2 SAMUEL 23:1 - PATHIAN LEKHABU THIANGTHO (BSI)

¹ Tu’hin, ziate hi David kamsuak nunung pente chu ahi: Pathian in a choisân, Jakob Pathian in sathau a nu’ leh, Israelte Mi Hatpa doisakna changpa, Jesse chapa David thugente chu:

2 SAMUEL 23:1 ပူးပေါင်းရင်းမြစ်များ

THILSIAM THU 49:1

Chun, Jakob in a chate zosia a ko khawm ah, zia gual hin a gen a: “Ni nunung lam leh, la chung ua thil hung tung dingte ka hun gen piak theina dingin hung khawm un:” a tia.

2 SAMUEL 22:34

Ka kengte hi sazuk keng gual in ei siam piak a, munsâng ah bit tak in ei koi tai.

2 SAMUEL 22:51

A lengpa â dingin ama chu, hukdamna Insâng ahi’n, David leh a suante, a sathaunu’te chung ah chun, kumtuang in ngilneina a latsak tai.

1 KHANGTHU 16:7

Zia ni chun David in Lalpa pâkna La sa dingin Asaph leh a chanaute chu a guat in a sak sak ngal tai.

1 KHANGTHU 16:9

Ama chawihoi in La sau inla, ama pâkna La sa’n, a thilmak bawl zosia gen vêl un.

SAM 2:6

“Keima ngei in ka tâng thiangtho Zion ah, ka lal chu ka chutsak ta ahi,” ti in.

SAM 72:20

Jesse chapa, David pauchapnate chu a tawp tai.

SAM 89:20

Ka suak David ka hawldok ta’n, ka sathau thiangtho kanu’ tai;

SAM 89:21

ka khut thahât in umpi zing intin, hi’hât ding ka hi.

AMOS 6:5

tingtang tawh thâtbeina La sa’n, David gual ah thil gi hoite kisiam ah;

LUKA 20:42

Pâkna Labu ah chun, ama David ngei chun: ‘Lalpa chun ka Lalpa kiang in: Ka changlam ah hin kichu’n,

LUKA 24:44

Chuleh, a kiang un, “La lak ua ka um lai ah thu ka gen sekte kha zia thute hi ahi, Mosi dan leh Jawlneite leh Pâkna La te ah ka chungchâng thu a la kizik gual ah, bangkim hung guitung ding ahi, ka ti te kha,” a tia.

DAN LEKHABU 33:1

Pathian mi matchâk Mosi in a thi masang in zia a nuai ah maljawlna gual hin Israelte chu a maljawl a:

KOLOSSA 3:16

Khrista thu chu tam tak in nangmau ah umsak un, pilna chitin ah kizilsak leh, kihiltua ah um in, kipakna lungthim tawh Pathian kiang in, pâkna La te, Pathian La te, thagau lam La te sa in;

JAKOB 5:13

La lak un haksatna thuak a um awm? Pauchap uh hen. A kipak a um awm? Pâkna La te sau hen.

1 SAMUEL 17:12

David chu Ephrath ah Beth-lehem khua, Judai gam ah mi Jesse chapa ahi’n. Jesse chun chapa pagiat a nei ah. Saul hun lai ah chun Jesse chu teksia leh thachau lam ahi tai.

1 SAMUEL 18:7

Chun, numeite chun a lopna’n zia gual hin La a kidawngtua in a sau ah: “Saul in a sâng ah sâng in a that in, David in a sîng ah sîng in a that hi,” ti in.

1 SAMUEL 2:10

Lalpa do-te chu suksiat hi’n tiu in; Chungnung Penpa chu vanah, van-gi’n hung ding ahi. Lalpa‘n kawlkil tiangah vaihawm intin, a lengpa kiang ah hatna pia’n tin, a sathaunu’te thilhitheina chu vang, chawisâng ding ahi, ti in.