2 SAMUEL 23:5 - PATHIAN LEKHABU THIANGTHO (BSI)

⁵ Pathian âng in ka Insung mi chu zia gual hi hilo a hem? Ama chun kei tawh kumtuang dai ding thuthung a siam ta’n, bangkim kitup leh det tak in a um tai. Ka thangai leh ka lungtup zosia chu, ama’n ei lawtinsak lo ding a hem?

2 SAMUEL 23:5 ပူးပေါင်းရင်းမြစ်များ

THILSIAM THU 9:16

Uizo chu sûm ah chun jam sek intin; tichun, Pathian tawh lei chung ah hinna nei zosia kikâl ah ka kumtuang thuthung chu ka hetzing theina dingin hun en sek ing ka,” a ti’n.

2 SAMUEL 12:10

Ziaziakchun, tu’hin, keima lei musit ziak leh Hit mi Uriah ji la kichenpi ziak hin, la In sung ah chemjam in vaihawm zing ziang ta’n a.

2 SAMUEL 13:14

Himaleh, a thugen chu a ngaisak nuam pua’n; ama sâng ah thagum hatzaw ahi ziakin a pawngbawl ah, a luppi tai.

2 SAMUEL 13:28

Ziaphatchun, Absalom in a suakte chu thu a pia’n, “Amnon zukham ah lim tak ah a hung um hun chu a la entha zing unla; chuleh, keima’n la kiang ua, ‘Amnon chu sat un,’ ka hun ti phat leh ama chu la tha ziang diu ahi. Lau kiu in; keima thu hun piak hilo a hem? Hang tak leh kipawsalsak tak in um un,” a tia.

2 SAMUEL 18:14

Joab in, “Nang kiang ah um hi hun a pâmmai bep hi,” a tia. Cheicha pathum a lakhawm ah, gangpi thing ah kikhâi zing ah dam nalai Absalom chu a lungchang jawn a sut piak tai.

2 SAMUEL 7:12

La dam sung nikhua a hung butin ah, la pu leh pate kiang ah la i-mut tak leh, la nung ah um ding suan leh pâkte hun pia’ng ka tin, nangma khâlbe ma ma ah kipat hung piang chun a lenggam hun sudet ding ahi.

2 SAMUEL 7:18

Ziaphatchun, Lengpa David chu Insung in a lut ah, Lalpa ma ah kitung in, “Aw Lalpa Pathian, kei hi kua ka hia, ka Insung hile bang a hiu ah zia tiang tiang hi lei pui tung ziang a hem?

1 LENGTE 1:5

Tu’hin, Haggith chapa Adonijah chu ama leh ama kichawisâng in, “Keima hi leng hiding ka hi,” a kitia; a ma-âng ah tai ding mi sawmnga tawh kângtalai leh sakolte a guanggal a.

1 LENGTE 11:38

La kiang ah ka thupiak zosia la ngaithâk ah, ka lampite la zui ah, ka suak David gual ah, ka thupiakte leh ka thugelte la vop ah, ka mit mu thil dik la bawl chun, hun umpi ing ka tin, David â ding ah ka bawl piak gual in, Inkuan mi bei talo ding hun bawl piak ing ka tin, Israelte hi hun pia ding ka hi.

1 LENGTE 12:14

Tangvalte thuhil dungzui in, a kiang un, “Ka pa khan la puakgik uh a sugik in; himaleh, keima’n la puakgik uh belap ding ka hi; ka pa khan molkang in a hun thunun ah; keima’n vang, ainuvet in hun thunun ding ka hi,” ti’n a gen tai.

SAM 111:9

A mite kiang in tatna a hun sawl a, a thuthung chu kumtuang â dingin a guat tai. A min chu Thiangtho leh tizat um ahi.

SAM 119:81

La hukhinna ngai in ka hinna hi a chautha tai; la thu chu ka kinepna ahi.

SAM 27:4

Lalpa kiang in thil pakhat ka don ah, zia bep chu hawl zing ing ka: Ka damsung sia Lalpa In ah um zing ah, Lalpa mêlphat zia mu ding leh, a tempul ah a thu dong ah um zing dingin.

