2 SAMUEL 23:10 - PATHIAN LEKHABU THIANGTHO (BSI)

¹⁰ himaleh, ama chu det tak in a pang ah. A khut kham ma ma tiang tiang inle Philistinte chu a sat pai pek ah, a chemjam chu a tha’suak kha puai. Zia ni’ chun Lalpa‘n galzawna thupi tak a piai. Zia nung ah chun mipite chu a kiang in a hung nungkit un, mi thisate kithuamna lâkpiak ding bep a hitau hi.

2 SAMUEL 23:10 ပူးပေါင်းရင်းမြစ်များ

2 SAMUEL 23:12

Himaleh, ama hin lou lailung ah chun panmun a siam ah, a humbit in, Philistinte chu a that ta’n; tichun Lalpa‘n zaw’na thupi tak a hun tunsak tai.

2 LENGTE 5:1

Aram lengpa sepaite hotupa, Naaman chu mi lopi tak leh a pu’n a doisak ma ma mi ahi, a ziak chu ama ngawn ah Aram mite â dingin zaw’na Lalpa‘n a la pia ta ahi. Ama chu gâlhâng tak himaleh, phâk ahi.

1 KHANGTHU 11:13

Ama hin Pas-dammim mun ah, Philistinte David do ding ah a hung kuan lai ua khan, David tawh a la pang khawm tau a. Zia hun ah chun loulai in Barli bu a dim in a la um in. Zia hun ah chun Israelte chu Philistinte âng ah chun a jamsia tau a,

SAM 108:13

Pathian panpi’na jal in hangsan tak in do ing ka tiu in; ama chu ei do-te ei tawden piak dingpa chu ahi ngal a.

SAM 144:10

lalte kiang ah gualzawna pepa, a suak David hukdokpa chu la hi.

SAM 68:12

“Lengte leh sepaite chu a jamsia tau.” Inngak numeite chu gal lâk a kihawm un,

ISAI 53:12

Ziaziakchun, miliante chantum chu pia’ng ka tin, gâlhatte tawh a gâl lâk thilte chu kihawm ta’n au; ama’n a hinkhua thi phal in a la kipedok ta’n, thil bawlkhialte lak ah simkhawm in a la um ta’ngâl a; mi tam takte gitlona chu pua’n, migilote â ding ah dot piak in a pang nalai sêt hi.

ROMTE 15:18

Jentelte chu thu leh nasep ah thu awisakna ding ah, Khrista’n keima mang ah a sep tilo ngal chu gen pua’ng ka.

2 KORINTH 4:5

Kei un keimau thu ka gen puau in, “Khrista Jesu chu Lalpa ahi,” ti leh Jesu jal ah la suakteu ka hiu chu ka gen zawu ahi.

JOSHUA 10:10

Chun, Gibeon khua mun ah a mêlmateu tam tak that in, Beth-Horon zawtna kaltona tiang ah del zui in, Azekah leh Makkedah tiang ah a thalup gam tâk ziak un, Lalpa‘n Israelte ma-âng in amau chu a patau sak ta’n.

JOSHUA 10:42

Zia lengte zosia leh a gam uh hi, Lalpa Israelte Pathian in Israelte a dopi ziakin, Joshua’n hun khat thu in a lak piak vek a hi.

JOSHUA 11:8

Lalpa‘n amau chu Israelte khut in a pia’n, Israelte’n a do un, Sidon khawpi leh Misrephoth-maim mun tiang leh sualam ah Mizpeh phâiguam chan in a delzui tau a. Pakhat chale hawilo in a that gam sik sek tau hi.

VAIHAWMTE 15:14

Chun, Lehi khua a hung tun phat un, Philistinte chu kipak ma ma ah kiko in, amau dawn dingin a hung kuan tau a; chuleh, Lalpa thagau in a hun thuam ah, a khut a kânnau khauhualte chu mei in a kâk tan gual mai in a jetan tan; a khut ah thikkhaute chule a tuitha zo ta mai a.

VAIHAWMTE 15:18

Ziaphatchun, Samson chu a dangchâk ta ma ma ah, Lalpa a ko ta’n, “Nang in, la suak khut in zia gual ah zaw’na hi lei pia ta’n. Tu’hin dangchâk ah thi in, zektanlote khut ah pûk mai ding ka hi em?” a tia.

1 SAMUEL 11:13

Himaleh, Saul in, “That kiu in, tu’ni hin Lalpa chun Israelte ei hukdaw tâk ziakin, tu’ni hin kuama that kiu in,” ti’n a gen a.

1 SAMUEL 14:23

Tichun, zia ni chun Israelte kiang in zaw’na Lalpa‘n a pia tai. Beth-aven khêl lam tiang in gâl a sat tau ah; chuleh, Saul lam ah pang sepaite chule sîng khat lam a hung ting tau hi. Kido’na thawmgi chu Ephraim tânggam tiang in a kithang tai.

1 SAMUEL 14:6

Jonathan in a gâlvan chawi tangval kiang ah chun, “Hung tia, zia zektanlote sepai umna lam ah sawn vachia hi ti, Lalpa‘n ei hun panpi mawlo ding ahi; Lalpa‘n ei panpi leh kuama’n dâl thei pua’n tin, Lalpa‘n ei hukdawna ding chu a mi tam leh tawm thu ah kinga khel khel lo ding ei ve,” ti’n a gen a.

1 SAMUEL 17:53

Philistinte delzui Israelte a hung kit phat un, a giamun uh a va buluu a.

1 SAMUEL 19:5

ama hinna tiangle îtcha lo khop in, Philistin mipa chu a la that ta’n; ama ziakin Israelte â dingin, zaw’na lopi tak Lalpa‘n a la pia ta ahi. Zia chu nang inle la mu’n, la kipak ma ma hi; bang a tia, a ziak bei kei ah, mawna nei lo chung ah khut thâk gua, David tha la guat ziang a hem? ti’n a gen tai.