2 SAMUEL 3:3 - PATHIAN LEKHABU THIANGTHO (BSI)

³ a pani’na chu Karmel khua Nabal ji thi’san, Abigail tawh a chapau Khileab, ahi’n; a pathumna chu Geshur Lengpa Talmai chanu Maakah tawh a chapau Absalom ahi;

2 SAMUEL 3:3 ပူးပေါင်းရင်းမြစ်များ

2 SAMUEL 13:1

Hun bang chan a hem nung in, David chapa Absalom in suapi nungak mêlpha tak pakhat a nei ah, a min chu Tamar ahi. Chuleh, David chapa Amnon in ama chu a dawicha ta’n.

2 SAMUEL 14:23

Tichun, Joab chu a kipandok ah, Geshur ah a vachia ah, Absalom chu Jerusalem lam in a hun pui kit tai.

2 SAMUEL 14:24

Lengpa chun, “Ama In lam in chia hen la; ka kiang ah vang hung ki’hen,” ti’n a gen a. Tichun, Absalom chu ama In ah a chia ah, lengpa kiang in vang a hung kilâk puai.

2 SAMUEL 14:32

Absalom in Joab kiang ah chun, “En in, la kiang ah, ‘Hung inla, lengpa kiang ah, Geshur ah kipat bang ding ah hung ka hi em? Zia tak ah chun hung um den mai leng kei â dingin phazaw ding hive’n,’ ti’n ei vagen piak lechin ka tia. Tu’hin lengpa kiang ah ei chiasak inla, mawna nei ka hileh ei that mai hen,” ti’n a gen a.

2 SAMUEL 15:7

Kum li zaw ah chun Absalom in lengpa kiang in, “Lungsiat tak in Hebron khua Lalpa kiang ah ka la kitiamna ka vasukpitin theina dingin ei chiasak in.

2 SAMUEL 15:8

Aram gam ah Geshur ah ka va um sung ah khan la suak in: Lalpa‘n dam ah Jerusalem khua ei pui tung kit chun, Hebron khua’n Lalpa ka vaho tei tei ding ahi, ti’n kitiamna ka la bawl hen,” a tia.

2 SAMUEL 18:33

Lengpa chu a dâ ma ma ziang ta’n; tichun, kul kotkhak chung ah pindan ah lut in, a kap ta’n; a chia kawm kawm in, “Aw, ka chapa Absalom! Nang sâng in keima thi zaw mai leng ka nuam na e! Aw Absalom, ka chapa, ka chapa!” ti’n a kap malam pek tai.

2 SAMUEL 2:2

Tichun, David in zia khawpi chu a zuan to ta’n, a jite ni, Jezreel mi Ahinoam tawh, Karmel khua Nabal in a thi’san a ji Abigail inle a zui ua.

1 LENGTE 1:6

Ama chu a pa’n bangtik lai inle, “Bang ziak ah zia gual ah chu zia chu bawl la hem?” ti’n a sulungawi lo ngai pua’n. Ama chu pawsal mêlpha tak le ahi’n, Absalom pian zaw ah piang ahi.

1 LENGTE 2:15

Ama chun, “Lenggam hi kei â ahi ti la hia’i. Israel mite zosia chun kei vaihawmtu hiding in a mêl uh kei lam a ngat un; himaleh, lenggam chu a kihei in, ka suapipa a hung chang tai! Lalpa‘n ama a piak ahi ngâl a.

1 KHANGTHU 3:1

Hebron ah piang, David chate chu ziate hi a hiu a: A upa pen chu Jezreel mi Ahinoam tawh a chapau Amnon ahi’n; a pani’na chu Karmel mi Abigail tawh a chapau Danial ahi’n;

1 KHANGTHU 3:2

a pathumna chu Geshur lengpa Talmai chanu Maakah tawh a chapau Absalom ahi’n; a pali’na chu Haggith tawh a chapau Adonijah ahi’n;

DAN LEKHABU 3:14

Manasseh chapa Jair in, Argob gam zosia, Geshurte leh Maakathte gam tiang in a la’n; zia gam chu ama minsak in, Bashan gam ah Havvoth-Jair a sak ah; tu’ni tiang hinle zia chu a um zing a.

JOSHUA 13:13

Himaleh, Israelte’n Geshurte leh Maakathte chu vang a nawdok nai puau; Geshurte leh Maakathte chu tu’ni tiang hin Israelte lak in a chêngden tau a.

1 SAMUEL 25:3

Zia pa min chu Nabal ahi’n; a ji min chu Abigail ahi. A ji chu numei pilthei tak leh mêlpha tak ahi’n, a pawsal chu vang mi thukhel leh lungthim neu ahi; ama chu Kaleb Inkuan ah mi ahi.

1 SAMUEL 25:42

Abigail le kin tak in a kipan ah, a sabiltung ah chuang in a chia tai; a suak numei panga’nle a zui tau a. David palai sawlte nung chu a zui pek ah; tichun, David tawh a kicheng tau hi.

1 SAMUEL 27:8

David leh a lawite chu a kuan to un, Geshur, Girzi leh Amalekte chu a vado un; ziate hi Telam ah kipat Shur lampi leh Aigupta gam lam tiang ah a la chêngte chu a hiu a.