2 SAMUEL 21:7 - PATHIAN LEKHABU THIANGTHO (BSI)

⁷ Himaleh, Saul chapa Jonathan tawh David kikâl ah Lalpa hetpi ah kitiamna a la nei ziak un, Saul chapa Jonathan chapa Mephibosheth chu vang a pedok puai.

2 SAMUEL 21:7 ပူးပေါင်းရင်းမြစ်များ

2 SAMUEL 16:4

Ziaphatchun, lengpa chun, Ziba kiang in, “Mephibosheth thil nei zosia chu tu’hin nang â ahi tai,” a ti ta’n. Ziba chun, “Ka lalpa chun, a mit mu ah doisakna ei pia zing ta hen, ti’n kingainiam tak in ka ni la hi,” a ti tai.

2 SAMUEL 19:25

Jerusalem ah kipat lengpa dawn ding ah a hung phatin, lengpa chun a kiang in, “Mephibosheth, bang ding ah ei hun zui lo la hem?” ti’n a dong a.

2 SAMUEL 4:4

Saul chapa Jonathan in chapa pakhat a nei ah, ama chu a kengbai ahi. Jezreel ah kipat Saul leh Jonathan thi thuthang a la het lai ua khan ama chu kum nga mi bep ahi nalai a. Zia lai ah chun ama donnu chun a la taipi leh a kinaw tâkluat ziakin a khetha khan, a keng chu a la sukbai khâk ahi. A min chu Mephibosheth ahi.

2 SAMUEL 9:1

David chun, “Jonathan chung ah ja’ngaina ka suklat theina ding in, Saul Insung mi a dam nalai pakhat bêk um talo a hiu em?” ti’n a dawp a.

2 SAMUEL 9:10

Nang tawh, la chateu tawh, la suakteu zosia’n ama â dingin a lou chu bawl piak unla, la pu tupa hin nêk leh châk a nei theina dingin, a ga piang zosia chu la hun puak khawm piak diu ahi; himaleh, la puu tupa Mephibosheth hin vang ka annêkna dawkan ah an a nêkden ding ahi tai,” ti’n a gen a. Zia hun ah chun Ziba in chapa sawm leh nga tawh suak nasêm mi sawmni a nei hi.

2 SAMUEL 9:6

Saul chapa Jonathan chapa Mephibosheth chu David kiang a hung tung ta’n; tichun, a mai ah leitual si’n chibai bûk in a bokkhup ta. David chun, “Mephibosheth!” ti’n a ko a. Ama chun, “La suak ka hi,” ti’n a dawnhu a.

2 SAMUEL 9:7

David in a kiang ah chun, “Lau kin, la pa Jonathan jal in la chung ah ja’ngai ding ka hi; chuleh, la pu Saul gam kha nang hun pia kit ing ka tin, nang in vang ka annêkna dawkan ah an la nêk zing ding ahi tai,” ti’n a dawnhu a.

THUGENTU 8:2

La thutiam um ziakin lengpa thu chu zawm in.

1 SAMUEL 18:3

Jonathan in ama hinna tawh kibang hial ah David a lungsiat tâk ziak in, a kiang in thuthung a siam tai.

1 SAMUEL 20:12

Jonathan in David kiang in, Lalpa, Israelte Pathian in he ta hen! Jing jingkal a hem, a jingkal thumna a hem ah, zia thu hi ka pa kiang ah ka gen ah; David chung ah a lungdam leh, la kiang ah gen dingin palai hun sawl lo in um thei ding ka hem?

1 SAMUEL 20:15

David mêlmate zosia lei chung pumpi Lalpa‘n a thagam nung inle, ka Inkuante chung ah la ginumna sulang zing in aw, ti’n a gen a.

1 SAMUEL 20:17

Jonathan in ama hinna tuk ah David chu a lungsiat ziakin, a kiang in thuthung a siam tai.

1 SAMUEL 20:42

Ziaphatchun, Jonathan in David kiang ah chun, “Thamuang tak in chia ta’n, Lalpa chu nang leh keima kikâl leh, la suante tawh ka suante kikâl tiang ah ei hiatpitu hi zing ta hen, ti’n, Lalpa min in thuthung I la siam zo ta’ngâl a,” ti’n a gen a. David le a kipandok ah, a nusia ta’n; Jonathan le khawpi lam zuan in a chia tai.

1 SAMUEL 20:8

Ziaziakchun, la suak kiang ah thu a tak tak ah la tiam tâk ziakin, pha tak in bawl in. Ahi’n, thil bawlkhial ka hileh vang nang in ei that ziang in; bang ding ah la pa kiang ei tut khel khel ding la hi em? ti’n a gen a.

1 SAMUEL 23:18

Tichun, amau teni chun Lalpa âng ah thuthung a siam un; David chu Horesh ah a um den ah, Jonathan chu In lam in a chia kit tai.

1 SAMUEL 24:22

Tichun, David in Saul kiang ah chun thu a tiam a. Zia phat ah chun Saul chu a In lam in a chia kit ta’n; David tawh a sepaite chu vang kul lam zuan in a chia to tau hi.