2 SAMUEL 23:18 - PATHIAN LEKHABU THIANGTHO (BSI)

¹⁸ Zeruiah chapa Abishai, Joab suapipa chu Sawmthumte lak ah hotu lian ahi. Ama’n a cheicha bep mang in mi za thum a kidopi in, a that sik sek ah; tichun, Pathumte tilo ah chun min phatna a law tai.

2 SAMUEL 23:18 ပူးပေါင်းရင်းမြစ်များ

2 SAMUEL 10:10

a sepaite lak ah a dang cheng chu, a suapipa Abishai mapuina’n Ammonte do dingin a guatdok a.

2 SAMUEL 10:14

Ammonte chun Aramte a jam tau ti a mu phât un, amau le Abishai lawi chu ki’chan a jam ua, khawpi sung in a tailut tau ah. Ziaphatchun, Joab in Ammonte zo in, Jerusalem lam in a hung kit tai.

2 SAMUEL 18:2

Chuleh, David in a sepaite chu hon thum in a khen ah: hon khat chu Joab nuai in a koi ah, hon khat kit chu Zeruiah chapa, Joab suapipa Abishai nuai in a umsak ah. Hon thumna chu Git mi Ittai nuai in a koi hi. Lengpa’n a sepaite kiang ah chun, “Keima le la lak un pang zing tho ding ka hi,” ti’n a hil tai.

2 SAMUEL 2:18

Zeruiah chapate pathum, Joab, Abishai leh Asahel cheng chule a um un. Asahel chan-gan dan chu zukchal huhel tawh bang hial ahi.

2 SAMUEL 20:10

Himaleh, Amasa in Joab khut ah chemjam chu a la mu pua’n; Joab in a gilpi a dawt piak ah, a gilzang a pawt hial ziang ah, a thi den tai. A vel in a sun kit ta puai. Ziaphatchun, Joab tawh a suapipa Abishai chun Bikhri chapa Sheba chu a delzui tau.

2 SAMUEL 23:19

Ama chu sawmthumte lak ah chun a challang pen ahi’n, a hotu lian uh a hung hita’n; himaleh, Pathumte chu vang a tuk puai.

2 SAMUEL 3:30

Tichun, Joab tawh a suapipa Abishai chun, a suapipau Asahel kha Gibeon ah kido lai ah a la thalup ziakin Abner chu a that tau a.

1 KHANGTHU 2:16

chuleh, a suapiu numeite chu Zeruiah tawh Abigail a hiu hi. Zeruiah chapate chu: Abishai, Joab leh Asahel; zia cheng thum hi a hiu a,

THUGENTU 4:12

Ama chang ah pang chu midang pakhat ziang inle a zo thei hen, mi pani pang khawm in vang midang khat chu nuam takin a zo thei ui. Khauhual nungzui nei chu a tan ziang puai.