2 SAMUEL 3:12 - PATHIAN LEKHABU THIANGTHO (BSI)

¹² Abner chun, Hebron ah David kiang ah thu vatut dingin palai a sawl ah; “Gam hi kua â ahi em? Kei tawh pankhawmna dingin thu ei tiam inla, Israelte zosia nang lam ah a hung pan theina ding un hun panpi leng ka ti ahi,” ti’n a vagensak a.

2 SAMUEL 3:12 ပူးပေါင်းရင်းမြစ်များ

2 SAMUEL 19:14

Amasa chun Judah mite zosia lungthim chu pum khat ah luangkhawm dingin a la thembi ta’n; tichun, lengpa kiang in thu a tut un, “Hung kit ta’n, nang tawh, la suakte zosia tawh hung kit tau in,” a tiu a.

2 SAMUEL 19:41

Ziaphatchun, Israel mipi zosia chu lengpa kiang in a hung un, a kiang in, “Bang ding ah ka unauteu Judai gam ah mite hin hun kineisak chuam ah, lengpa leh a Inkuante zosia Jordan lui gâl lam ah pui kai in, David nungjuite zosia le pui mang chuam a hiu em?” a hung tiu a.

2 SAMUEL 19:6

nang hun do-te hepi ah, nang hun hepite hua la hi maw. Tu’ni hin la sepai hotute lak ah milian leh mi lalte hi bangma ngai lo la hi dan la taklang chian ma ma hi; tu’ni hin Absalom dam hen la, kei haw zosia hi thi sik sek leng un kipak ding la hi hilam.

2 SAMUEL 3:11

Ishbaal in Abner chu a lau ma ma ziakin, kam khat ziang inle a dawnhu ngam ta puai.

2 SAMUEL 3:13

Ama chun, “A phai, nang tawh I kikâl ah thuthung siam ing ka. Himaleh, thil pakhat hun phût ding ka hi: keima ei mu ding ah la hung phat leh, Saul chanu Mikhal kha la hun pui lo leh vang ei mu ngai ngai pua’n la,” ti’n a dawnhu tai.

2 SAMUEL 3:21

Abner chun David kiang in, “Israelte zosia ka Lalpa lengpa kiang ah ko khawm dingin vachia ing ka tin, amau chun nang tawh kikâl ah thuthung a siam ua, nang inle la lung gual tak ah a chung ua vai la hawm theina dingin,” a tia. Tichun, David in Abner chu thamuang tak in a sawldok tai.

2 SAMUEL 3:27

Hebron lam ah Abner a hungkile’kit phatin, Joab in kul kotkhak paw lam ah chun hoguk ding gaw dan in a pui chuam ah, zia tak ah chun a tumpi a sutthil piak tai. Tichun, Joab suapipa Asahel thisan a la sua ziak ah chun a thi ta ahi.

2 SAMUEL 3:38

Lengpa chun a sepaite kiang in, “Tu’ni hin Israelte lak ah lal chapa leh milian pakhat thi ahi lam he lo la hiu em?

SAM 62:9

Mi nuainungte hi hu kithâdok tawhbang bep a hiu in, miliante hile kithepna mai a hiu. Bûkna’n a kikâng gêl un, a paniu inle hu kithâdok sâng in, a jang zaw nalai ui.