pua’n,” a tia.