2 SAMUEL 24:20 - PATHIAN LEKHABU THIANGTHO (BSI)

²⁰ Araunah in a vak et suk leh, lengpa leh a suakte ama kiang lam ah hung chu a vak mu’n; tichun, Araunah chu a chia ah, lengpa âng ah khupbok in a mai lei tual in a sidên tai.

2 SAMUEL 24:20 ပူးပေါင်းရင်းမြစ်များ

THILSIAM THU 18:2

A vak khawdak ah a et leh, ngaitia, a mai jawn tak ah chun mi pathum ding zing hi a vak mu’n. Amau chu a mu phât in a lamtua dingin a puanbûk kotkhak bul ah pat chun a tai phei ah, leitual si’n bokkhup in chibai a bûk ta’n;

2 SAMUEL 1:2

A nithum ni’ chun, Saul leh a lawite giabuk ah kipat pawsal pakhat, puanâk tel neng nung leh a luchang ah buanthuak bek net nut in a hung a. David kiang a hung tun phatin leitual ah bokkhup in jâna a hun pia.

2 SAMUEL 24:19

Gad thuhilna leh Lalpa thupiak dungzui in David chu a chia to ta’n.

2 SAMUEL 24:21

Araunah chun, “Bang ding ah lengpa hi la suak kiang ah hung la hem?” a tia. David in, “Mipite lak ah natpi hi a beitheina ding ah, Lalpa mâichâm siamna dingin la buphual hi chaw ding ah hung ka hi,” a ti tai.

2 SAMUEL 9:8

Ama chun chibai a bûk kit ah, a kiang in, “La suak, uicha thisa gual bep hi bang ding ah ei chuti ngaisak la hi em?” ti’n a dawnhu tai.

RUTH 2:10

Ziaphatchun, a mai ah tual si hial ah bokkhup in chibai a bûk ah, a kiang in, “Bangtidan ah, keima nam chuam mi hi lei hiti hetthiam ah, la mit mu ah doisakna chang thei ka hem?” a tia.