2 SAMUEL 22:44 - PATHIAN LEKHABU THIANGTHO (BSI)

⁴⁴ Mipite tawh kisubuai lo dingin ei hukdok a, namte luchang in lei siam ah; ka het ngai lo mite’n ka na a sêm tau hi.

2 SAMUEL 22:44 ပူးပေါင်းရင်းမြစ်များ

2 SAMUEL 19:14

Amasa chun Judah mite zosia lungthim chu pum khat ah luangkhawm dingin a la thembi ta’n; tichun, lengpa kiang in thu a tut un, “Hung kit ta’n, nang tawh, la suakte zosia tawh hung kit tau in,” a tiu a.

2 SAMUEL 19:9

Israel phung tin ah mipi zosia lak in kinialna a sosang ma ma ziang ta’n; amau chun, “Lengpa chun I mêlmateu khut ah kipat ei hukdok ta’n; chuleh, Philistinte khut ah kipat tu’hin ei hukdok tai; ahi’n la tu’hin, Absalom lau in a gam nusia’n a jam tai.

2 SAMUEL 20:22

Ziaphatchun, pil tak ah a lemguat dungzui in, zia nu chu mipi zosia lak ah chun a vâkvel ah. Bikhri chapa Sheba gawl chu ta’n in, Joab kiang in a sepdok tau a. Tichun, Joab in pengkul a mut ah, zia khawpi chu nusia in, a In lam chiat un a kile’kit tau hi; Joab ahileh Jerusalem lam zuan in a chia tai.

2 SAMUEL 3:1

Saul chanaute tawh David chanaute kikâl ah chun kidona sawt tak a um a. David chu a hat deu deu ah, Saul chanaute chu vang a jawngkhal deu deu tau hi.

2 SAMUEL 5:1

Ziazaw chun, Israel nam zosia chu Hebron ah David kiang in a hung un, a kiang in, “En tiam in, la be leh phungte ka hiu hi.

SAM 110:6

Namtin lak ah vaihawm intin, kidona phual chu mithiluang ah hi’dim in, lei chung zosia lengte luchang chu tan piak in a.

SAM 18:43

Nang in mite kidelna lakah lei hukdok a; namtinte luchang dingin lei siam ta’n; ka het ngailo mite chun ka na a sêm tau hi.

SAM 2:8

Ei don in, tichun la gochan dingin, namtin hun pia’ng ka tin, kumkhua la nei den dingin siam ing ka.

ISAI 55:4

Ngai un, ama chu mipite â ding ah hiatpitu ding leh, mipite chung ah puitu leh thupetu hiding in, hun siam ding ka hi.

ISAI 55:5

Ngai un, la hetngai lo namte chu hun ko in la tiu in, Lalpa la Pathian, Israelte Mithiangtho chun, a hun chawihoi tâk ziakin, nangma hun he’kha ngai lo namte chunle, hun zuan ta’n au.

ISAI 60:12

Kua’ nam leh lenggamle nangma nasem nuam lo taphot chu, zâhuai tak ah sukmanthai in hung um in au.

ISAI 65:1

Ei donlote hawldaw dingin ka um in, ei hawl lote mudaw ziang dingin ka um hi. Ka min ah ei ko lote kiang in, “Zia hin ka um hi, zia hin ka um hi,” ka ti’n.

DANIAL 7:14

A kiang ah vaihawmna, lopina leh lalna piak ahi’n; tichun, mi zosia, nam zosia leh, pau zosia’n a na a septheina ding un. A vaihawmna’n kumtuang a dai in, tawp ngai ngai pua’n a; a lalna le hisiat thei hipua’n a.

HOSEA 2:23

chuleh, kei â dingin ama chu gam ah kitû ta’ng ka tin; Lo-ruhamah chu lainat ta’ng ka tin, Lo-ammi kiang in, “Nang ka mi la hi,” ti ta’ng ka. Ama’nle ka kiang in, “Ka Pathian la hi,” ei ti ta’n a.

ROMTE 15:12

Zia ban ah chun, Isai inle, “Jesse zung jam ah chun mi pakhat, Jentelte vaihawm dingin hung dingdok intin; Jentelte chun, ama ah chun, kinepna hun nei ding a hiu,” a la ti kit a.

ROMTE 9:25

Hoshea lekhabu ah, “Ka mi la hi khalote chu ka mite hun ti ta’ng ka tin; ka hepi hilote chu hepite hun tiding ka hi.

DAN LEKHABU 28:13

Tu’ni zui ding leh bawl ding ah ka hun thupiak gual ah hin pathian dangte nungdel ah, a nau sêm ding ah, veilam a hem, changlam a hem ah la pêtmang lo ua, Lalpa Pathian thupiakte chu pha tak cha la zui phot ua leh;

THUPUAN 11:15

Chun, vansawlchâk pasagina chun a pengkul chu a mût leh, van ah aw thupi tak a hung gi’, “Zia khawvel lenggam hi Lalpa leh, a Khrista gam a hita hen; ama chun kumtuang in vaihawm ta’n a,” a hun tia.