2 SAMUEL 24:13 - PATHIAN LEKHABU THIANGTHO (BSI)

¹³ Tichun, Gad chu David kiang in a chia ah, a hil zaw phatin a kiang in, “La gam sung ah kum thum kial tung ding la têl diam? ahiloleh, la gâlte’n a hun delzui ua, tha thum sung tai mang la têl zaw diam? ahiloleh, la gam sung ah natpi ni thum sung lênsak zaw ding ka hem? Tu’hin, bang pen têl ding la hem kingaitua inla, ei sawlpa kiang ah vahil kit ding ka hi,” a ti tai.

2 SAMUEL 24:13 ပူးပေါင်းရင်းမြစ်များ

2 SAMUEL 21:1

David hun lai ah chun kum thum sung a kizom in kial a hung tung ta’n; tichun, David in Lalpa a dong a. Lalpa‘n a kiang in, “Saul in Gibeon mite a thalup ziakin, ama leh a Inkuante’n thisan maw a puau hi,” ti’n a hun dawnhu a.

2 SAMUEL 24:12

“Chia inla, David kiang in zia gual hin vagen in: Lalpa‘n zia gual hin a gen hi: Thil pathum lak ah pakhat la têl ding ka hun pia, la têl pen chu hun bawl ngâl ziang ding ka hi, a tii,” ti in.

2 LENGTE 8:1

Tichun, Elisha’n a chapa thisa a kaithaw kit numei kiang ah khan, “Kipan inla, la In sung mite tawh chiau inla, la chêntheina na un va chêng un; Lalpa‘n kial tunsak ding a hita ngal ah, zia gam ah hin kum sagi kial hung tung ding ahi,” ti’n a gen tai.

1 KHANGTHU 21:12

Kum thum sung kial ding a hem, mêlmate nuai ah tha thum um ah, mêlmate chemjam lakah khawsak ding tawh, ni thum sung Lalpa chemjam, a gam ah natpi lensak ah, Israel gam sung zosia chu Lalpa vansawlchâk in a sukchimit ding’. Tu’hin, ei sawlpa kiang ah ka gen kit theina dingin la têl chu ei hil in,” a ti tai.

SAM 91:6

thim nuai ah hî leng lau pua’n la tin, sûnchang lai ah siatna chule lau diak pua’n la.

PAWTDAWNA THU 7:25

Lalpa’n Nail luipi tui a vok zaw ah kipat in ni sagi a hung hi tai.

EZEKIEL 14:13

Mihing, gam pumpi’n ginum lo tak ah ei gitlosan phat uh leh, ka khut amau do in ka lâm ah, a ankuang uh bunkhup in, kialna ka tunsak sek ah; chuleh, gancha leh a mihing chanpiu lakah kipat in ka paitha sek in,

THIAMPUTE LEKHABU 26:20

La hatnau a thawn in sêng in la tin uh, la louteu in ga sua pua’n tin, gam ah thingte’n le ga sua diak pua’n au.

THIAMPUTE LEKHABU 26:25

Ka thuthung phuba lâkna dingin, la chung un chemjam hun lênsak ing ka tin: La khawpi sung ua bitna hawl ah la taikhawm phat ua leh le, la lak un hipi hun lênsak ing ka tin: Chuleh, la mêlmateu khut ah piak in um ding la hiu.

LUKA 4:25

Himaleh, thu dik tak chu zia hi ahi: Elijah hun lai ah khan, kum thum leh tha guk sung van a hung pin ah, a gam pumpi kial a tun lai khan, Israelte lak ah meithâi tam tak a la um tho ui;

DAN LEKHABU 28:22

Lalpa chun, kumjawnna, khawsikna, vûnnatna, ti sat hut hutna, khawkhâlna, lung leh hisian hun gawt intin, la manthai masiau hun delzui in a.

DAN LEKHABU 28:25

Lalpa‘n la mêlmateu zaw in hun umsak in, amau do dingin lampi khat zui maleu chin, lampi sagi ah taijak in lau. Khawvel lenggam zosiate â ding ah tizat um ah gensim hung hita’n lau.

DAN LEKHABU 28:27

Sukdam theilo Aigupta gam ah uilut te, meimasia, thisan natna leh tithak te hin Lalpa‘n hun gawt in a.

DAN LEKHABU 28:35

Sukdam thei lo natna Lalpa‘n la khûp ua te, la keng ua te leh la kengpêk ah kipat la luvûm tiang un hun veisak in a.

DAN LEKHABU 28:52

La kisuanpi la kulbâng sâng tak tak teu leh, la chênna khawpiteu zosia a chip suak masangsia, ûm chimit in au; Lalpa la Pathian un a hun piakna gam ah chun la chênnau khawpi zosia chu hun ûm suak ta’n au.

1 SAMUEL 25:17

Ziaziakchun, tu’hin zia chu hia’n la, la bawl ding dan ngaitua in; ka pu leh a Inkuante zosia chung ah thil phalo tak hung tung tawl in ah; ka pu lah a lungchom ziakin bangma genna thei ahi paw’ngâl in, a vati tau hi.