2 SAMUEL 22:32 - PATHIAN LEKHABU THIANGTHO (BSI)

³² Lalpa tilo Pathian kua dang a um em? I Pathian uh ti lo ngâl suangpi dang a um ah a hem?

2 SAMUEL 22:32 ပူးပေါင်းရင်းမြစ်များ

2 SAMUEL 23:3

Israelte Pathian in thu a gen in, Israelte suangpi chun ka kiang in thu a la gen a; mipite chung ah dik tak ah vaihawm, Pathian lau kawm ah vaihawmpa chu,

2 SAMUEL 7:22

Ziaziakchun, Aw Lalpa Pathian, nang chu la lopi hi; ka bil ua ka het dungzui un, nangma tawhbang kuama a um pua’n, nangma lo’ngal Pathian dang him him a um puai.

ISAI 44:6

Israel Lengpa, amau Hukdampa, sepai honte Lalpa chun zia gual hin a gen a: Keima hi a masa pen leh a nunung pen chu ka hi; keima tilo ngal Pathian dang a um puai.

ISAI 44:8

Lau kiu inla, lauthawng him him kiu in; masang lai ah kipat khan ka hun hilsa leh, ka la puanlatsa hita lo a hem? Ka thu hiatpite la hiu! Keima tilo ngal Pathian dang a um him him em? Suangpi det dang a um puai; pakhat chale ka hepuai.

ISAI 45:21

La thuu chu tâklang unla, kidongtua sau sau tau hen! Hun sawt tak masang ah kua’n a hil tam? Ma lai ah khan kua’n a tâklang tam? Keima Lalpa hi hilo ka hem? Keima tilo pathian dang a um pua’n, Pathian dik tak leh Hukdampa, Keima tilo ngâl a dang a um puai.

JEREMIAH 10:16

Jakob chanvo Lalpa chu, zia gual mai mai chu ahi puai Ama chu bangkim guanggalpa ahi ngal ah; Israel nam hi a gochan ahi’n, sepai honte Lalpa kiti chu a min ahi.

DAN LEKHABU 32:31

A dik tak in amau suangpi chu, ei uh Suangpi tawhbang ahi puai; I mêlmateu chu mingol ngen a hiu.

DAN LEKHABU 32:39

Keima, kei bep hi ka hi’n, pathian dang a um puai, ti he tau in. Ka that ah, ka hinsak ah; ka hi’liam ah, ka hi’dam sek; ka khut ah kipat in kuama’n a ladok thei puau hi.

DAN LEKHABU 4:35

Lalpa bep hi Pathian ahi’n, ama tilo ngâl a dang umlo ahi, ti la hiatsak theina ding un la kiang ua tâklat ahi.

1 SAMUEL 2:2

Lalpa gual ah mithiangtho dang a um puai, nangma tilo ngâl chu; I Pathian uh tilo ngâl Suangpi dang a um puai.