2 SAMUEL 24:16 - PATHIAN LEKHABU THIANGTHO (BSI)

¹⁶ Himaleh, Jerusalem khua gawt ding ah vansawlchâk chun a khut a hun lap phatin, Lalpa chun mipite lak ah thil phalo bawl ding chu a hun thotâng ta’n, “Hun ta hen; la khut kha lâm ta kin,” a hun tia. Lalpa vansawlchâk chu Jebus mi Araunah phual kiang ah a um lai tak ahi’n.

2 SAMUEL 24:16 ပူးပေါင်းရင်းမြစ်များ

THILSIAM THU 10:16

Jebus, Amor, Girgash,

THILSIAM THU 6:6

Lei chung ah mihing a la siam tâk ziakin, Lalpa chu a kisik in, a lungthim a na ma ma ziang tai.

2 SAMUEL 24:18

Zia ni chun Gad chu David kiang in a hung ah, a kiang in, “Chia to inla, Jebus mi Araunah buphual ah chun Lalpa hona dingin mâichâm vasiam in,” a tia.

2 SAMUEL 5:8

Zia ni’ chun David in, “Jebuste that gam nuam taphot chun, David in a huat ma ma kengbai leh mitthûmte chu that dingin tuiluanna kuak lam ah chun chia to uh hen,” a tia. Ziaziakchun, “Mitthum leh kengbaite chu Tempul ah a lût lo diu ahi,” a ti sek ui.

1 LENGTE 19:4

Himaleh, ama chu gamthip sung ah nikhat lamzawt tiang a chia ah, munphi thingbul in a kichu tai. A thi’na dingin a don ah: “A hun tawk tai; tu’hin, aw Lalpa, ka hinna lamang ta’n, ka pu leh pate sâng in ka phazaw diak paw’ngal in,” ti in.

2 LENGTE 19:35

Zia jan ma ma’ chun, Lalpa vansawlchâk a hung ah, Assuria mite kikulna mun ah sepaite nuai khat leh sîng giat leh sang nga a that ah; jingkal khawvak phatin, a thisa ngen a la hitau hi.

1 KHANGTHU 1:14

Jebus mite, Amor mite, Girgash mite,

2 KHANGTHU 3:1

Jebus mi Ornan buphual jawl ah David in a la guanggalna mun, a pa David kiang ah Lalpa a la kilâkna mun ma ma Jerusalem khua Moriah tâng ah chun Solomon in Lalpa In ding sakdaw a hun gua’n,

2 KHANGTHU 32:21

Lalpa‘n a vansawlchâk pakhat hun sawl in, Assuriate sepai hangsan leh a hotute leh a sâpliante zosia chu a hung bantan sik sek tai. Tichun, ama chu zakcha tak in a gam lam un a kile’kit tai. A pathian In ah a vachia phatin, ama chate ma ma chun chemjam in a that tau hi.

SAM 135:14

Lalpa‘n a mite vaihawm piak intin, a suakte chu hepi ding ahi ngal a.

SAM 35:6

A lampiu thim in nâl hen la, Lalpa vansawlchâk in delzui ta hen.

SAM 78:38

Ahi’n, ama chu lainatna dim ahi ziakin, a khawlonau chu ngaidam in amau chu a gawt chimit diak puai. A lungnatna a kisûm ah, a hachang thakna zosia chu a choktho nuam puai.

SAM 90:13

Aw Lalpa, hung kile’kit ta’n! Bang chan a hem la lungnat ding? La suakte hi khawtua ta’n.

PAWTDAWNA THU 12:13

Gan thisan chu nang uh â dingin la umna chiat ua tepte’na hi’n a: thisan chu ka hun mu phat leh nang uh hun chopkân ing ka tin; chuleh, Aiguptate ka soisak phat leh, nang uh hi’mangthai dingin la chung un hipi chu tung pua’n a,” a tia.

PAWTDAWNA THU 12:23

Lalpa chun Aiguptate sawisa dingin hung vâkvêl ding ahi ngal a; kot chung leh kotbiang ah thisan chu a mu phat leh, Lalpa’n zia In chu chiakân intin, nang uh himangthai dingin mi himangthaipa chu la In sung ua hung lutsak lo ding ahi.

PAWTDAWNA THU 32:14

Chutichun, Lalpa’n a mipite chung ah thil phalo bawl ding a ngai tuana’ kipat chun a lung a hei tai.

