2 SAMUEL 24:1 - PATHIAN LEKHABU THIANGTHO (BSI)

¹ Israelte chung in Lalpa lungnatna a hung puangjak kit in, a jakda lam tak bawl dingin David a chokphûl ah, ama chun, “Chia in la, Israel leh Judai gam ah mipi hi vasim in,” ti’n a sawl a.

2 SAMUEL 24:1 ပူးပေါင်းရင်းမြစ်များ

THILSIAM THU 45:5

Himaleh, zia tak ah chia ding ah lei zok mang ziak ua khan lungkham kiu inla, ki’awimaw diak kiu in: Hinna hukhing dingin Pathian in la ma lam ua ei la sawl masak ahi.

THILSIAM THU 50:20

Nang un ka chung ah lungthim phalo pu’n ei la bawlsia maleu chinle, Pathian in tu’ni gual ah hin mi tam tak hukhinna dingin, lungthim pha a la nei zaw ahi.

2 SAMUEL 12:11

Lalpa‘n zia gual hin a gen hi: La Insung mite lak ah kipat in nangma subuaitu ding hun pawt dawsak ing ka tin; la mit mu ngei in la jite hun lâkpiak ing ka tin, la Invêngte kiang ah pia ding ka hi; chuleh, zia sunchang lai tak ah hinle la jite chu luppi ding a hiu.

2 SAMUEL 16:10

Himaleh, lengpa chun, “Nanghaw Zeruiah chapate haw, bang a hem la kisakla piu? Lalpa‘n a kiang ah, ‘David hânsia valaw khum in,’ a ti hi kha leh, kua’n bangti awimaw thei ding a hem?” ti’n a dawnhu a.

2 LENGTE 3:6

Tichun, Lengpa Jehoram chun zia hun ah Samaria ah kipat a chia lai in, Israelte zosia a kai khawm a.

1 KHANGTHU 21:1

Israelte kilanpi dingin Setan a hung kipan ah, Israel mipi bulu dingin David a hun chokphûl ta’n.

1 KHANGTHU 7:2

Tola suante chu: Uzzi, Rephaiah, Jeriel, Jahmai, Ibsam leh Shemuel a hiu ah; ziate hi Tola Inkuan ah hotu, amau hun sung ah mi hangsan leh hat ngen a hiu a; chuleh, David lal sung in amau Inkuan ah mi sîng ni sang ni leh leh za guk a hiu hi.

1 KHANGTHU 7:40

Ziate haw hi Asher suante lak ah a pu leh pateu Inkuan tin ah hotute, mi hat leh gâldo hangsan ah têldaw chuam ah umte, a hotuteu lak ah le a min nei deute chu a hiu ah. A khanggui kizikna dungzui ah, gâlkuan ziang thei ding ah umte chu sîng ni leh sang guk a hiu hi.

2 KHANGTHU 32:25

Himaleh, Hezekiah chu a chapo ziakin, a chung ah phatna kibawl tawh kigûn in bangma a bawldok puai. Ziaziakchun, ama chung leh Judah mipite leh Jerusalem khua mite chung in hânsia a hung tung ta’n.

PAWTDAWNA THU 7:3

Himaleh, Pharaoh lungthim hikhau ing ka tin; tichun, Aigupta gam ah chun ka teptênate leh thilmakte hi’pung ing ka.

EZEKIEL 14:9

Chuleh, jawlnei pakhat chu thep zaw a um ah, thu a gen chun, Keima, Lalpa hin zia jawlnei chu ka thep zaw hi’ntin, ama do in ka khut lâm ing ka tin, ka mipite lak ah kipat paitha ding ka hi.

EZEKIEL 20:25

Zia lo chun, dan phalo takte leh a hintheilo’na ding uh thuguatte ka pia zaw tai.

THIAMPUTE LEKHABU 10:6

Chun, Mosi’n Aron tawh a chapa Eleazar tawh Ithamar kiang in, “La luchang uh hawkdok kiu inla, la puanteu le bawt thêk diak kiu in; achutiloleh, thi kha’n lau: Ahiloleh, mipite chung in Pathian lungnatna hung tung kha’n ah; ahi’n, la chipi Israelte zosia chun Lalpa‘n mei ah a hun hallup hi sûn thei in au.

KISIMNA LEKHABU 1:19

Mosi kiang ah Lalpa‘n thu a piak dungzui tak in a mimal mal un, a min uh a zik lut tau hi. Tichun, Sinai gamthip ah chun a min uh a zik lut suak tai.

NASEPTE 4:28

la khut leh la lemguatna ah la guatlawk taphot chu, hung guitun sak ding in.

2 THESSALONITE 2:11

Ziaziakchun, juau thu a taksanna ding un, Pathian in diklona nasep chu a kiang un tunsak in a.

VAIHAWMTE 2:14

Tichun, Lalpa chu Israelte chung ah a lungna, amau chu mi suamte suam dingin a pedok ta’n; chuleh, a kîmvêl ua um, a mêlmateu khut ah a zokdaw tâk ziakin, a gâlteu âng in a pang thei ta puau a.

VAIHAWMTE 2:20

Tichun, Lalpa lung natna chu Israelte chung in a hung kuangjak ta’n; chuleh, a kiang un, “A pu leh pateu kiang ah thuthung ka la piak kha zia mite hin a bawtsiau ah, ka thu him him a ngai lo ziak un,

1 SAMUEL 26:19

Tu’hin, ka lalpa, lengpa chun a suak thugen hi a la ngai in. Keima thalupna ding ah hun tîl chu Lalpa ahi chun, a kiang ah kithoina thilpiak chu pom ta hen; himaleh, a hun tîl chu mihing ahileh vang, Lalpa ah kipat ka gochan ding lai nusia in, ‘Chia inla, pathian dangte na sêm in,’ ei ti ziakin tu’ni tiang ah del châkvai ah ei umsak ziakin, Lalpa ma ah hânsia law in um tau hen.