2 SAMUEL 24:2 - PATHIAN LEKHABU THIANGTHO (BSI)

² Tichun, lengpa chun, Joab tawh a kiang ah um sepai hotute chu, “Chiau inla, Dan ah kipat Beer-sheba tiang in, Israel phung zosia lak ah mi bang jat I hiu em ti ka hettheina dingin vasim un,” ti’n a sawl tai.

2 SAMUEL 24:2 ပူးပေါင်းရင်းမြစ်များ

THILSIAM THU 21:14

A jing ah chun Abraham jingkal ma tak in a tho ah, vaithum bang a hem jat tawh, tuithawl tui ah dim tawh Hagar a pia’n. A liangko in a sawt ah, naupang chu tawh a sawl mang ta’n. A mau le a chia tau ah, Beer-sheba gamthip ah chun a vâkvâi tau a.

2 SAMUEL 17:11

Zia sâng ah chun, Dan ah kipat’ Beer-sheba tiang ah mipi, tuisuagiat pâm ah piaunêl gual ah tam in kikokhawm hen la, gâl do dingin nangma ma’n ma pui zaw lechin ka ti ahi.

2 SAMUEL 2:13

Zeruiah chapa Joab tawh David suakte chu a vâk dawu leh, Gibeon dilpang ah chun a kisitua tau a. Dilpang langkhat gêl in a pang tau hi.

2 SAMUEL 20:23

Tu’hin, Joab chu Israel sepaite zosia chung ah hotu’n a pang ah; Jehoiada chapa Benaiah chu Kereth mite leh Peleth mite chung ah hotu’n a pang tai.

2 SAMUEL 23:37

Ammon mi Zelek; Beeroth khua Naharai, Zeruiah chapa Joab gâlvan chawipa kha ahi’n;

2 SAMUEL 24:15

Tichun, zia ni jingkal ah kipat chun, a hun tiam chan chu Israelte lak in natpi a lênsak ta’n; Dan ah kipat Beer-sheba tiang in mipite lak ah sîng sagi a thi tau hi.

2 SAMUEL 3:10

Dan ah kipat Beer-sheba tiang ah Saul lenggam chu ladok in, Judate leh Israelte chung ah hin David in a lalchutpha a hun tundaw lo tâk leh aw!” ti’n a dawnhu tai.

2 SAMUEL 8:16

Zeruiah chapa Joab chu a sepaite lak ah hotu lianpen in a pang ah; chuleh, Ahilud chapa Jehoshaphat chu chanchin tepte in a pang ah,

1 KHANGTHU 21:2

Tichun, David in Joab leh a sepai hotute kiang ah chun, “Chiau inla, Beer-sheba ah kipat Dan tiang ah Israel mi jat vasim unla, bang jat a hiu em ka hettheina dingin ei hung hil un,” ti’n a gen a,

2 KHANGTHU 32:31

A gam ah thilmakte entha dingin Babulon ah miliante chun palai a hun sawl un; a lungthim dik tak kichetna dingin Pathian in ama chu a thathawt tai.

THUPILTE 29:23

Mi a kiletsakna chun kainiam intin; maleh, kingaitawmna lungthim nei mi chun choisânna mu’n a.

JEREMIAH 17:5

Lalpa‘n zia gual hin a gen hi: Mihing muang ah, mihing hatna kisuanpi ah, a lungthim ah Lalpa nusiate chu, hânsia dong in um uh hen.

2 KORINTH 12:7

Ahi’n, hiatsaknate chu a nasat ma ma ziakin ka kingaisân tâkluat lona dingin, ka taksa ah hin ling ei pia ahi; Setan sawlchâk, khutthak noina ei mang dingpa chu ka zawtheina ding in; chutiloleh kingaisâng talua kha’ng ka.

VAIHAWMTE 20:1

Ziaphatchun, Israelte zosia Dan ah kipat Beer-sheba leh Gilgal gam tiang in a hung kuandok tau ah; mipi pungkhawmte chu kithu gual tak in Mizpah mun ah Lalpa ma-âng in a kikhawm tau a.