2 SAMUEL 24:10 - PATHIAN LEKHABU THIANGTHO (BSI)

¹⁰ Himaleh, mipi a sim ziakin a vainung in David lungthim chu a na ta ma ma ziang a. David in Lalpa kiang in, “Ka la thilbawl ziak hin nasa tak in gilo ka hi tai. Himaleh, tu’hin, aw Lalpa, la suak gitlona hi ei lakmang piak dingin ka hun don hi; ngolhuai tak in thil ka la bawl ta’ngâl in,” a tia.

2 SAMUEL 24:10 ပူးပေါင်းရင်းမြစ်များ

2 SAMUEL 12:13

David in Nathan kiang ah chun, “Lalpa chung in ka la gilo ta a hi,” a tia. Nathan chun David kiang in, “Tu’hin la gitlona chu Lalpa‘n a lamang tai; thi lo ding la hi.

2 SAMUEL 24:17

Mipite thattu vansawlchâk chu David in a mu phât in, Lalpa kiang in, “Keima bep ka hi a gilo chu; zia belamte hin bang a bawl ua a hem? La khut chu keima leh ka pa Inkuante chung ah tunsak zaw dingin ka ni la hi,” a tia.

1 LENGTE 8:35

La chung ah a gitlo ziak ua van a kikhâk ah, gua a zuk lo phat leh, zia mun lam hi nga’ a pauchap ua, la min a suau ah, amau la gawt genthei ziak ah a gitlonau ah kipat a kihei kit phat ua leh,

1 KHANGTHU 21:7

Zia thu ah hin Pathian a lung a awi ta pua’n, Israelte chu a gawt khawlaw tai.

1 KHANGTHU 21:8

David in Pathian kiang in, “Zia thil ka la bawl ah hin la chungah ka sukhial nasa ma ma tai. Himaleh, tu’hin, ngolhuai tak ah thil ka la bawl tak ziakin, la suakpa sukkhialna hi ngaidam piak dingin ka hun don la hi,” ti’n a gen a;

2 KHANGTHU 16:9

Ama ah lungthim dik tak nga zosiate hihat dingin, Lalpa mit chun khawvel pumpi a mu suak hi. Ngolhuai tak in zia gual hin la bawl ta mai hi; tu’kipat hin gâl do pan ta ding la hi,” ti’n a vagen a.

2 KHANGTHU 32:26

Ziaphatchun, Hezekiah in a chapona lungthim chu hun kheniam in, Lalpa lungnatna chu Hezekiah dam sung ah Jerusalem khua chêngte leh ama chung ah chu lo dingin a hung kingainiam tai.

JOB LEKHABU 7:21

Bang ding ah ka bawlkhialna ngaidam lo ah, ka khawlona le lamang lo la hem? Tu’hin vang lei lak ah ipmu ding ka hita’n, ei hawl in la tiu in la zia hin um ta pua’ng ka.

SAM 32:5

Ziaphatchun, ka gitlona la kiang in ka puang ah, ka khawlona chu ka îm ta pua’n; “Ka sukkhialna chu Lalpa kiang ah thupha chawi ta’ng ka,” ka tin; tichun, ka gitlona chu la ngaidam ta ahi. (Selah)

PAWTDAWNA THU 10:16

Ziaphatchun, Pharaoh chun Mosi tawh Aron kin tak in a ko ah a kiang un, “Lalpa la Pathian uh leh nangmau chung in thil ka bawl khial tai;

THUPILTE 28:13

A hi’khelna îmgu chu lam jang pua’n tin; îmlo ah kipuang ah haisante chun za’ngaina mu’n au.

HOSEA 14:2

Thupha chawi in hung kile’kit inla, Lalpa kiang in: “Ka mawnau zosia lamang inla, a pha taphot chu pom inla; tichun, ka mûk gateu chu thillat in hun pia ta’ng kau.

JOEL 2:12

Ahi’n la, tu’hin le Lalpa‘n, la lungthim zosiau in anngawl ah, kap leh lusûn kawm in ka kiangah, hung kihei kit un;

KISIMNA LEKHABU 12:11

Ziaphatchun, Aron in Mosi kiang in, “Aw he pu, ngolhuai tak ah thil ka la bawl khial tâk ziak un, ka bawlkhialnau ziak in ei gawt kin la;

MARKA 7:22

thanhuainate, du-âmnate, phatlonate, mithep nopnate, huknate, kisaktheinate, mi demsiat nopnate, ngolnate haw hi a hung pawt sek hi.

JOHAN 1:29

A jing ah chun Johan chun, Jesu ama kiang lam zuan ah hung chu a mu phât in, “En tiam un Pathian Belamno, khawvel gitlo pawmangpa saw!

JOHAN 8:9

A thugen chu a het phat un, a upate lam ah kipat in, pakhat khat in a pawtdok tau a; Jesu leh numei a lai ah dingnu bep chu a um tau hi.

DAN LEKHABU 32:6

Aw, mingol leh ngaituana beite haw, zia gual chun maw Lalpa la dit kit diu? Ama chu la Pau, a hun siampa leh, tungdingpa hilo maw?

TITA 3:3

Eihawle malai ah khan mingol tak, thu awilo, thep zaw ah um, gilo leh mitthîp hatte, huat ah um leh kihawtua ah umte I la hiu a.

1 JOHAN 1:9

I gitlonau thupha I choi uh chun, I gitlonateu ngaidam ding leh, I dik lona zosiau silthiang dingin ama chu a ginum in a dik hi.

1 SAMUEL 13:13

Samuel in Saul kiang ah chun, “Ngolhuai tak ah thil a la bawl la hita hilam; Lalpa la Pathian thupiak chu la zui ta puai. Chuti hilo leh vang, Lalpa‘n Israelte chung ah leng la hi’na hi kumkhua’n hun hi’det piak ding ahi’n;

1 SAMUEL 24:5

David in Saul puanâk chual mong a va âtthak ziak ah chun a vainung in a hung lauthawng ma ma hi.

1 SAMUEL 24:6

A sepaite kiang ah chun, “Lalpa sathaunu’, ka hotu ahi ziakin, Lalpa sathaunu’ chung ah ka khut neuchale tha lo dingin Lalpa‘n ei vêng ta hen,” ti’n a gen a.

1 SAMUEL 26:21

Ziaphatchun Saul in, “Ka chapa David hung kit in, ka la bawlkhial ta ahi; tu’ni hin ka hinkhua nang in lûl tak ah lei koi ziakin, bangma hun law ta pua’ng ka; ka la ngol ziakin, thil ka la bawlkhial nasa ta law ta ahi,” ti’n a hun dawnhu tai.