2 SAMUEL 23:3 - PATHIAN LEKHABU THIANGTHO (BSI)

³ Israelte Pathian in thu a gen in, Israelte suangpi chun ka kiang in thu a la gen a; mipite chung ah dik tak ah vaihawm, Pathian lau kawm ah vaihawmpa chu,

2 SAMUEL 23:3 ပူးပေါင်းရင်းမြစ်များ

THILSIAM THU 33:20

Zia tak ah chun mâichâm a siam ah, a min in, El Elohe Israel a sak tai.

2 SAMUEL 22:32

Lalpa tilo Pathian kua dang a um em? I Pathian uh ti lo ngâl suangpi dang a um ah a hem?

2 SAMUEL 8:15

Tichun, David in Israelte zosia chung in vai a hawm ta’n; chuleh, David in a mipi zosiate chung ah thudik leh doichuam nei lo in vai a hawm a.

1 LENGTE 10:9

La chung ah kipak ah Israel lalchutpha hun chutsakpa, Lalpa la Pathian chu pâk in um ta hen! Lalpa chun Israel kumkhua a hepi ziakin, diktatna leh thutanna bawl dingin, nang leng in a hun siam ta ahi,” a tia.

NEHEMIAH 5:14

Zia bep chule hilo in, Judai gam ah amau haw awp ding ah ka pan sung kum sawm leh ni, Lengpa Artaxerxes lal kum sawmni’na’ kipat a kum sawmthum leh ni’na tiang in, keima hi’n, ka chanaute hileule, gam awppa chantum him him ka ne puau a.

JOB LEKHABU 34:17

Thudikna doilote chun vaihawm ngai ding a hiu em? midik leh hat tak chu thiamlo chansak ding la hem?,

SAM 110:2

Lalpa‘n la hatna lal tiang chu, Zion ah kipat in sawldok intin; la mêlmate lak ah vaihawm ta’n.

SAM 42:9

Pathian, ka suangpi kiang ah chun: “Bang ding ah ei hemil la hem? Bang ding ah mêlma’n a enggawt ziak ah, lungkham ah mau tawl tawl ding ka hem?” ka ti’n.

SAM 72:1

Aw Pathian, lengpa chu la thudikna pia’n la, la dikna chu leng chapa kiang ah pia’n.

SAM 72:2

Dikna’n la mite chung ah vaihawm hen la; genthei thuakte chu dik tak in vaihawm piak hen.

PAWTDAWNA THU 18:21

Chuleh, mipite lak ah kipat mi matthei, Pathian lau, mi thudik, golgûkna doilote chu têldok inla: zia gual mite chu sang khat chung ah te, za khat chung ah te, sawmnga ah chung ah te leh sawm khat chung ah te vaihawm dingin a chung un koi inla;

PAWTDAWNA THU 20:2

Keima hi Lalpa la Pathian uh, Aigupta gam ah la saltânnau In ah kipat hun puidokpa chu ka hi.

PAWTDAWNA THU 3:15

Pathian in Mosi kiang in: “Israel mipite kiang in zia gual hin gen in: JEHOVAH la pu, la pateu Abraham Pathian, Isak Pathian leh Jakob Pathian chun la kiang un ei sawl ka hi. Zia hi kumtuang ah ka min chu ahi’n; zia gual ah hin khang zosia tiang ah hetzing ah um ding ka hi.

THUPILTE 31:9

Amau â dingin thu gen inla, dik tak in vaihawm inla; migentheite leh tasamte chu khawtua in.

ISAI 32:1

Ngai un, lengpa chun dikna’n vaihawm intin; lal chate’n le thudik in vaihawm ta’n au.

JEREMIAH 23:5

David â ding ah Bâk dik tak ka hun tun dinna ding chu hung tung ngei ngei ding ahi. Ama chun leng gual in vaihawm intin, pil tak in ngaitua in ah; dikna leh thu tak in a gam chu vaihawm ta’n a.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

DAN LEKHABU 32:4

Ama I Suangpiu, a thilbawl ah pha bukim, a lampi zosia dikna ngen ahi. Pathian ginum leh zuau bawlna um lo, thu dik leh dik tak ah bawl ahi’n;

HEBRAITE 1:8

Ahi’n, Chapa chung thu ah chun zia gual hin a gen a: Aw Pathian, la lalchutpha chu, kumtuang in a um zing hi; dikna lal tiang chu la lenggam lal tiang ahi.