2 SAMUEL 23:16 - PATHIAN LEKHABU THIANGTHO (BSI)

¹⁶ Ziaphatchun, a sepai hat pathumte chun Philistinte giamun chu hawtheng in, Beth-lehem khua kul kotkhak bul ah tui kul tui chu va thal in, David a hung pia tau a. Himaleh, ama’n a dawn nuam pua’n; Lalpa â dingin a buntha tai;

2 SAMUEL 23:16 ပူးပေါင်းရင်းမြစ်များ

THILSIAM THU 35:14

Jakob in ama a ho’na mun tepte’na dingin suangphu a bawl ah; a chung in dawn chi thilpiak a sung ah, sathau a sun khum tai.

2 SAMUEL 23:9

Ama bân ah sepai hat pathumte lak ah chun, Aholi tupa Dodo chapa Eleazar ahi. Amau in Philistinte kido ding ah hung kuante a la cho lai ua khan, ama’n David a umpi ah. Israelte chu a jammang zo tau in,

1 KHANGTHU 11:18

Mi Pathumte chun Philistinte giamun lak chu hawtheng in, Beth-lehem khawpi kul kotkhak kiang ah tuikul ah tui chu vathal in, David kiang in a hun pia tau a, himaleh, David in zia tui chu a dawn nuam pua’n; Lalpa â dingin a buntha ta mai a,

THUGENTU 4:12

Ama chang ah pang chu midang pakhat ziang inle a zo thei hen, mi pani pang khawm in vang midang khat chu nuam takin a zo thei ui. Khauhual nungzui nei chu a tan ziang puai.

KÂ LATE 2:19

Jankhang lai leh janvên lim ah kipat in thodok unla, kap tau in! Lalpa âng ah la lungthim uh, tui gual in luan dawsak un! Kotzing kil tin ah gilkial ah, basam la chateu hinna dingin, la khut uh a chung un jak in!

KISIMNA LEKHABU 28:7

Belamno khat tawh uain te’na Hin dim khat, se’li khen ah a se’khat tawh, belam khat chiat la lat khawm ding ahi’n; uain chîk tak chu Lalpa â dingin mun thiangtho ah chun la sunthâk ding uh ahi.

NASEPTE 20:24

Himaleh, ziate chun ei hi’lungkia diak puai; ka kitaisiakna lampi ka mabâk hi, kipak tak ah zaw ngei ding leh, Pathian hepina zia chanchinpha hiatsak ding ah Lalpa Jesu kiang ah, zia nasepna na ka mu hi sêm zo phot leng, ka hinna hile thâkla tâk in ka ngai puai.

ROMTE 5:7

Midik thasâng in kuama thi ngam khel pua’n au, mipha thasâng ah chun kua a hem khat bêk in thi ngam kha maw pua’n a.

2 KORINTH 5:14

Khrista hepina chun ei sawl him him hi; mi zosia sik ah mi pakhat a thi tâk ziakin, mi zosia a thi tau hi, ka tiu ahi.

PHILIPPI 2:17

Ahi, la ginnau thillat chung in Pathian â ding ah butthâk ah um ding hi lengle ka kipak hi, la leng un ka hun kipakpi hi.

1 SAMUEL 19:5

ama hinna tiangle îtcha lo khop in, Philistin mipa chu a la that ta’n; ama ziakin Israelte â dingin, zaw’na lopi tak Lalpa‘n a la pia ta ahi. Zia chu nang inle la mu’n, la kipak ma ma hi; bang a tia, a ziak bei kei ah, mawna nei lo chung ah khut thâk gua, David tha la guat ziang a hem? ti’n a gen tai.

1 SAMUEL 7:6

Tichun, mipi zosia Mizpah ah hungkhawm in, tui a khai un; kithoina thillat in zia tui chu Lalpa âng in a sungtha tau a. “Lalpa chung in ka la bawlkhial tau hi,” ti’n, zia ni chun an a ngawl tau a. Tichun, Samuel in Mizpah ah kipat in Israel zosia chung in vai a hawm tai.