2 SAMUEL 22:29 - PATHIAN LEKHABU THIANGTHO (BSI)

²⁹ Ahi, aw Lalpa, nang chu ka thaumei la hi, Lalpa‘n ka thimna lei hivâk piak tai.

2 SAMUEL 22:29 ပူးပေါင်းရင်းမြစ်များ

2 SAMUEL 21:17

Himaleh, Zeruiah chapa Abishai chun a hung panpi ah, Philistin mi chu a do ah, a that tai. Ziaphatchun, David sepaite chu a kiang in a hung kitiam ua, “Israelte thaumei la thi’saklona ding in, tu’khêl gâldo ah ka lak un la hung pan tâk lo ding ahi,” a ti tau hi.

1 LENGTE 11:36

Ahi’n, a chapa chu nam khat pia ding ka hi; tichun, ka min umna ding ah ka khawpi têlsa, Jerusalem ah chun ka suak David in ka ma-âng ah thaumei pakhat a nei zingna dingin.

JOB LEKHABU 29:3

a thaumei ka luchung ah a vak lai ah, thim lak ah le a vâk ah ka chia lai ah;

SAM 112:4

Mi dikte â ding ah vâk hi dingin, thim lak ah kipat in a hung suakdok a; amau chu mi lungsiat thiam, jainem leh dik a hiu.

SAM 18:28

Ka thaumei ei detpiak chu nangma la hi; Lalpa ka Pathian in keima ah thimna ei hi’vâk piak tai.

SAM 27:1

Lalpa chu ka vâk leh ei hukhingpa ahi’n; kua a hem ka lau ding? Lalpa chu ka bitna kulpi ahi; kua a hem ka lau ding?

SAM 4:6

“Thilpha bang jat a hem mu thei tave leu hin aw! Aw Lalpa, la mêl vâk in ei hun salvâk ta’n,” ti tampi a um ui.

SAM 84:11

Lalpa Pathian chu nisa leh phaw ahi’n, ama’n doisakna leh jana a pia ngal a. Dik tak ah umte kiang ah chun, Lalpa‘n thilpha him him a ît ngai puai.

SAM 97:11

Mi dikte â dingin vâk a hung suak in, lungthim dik takte â dingin, kipakna a hung tung hi.

ISAI 50:10

La lak ua kua’n Lalpa kicha, a suakpa thu ngaitha, vak nei lo ah thim nuai ah chia a, Lalpa min suang zing ah, a Pathian ah kinga zing la um awm?

MIKAH 7:9

Kei lam ah a pan ah, kei a ding ah vai ei hawm piak masang sia chu, Lalpa chung ah thil ka la hi’khial tâk ziakin, a lungnatna paw zing ta’ng ka. Ama’n vâk ah ei puidok intin, tichun, a dikna chu mu ta’ng ka.

MALAKI 4:2

Himaleh, nang uh ka min laute chung in vang dikna nisa tawh a thalîm ah sukdamna hung suak in a. Bawng In ah bawngno kichawm gual in kichawm dok ta’n lau.

JOHAN 12:46

Kei khawvel salvâk ding ah hung ka hi, kuale ei ging chu thim lak ah a um zing lona ding un.

JOHAN 8:12

Jesu’n a kiang un thu a gen kit a, “Keima khawvel vâk chu ka hi. Ei zui tapo chu thim in leng pua’n tin, hinna vâk nei zaw’n a,” a tia.

THUPUAN 21:23

Khawpi salvâk ding ah chun nisa a ngâi pua’n, thapi le a ngai puai; Pathian lopina chun a salvâk ah, Belamno chu a vâk uh ahi tai.