2 SAMUEL 24:25 - PATHIAN LEKHABU THIANGTHO (BSI)

²⁵ Zia tak ah chun David in LALPA hona dingin mâichâm a siam ah, hâlmang thilpiak leh kichamna thilpiak a lân tai. Tichun, LALPA‘n gam sung â ding ah a dotna chu a dawnhu a, Israelte lak ah natpi chu a ladok tai.

2 SAMUEL 24:25 ပူးပေါင်းရင်းမြစ်များ

THILSIAM THU 12:7

Chun, Abram kiang in Lalpa a hung kilâk ah, a kiang in, “Zia gam hi la suante kiang in pia ding ka hi,” a tia. Tichun, zia mun ah chun, a kiang ah kilâk Lalpa â dingin mâichâm a siam tai.

THILSIAM THU 22:9

Chun, Pathian in a ti’na mun chu a vatung tau ah; zia tak ah chun Abraham in mâichâm a siam ah, thing chule a siakhawm ah. A chapa Isak chule a kântom ah, mâichâm thing chung ah chun a lupsak tai.

THILSIAM THU 8:20

Ziaphatchun, Noah chun Lalpa â dingin mâichâm a bawl ta’n; sa thiang zosia lak leh, vacha thiang zosia lak ah kipat a lakhawm ah, mâichâm ah chun hâlmang thillat in a lân tai.

2 SAMUEL 21:14

Saul gute leh a chapa Jonathan gute chu Benjamin gam ah Zela khua a pa Kish thân ah chun a vui tau a; lengpa thupiak zosia chu a bawl tau hi. Ziazaw chun, gam sung â ding ah dotnate chu Pathian in a ngaisak tai.

2 SAMUEL 24:14

Ziaphatchun, David in Gad kiang in, “Ka lung a buai ma ma tai; Lalpa khut in pûk lut zaw mai ing ka; ama chu hepina hau ahi ngâl ah; mihing khut in vang ka pûk lut nuam puai,” ti’n a dawnhu tai.

1 LENGTE 1:1

Lengpa David chu a hung têk ta’n; a kumte a tam ta; puansilte khu’khum maleu lum a sa zo diak ta pua’n.

EZEKIEL 16:42

Tichun, la chung ah ka lungnatna dam ta’n tin, ka hun thangsiatna le bei ta’n ah; thip hiat hiat ta’ng ka tin, la chung in lungna ta pua’ng ka.

KISIMNA LEKHABU 17:13

Lalpa biakbûk mai ah chia tapo thi ding ahi. Ka leng ua thi mang zo mai ding ka hiu em?” a tiu a.

VAIHAWMTE 21:4

A jing phatin, mipite chu vaima tak ah tho in, zia mun ah chun mâichâm a siam ua, hâlmang thillat leh kichamna kithoinate a lân tau a.

VAIHAWMTE 6:24

Ziaphatchun, Gideon in Lalpa â dingin zia tak ah chun mâichâm a siam ah, a min in, Jehovah-shalom a sak tai. Tu’ni tiang in zia chu Abiezar Inkuante gam ah Ophrah mun ah chun a um nalai hi.

1 SAMUEL 13:9

Ziaphatchun Saul in, “Hâlmang thillat ding tawh, kichamna thillat ding kha ka kiang ah hun la tiam un,” a tia. Tichun, hâlmang thillat chu a la bawl tai.

1 SAMUEL 14:35

Chuleh, Saul in Lalpa â dingin mâichâm pakhat a siam ah, zia chu Lalpa â ding ah a mâichâm bawl masakna penle ahi.

1 SAMUEL 7:17

Chuleh, a chênna mun ahi ziakin, Ramah lam in a hung kit sek ah; zia mun ah kipat chun Israelte chung ah thudik in vai a hawm ah, zia tak ah chun Lalpa â dingin mâichâm pakhat a siam tai.

1 SAMUEL 7:9

Tichun, Samuel in belamno, nawichep nalai pakhat chu Lalpa kiang ah hâlmang thillat dingin a pia ta’n; Samuel in Lalpa kiang in Israelte â dingin a dot piak ta’n; chuleh, Lalpa‘n a lawtin sak tai.