2 SAMUEL 20:22 - PATHIAN LEKHABU THIANGTHO (BSI)

²² Ziaphatchun, pil tak ah a lemguat dungzui in, zia nu chu mipi zosia lak ah chun a vâkvel ah. Bikhri chapa Sheba gawl chu ta’n in, Joab kiang in a sepdok tau a. Tichun, Joab in pengkul a mut ah, zia khawpi chu nusia in, a In lam chiat un a kile’kit tau hi; Joab ahileh Jerusalem lam zuan in a chia tai.

2 SAMUEL 20:22 ပူးပေါင်းရင်းမြစ်များ

2 SAMUEL 18:16

Ziaphatchun, Joab in pengkul a hun mût ah, Joab in a sepaite a kokit tâk ziakin, a sepaite chun Israelte chu delzui talo in a hung kilekit tau.

2 SAMUEL 18:17

Absalom luang chu a lau ah, gammâng ah kawkhûk thûk tak khat in a pai lut ua, suang tam tak a siakhum tau a. Zia hun sung ah chun Israelte zosia chu amau In lam chiat in a chia kit zo tau hi.

2 SAMUEL 2:28

Joab chun a pengkul a mut ah, a sepaite chu a kichawl tau ah; zia nung ah chun Israelte delzui talo in, a kidopi diak ta puau hi.

2 SAMUEL 20:1

Zia lai chun, Benjamin phung ah mi Bikhri chapa, mi dukdak lo Sheba kiti hi a um in. Ama chun pengkul a mut ah, zia gual hin tâng a sam ta’n: “David ah hin bangma chan I nei puau hi, Jesse chapa ah hin chanvo I nei puau hi! Aw Israelte haw, la puan In lam chiat un chia tau in!” ti’n tâng a sam tai.

2 SAMUEL 20:16

Ziaphatchun, numei pil tak khat hi khawpi sung ah kipat in a hung kiko ah, “Ngai un, ngai un! Joab kiang ah zia gual hin vagen un: ‘Hung in, la kiang ah gen nop khat ka nei hi,’ a tii, vatiu in,” a tia.

THUGENTU 7:19

Khawpi sung ah vaihawmtu mi sawmkhat sâng in, pilna chun mipil chu a hi’hat zawi.

THUGENTU 8:11

Thil phalo bawlte thiamlo chansakna, thutanna bawl pai ziang a hilo na ziakin, mihingte lunggil ah chun thil phalo bawl guatna a nei ta sek ui.