SAM 62:2

Ama bep chu ka suangpi, ei hukhingpa leh ka kulpi ahi’n; kilîng him him pua’ng ka.

SAM 89:3

Nang in, “Ka têlchuam kiang ah, thuthung ka siam ta’n, ka suak David kiang in sia ka sam tai;

ISAI 11:1

Jesse bulsum hung sel intin, a zung ah kipat in bâk khat hung khangdok in a.

ISAI 27:6

Tu’nung leh, Jakob in zung hun tha’n tin, Israel hung hingdok kit in hung dawndok kit intin; tichun, khawvel pumpi a ga hung dim kit ta’n a.

ISAI 4:2

Zia hun chuleh, Lalpa bâk chu mêlpha leh lopi ta ma ma intin; chuleh, a gam ga chule Israelte lakah a suakcha sunte â ding ah kiletsakpi leh a lopinau hung hita’n a.

ISAI 54:10

Tângte chu tawl mang ah um in, mualte chu lakdaw in hung um ziang maleu le, ka ngilneina chun hun nusia pua’n tin, kilemna thuthung chu lâkdaw hita pua’n a, ti’n nangma hun lainatpa, Lalpa chun a ti ahi.

ISAI 55:3

La bil uh dawu inla, ka kiang lam ah hung un; la dam theina ding un ngai un. La kiang un kumtuang thuthung, David kiang ah ka hepina thutiam chu, hun pia ding ka hi.

ISAI 61:8

Keima Lalpa hin vaihawmna dik ka ngaina ngal ah, a gûk ah kilâk piak leh, vaihawmna diklo chu ka huat lam tak ahi; a sep dan uh tawh kiphu tawk tak in, thuk ing ka tin, amau tawh ka kikâl un, kumtuang thuthung siam ding ka hi.

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

JEREMIAH 32:40

Amau â ding ah thilpha bawl ding thul lo ah ka bawl piak zing theina dingin, a kiang un kumkhaw thuthung siam ding ka hi; keima ei nutsia kit lona ding un, a lungthim un kilausak ding ka hi tai.

JEREMIAH 33:21

zia gual ma chun, ka suak David kiang ah ka thuthung le bawsiat hita’n a; tichun, a lal chutpha kichu ding chapa nei pua’n tin; chuleh, ka nasêmtu Levite kiang ah ka thuthung chule bawsiat hi ta’n a.

EZEKIEL 37:26

Amau tawh kichamna thuthung siam ing ka tin, zia chu a kiang ua ka kumtuang thuthung hita’n a; maljawl in, hi’pung ing ka tin, a lak un kumtuang ah umden dingin ka mun thiangtho chu koi ta’ng ka.

AMOS 9:11

Zia ni chuleh, David bawkcha a la pûk ta chu, tungding kit ing ka tin, a siatnate siampha’ng ka tin, a chipnate lem to ing ka tin, masang lai ah gual khan sapha kit ing ka tin;

NASEPTE 13:34

Chun, a thawkitna lam thu’n, muatmangna mulo ding ah um ahi dan a genna chun, “David kiang ah ka thutiam thiangtho chu, hun pia ding ka hi,” ti in.

HEBRAITE 13:20

Tu’hin, chamna Pathian, Belampu lian, I Lalpau Jesu thina kipat kumtuang thuthung thisan jal ah kaithopa chun,

HEBRAITE 6:19

Zia kinepna chu hinna kuang tukdetna in I nei un, muan um leh det tak ahi, zia chu puanjak sung inle a lut tai.

1 SAMUEL 2:35

Kei â ding ah thiampu ginum, ka lungthim leh ka ngaituana dungzuiah bawl ding mi hun tungding ding ka hi. Ama chu In buldet siam piak ing ka tin, ka sathaunu’ kiangah lut leh pawt in umsak ding ka hi.

1 SAMUEL 25:28

Lungsiat tak in, la suakpa bawlkhialna hi ngaidam in; ka lalpa hin Lalpa mêlmate do la hiziak in, Lalpa‘n ka pu Inkuan hidet in tin, la dam sung sia thil phalo him him kimu lo ding ahi ngâl a.