2 SAMUEL 22:20 - PATHIAN LEKHABU THIANGTHO (BSI)

²⁰ Mun thawveng tak in ei pui lût ah, keima ah a kipak ziakin, ei hukdok tai.

2 SAMUEL 22:20 ပူးပေါင်းရင်းမြစ်များ

THILSIAM THU 26:22

Chun, zia kipat chun a kichawn ah, tuikul dang a cho kit ah; zia chu vang a kichu’pi ta puau a: “Tu’hin chu Lalpa’n mun awngthawl tak ei siam piak ta’n, zia gam ah hin suan tam tak hing tai tiu,” ti’n, a min dingin Rehoboth a sak tai.

2 SAMUEL 15:26

Himaleh, ama’n, ‘Ka hun doisak ta puai,’ a ti leh vang, pha a ti gual gual in ka chung ah bawl mai hen, a khawk puai,” a tia.

2 SAMUEL 22:37

Thawveng tak ah taitheina lei pia’n, ka kengte chunle a chuanthol ngai puai.

1 KHANGTHU 4:10

Jabez in Israelte Pathian min a ko ah, “Ei maljawl in la ka gamgi ei kêklet piak in; chuleh, la khut in ei umpi zing hen la, ei hi’na thei lak ah kipat in ei veng ta hen!” ti’n a don a, tichun, Pathian in a dotna chu a lawtinsak tai.

SAM 118:5

Ka lungdonna kipat in Lalpa ka ko in; Lalpa‘n ei dawnhu ah, mun awngthawl tak in ei umsak tai.

SAM 147:11

ama laute chung in Lalpa a kipak in, a ngilneina det thangai mite chung ngei ah chun.

SAM 149:4

Lalpa‘n a mite a kipakpi sek ngal a; mi kingaitawmte chu gualzawna’n a cheimawi sek hi.

SAM 22:8

“Lalpa chung ah kinga ta’n la; ama’n hukdok hen la, a kipakna lam bawlte chu, hukdok leh hiding a pom!” a tiu a.

SAM 31:8

Chuleh, ei do-te khut in ei pedok kin la; ka keng hi mun awngthawl tak ah la lângkâi zaw tai.

SAM 31:9

Aw Lalpa, ei lungsiat inla, lungjing tak ah um ka hi’ngal in; lungkhamna ziakin ka mit, a chau huai huai ah; ahi, ka hinna leh ka taksa, natiang hile a chau ta ahi.

ISAI 42:1

Ngai un, ka suakpa, k eima tundaw, ka têlchuam leh ka lungdamna ma ma chu; a chung in ka thagau ka koi ta’n, namtin chung in vai hun hawm ding ahi.

HOSEA 4:16

Bawnglâ lochal gual in Israel chu a lu’lul hi; Hampa hing tamna mun ah belam pakhat um gual in, Lalpa‘n amau chu tu’hin a vâk theina diam?

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

MATTHAI 27:43

ama chun Pathian a ging ah, Pathian Chapa ka hile a tingal ah; a nop ahi chun tu’hin hun hukdok leh hiding a pom,” a tiu a.

MATTHAI 3:17

Chuleh, van ah kipat aw gi chun, “Zia hi ka Chapa Dawi tak, ka kipakna ma ma chu ahi,” a hun tia.