2 SAMUEL 21:6 - PATHIAN LEKHABU THIANGTHO (BSI)

⁶ A chapa sagite chu ka khut un ei pedok inla, amau chu Lalpa tâng ah, Gibeon ah Lalpa âng ah khâilum ding ka hiu,” ti’n a don tau a. Lengpa chun, “Hun pedok ding ka hi,” a ti tai.

2 SAMUEL 21:6 ပူးပေါင်းရင်းမြစ်များ

THILSIAM THU 40:19

ni thum sung ah hin Pharaoh hin hun that in, thing lêk ah hun khai intin; tichun, vachate’n la sa chu ne lui lui ding a hiu,” a ti piak tai.

THILSIAM THU 40:22

himaleh, vaithum siam hotupa chu vang, Joseph in a mang a hilchian piak gual in a khailum tai.

2 SAMUEL 17:23

Ahithophel chun a lemguatna a zui puau hi ti a het phat in, a sabiltung chung ah chuang in, khawpi lam ah a In zuan in a chia tai. A Insung a suktup zaw phatin a kikhâi lum ta’n; a thi phatin a pa thânkhuk in a vui tau hi.

2 SAMUEL 18:10

Mi pakhat in ama chu a vamu ta’n, Joab kiang in, “Absalom kha gangpi thing ah kikhâi in ka vamu ve,” ti’n a vahil ta’n.

2 SAMUEL 19:28

Ka Insung mite hivang lengpa, ka lalpa âng ah a thisa ka hi mai ui; ahi’n la, la suakpa hi nang in la dawkan ah annete lak in lei pansak ah. Lengpa kiang ah bang dang dotbe nalai ding ka hem?” a tia.

1 KHANGTHU 12:3

A hotu lianpen chu Ahiezer ahi’n, a ban ah chun Joash ahi; a paniu in Gibeah ah Shemaah chate gêl gêl a hiu ah; chuleh, Azmaveth chate Jeziel leh Pelet a hiu ah; chun, Anathoth khua Berakah leh Jehu le a hiu;

EZRA 6:11

Kua’nle zia thupiak hi a sukdanglam chun, a In sung ah kipat thingtuai khat jukdaw hi hen la, zia ma ma chu a tûl ah siam hi hen. A In chule ki’dak buak khawmna mun hung hita hen.

ESTHER 9:10

Hammedatha chapa Haman, Judate mêlmapa chapa sawmkhatte chutawh a that gam tau a; himaleh, a nei thilteu chu vâng a lâkpiak puau hi.

MATTHAI 27:5

A dangka chu tempul sung ah seplut in a nusia ah, a pawtdok ah, ama leh ama a vakikhâi lum tai.

NASEPTE 13:21

Zia nung ah chun leng pakhat a ngêk nalai un; kum sawmli sung vaihawm dingin, Pathian in Benjamin nam ah mi Kish chapa Saul chu a leng uh hiding in a la pia tai.

DAN LEKHABU 21:22

Mi khat in thi’na ding hial gitlona a bawl ah, thi’na ding ah a chungchâng thutanna bawl ahi chun, thinglêk ah khailup ngâl ding ahi;

JOSHUA 10:26

Zia nung ah chun Joshua’n a vaw pâi ah, a that ta’n; thingkung panga chung in a khai ah. Chuleh, nitâk lam tiang in thing ah chun a khai den tai.

JOSHUA 8:29

Chun, Âi khua lengpa chu nitâk lam in thinglêk in a khailum ta’n; nisa tum jul in Joshua’n thu a piak dungzui in thinglêk ah kipat in a latha tau a, khawpi kul kotbul in a pai ua, a chung in suang a siavum tau ah, zia chu tu’ni tiang hinle a um nalai hi.

1 SAMUEL 10:1

Samuel chun sathau bûk khat a hun ladok ah, a luchung a sunkhum ah; a chawp ah a kiang in, “Lalpa‘n a mipi Israelte chung ah vaihawm dingin a hun têl ah sathau a hun nu’ hi. Lalpa mipite chung ah vaihawm inla; chuleh, a kîmvêl ua a mêlmateu khut ah kipat hin amau la hukdaw ding ahi. Tu’hin Lalpa‘n a gochante chung ah vaihawm ding ah a hun têl ahi ti la hettheina ding ah tepte’na chu zia hi ahi:

1 SAMUEL 10:24

Samuel in mipi zosia kiang ah chun, “Lalpa‘n a têl chu la mu’nau em? Mipite lak ah hin ama tawhbang kuama dang umlo ahi,” ti’n a gen a. Chuleh, mipite chun, “Lengpa chu damsawt hen,” ti’n a kiko tau a.

1 SAMUEL 10:26

Saul chule Gibeah khua a In lam zuan in a chia kit ta’n, sepai hangsan khenkhat, Pathian in a lungthim a sukkhakte chun a zui tau a.

1 SAMUEL 11:4

Tichun, a thangko sawlteu chu Saul chênna Gibeah khua a hung tun phat un, mipite kiang in a hiatsak tau ah; mipite zosia chu ngai tak in a kap chiat tau a.

1 SAMUEL 24:21

Ka nung ah ka suan leh pâk hung um dingte sumangthai lo ding leh, ka pa Inkuan ah mite lak ah kipat ka min thaimang lo dingin Lalpa min in thutiam ei bawl piak in,” ti’n a don a.

1 SAMUEL 24:22

Tichun, David in Saul kiang ah chun thu a tiam a. Zia phat ah chun Saul chu a In lam in a chia kit ta’n; David tawh a sepaite chu vang kul lam zuan in a chia to tau hi.