PAWTDAWNA THU 9:28

Van-gi leh gialpi thupi takte hi a tawp theina dingin Lalpa kiang ah don in. Hun chiasak ta’ng ka tin, hun khâm ta pua’ng ka,” a tia.

ISAI 27:8

Amau chu nawdawna sal ah pui mang in a umsak ah, a lungnatna’n sualam thigawpi a mût mangsak tai.

ISAI 57:16

A kum a khua’n hun mawsak zing pua’ng ka tin, la chung inle lungna zing diak pua’ng ka; achutiloleh, ka ma-âng in thagau leh, a hinnau ka siam piak nasan chu, basam zo mai ding ahi ngal in.

JEREMIAH 26:19

Judai gam ah Lengpa Hezekiah tawh, Judai gam ah mipite chun a la that ziang sam awm? Lalpa chu lau in, Lalpa doisakna a dot ziak un a chung ua siatna tung ding ah a la gendawsa kha, Lalpa‘n a lungthim theng kit mai hilo a hem? Tu’hin, ei haw vang, I chung ua siatna huaisia tak tunsak ding I hitau hilam! a hun tiu a.

JEREMIAH 42:10

Zia gam ah hi la um den hiat hiat ua leh, hun tungding ing ka tin, hun suchim lo ding ka hi; hun phu ing ka tin, hun botdok lo ding ka hi; la chung ua thil phalo ka hun tunsakte haw hi, ka kisik kit ta’ngal a.

AMOS 7:3

Zia thu ah hin Lalpa‘n a lung a hei ta’n, “Zia gual chu hita pua’n a,” Lalpa chun a ti tai.

AMOS 7:6

Zia thu ah hin Lalpa‘n a lung a hun hei ta’n, “Zia hile hita pua’ng ka,” Lalpa Pathian in a hun ti tai.

HABAKKUK 3:2

Aw Lalpa, la minthanna thu ka la he ta hen; aw Lalpa, la thilbawl tiza in ka ding mai hi. Keimau hun sung in hun hi’hal kit inla, ka hun sung ma mau hin hun hiatsak inla; la lungnatna tawp khawk inle ja’ngaina hemil kin.

ZEKARIAH 9:7

A kam ua kipat in a thisan uh leh, a ki’dak umnau a ha kâl ua kipat in lamang ing ka; amau chu I Pathian uh â ding ah a um nalai sunte hung hita’n au. Judah nam ah phung khat gual hi’n tiu in, Ekron chule Jebus mite gual hita’n au.

MARKA 14:41

A hung kit thumveina chun a kiang un, “Ipmu ah kichawl zing nalai ding la hiu em? tu’hin vang a hun ahi tai, a hun tung ma ahi tai; Mihing Chapa hi migilote khut ah matsak ah um ding ahi tai.

NASEPTE 12:23

Ziaphatchun, ama’n Pathian kiang ah lopina a piak lo ziakin, Lalpa vansawlchâk in phutlo in a gawt ah, gûlkût in a ne, a thi tai.

1 KORINTH 10:10

Phunchiak puai tiu, a lak ua khenkhat a chutiu ah, hi’mangthaipa’n a sukmanthai khawlaw tâk kha.

2 KORINTH 2:6

Zia gual mi â ding ah chun, mi tam tak gawtna chu a hun tawk hi.

JOSHUA 15:63

Himaleh, Judah phung ah mite chun Jerusalem khua chêng Jebus mite chu vang a nawdok suak puau; ziaziakchun, tu’ni tiang hin Jebus mite chu Judah mite lak ah Jerusalem khuan a chêng den tau hi.

VAIHAWMTE 1:21

Ahi’n la, Benjamin chate’n vang, Jerusalem ah chêng Jebus mite chu a nawdok puau ah; ziaziakchun, Jebus mite chu tu’ni tiang ah hin Benjamin suante tawh Jerusalem in a chêng khawm tau hi.

VAIHAWMTE 19:11

Jebus khua kiang a tun phat un, ni a niam ta ma ma ah; chuleh, a suakpa’n a pu kiang in, “Hung tia, zia Jebushte khawpi ah sawn lût hitiu in, khua sung ah vagiak hitiu,” a tia.

1 SAMUEL 15:11

“Leng ding ah Saul ka la guat hi ka kisik hi, ka thupiakte zui lo hial in ei kinungheisan ta’ngâl a,” a tia. Samuel chu lungna tak kawm in jankhua’n Lalpa chu a ko ta ahi.