2 SAMUEL 20:19 - PATHIAN LEKHABU THIANGTHO (BSI)

¹⁹ Israelte lak ah kichamna dawi leh ginum tak ah pangte lak ah khat ka hi’n; Israelte khawpi gun tak khat hi sukmangthai gua la hiu; Lalpa go hi valzaw la guat ziang a hem?” a tia.

2 SAMUEL 20:19 ပူးပေါင်းရင်းမြစ်များ

THILSIAM THU 18:23

Abraham in a vak nai ah, a kiang in, “Midikte chu migilote tawh sumangthai khawm ziang ding la hem?

2 SAMUEL 14:16

Lengpa chun, ka thugen hi ngaitha’n, a suak hi a chapa, Pathian ah kipat a golua ding uh lâkpiak ah thâlup gawte khut ah kipat a hukdaw thei khâk leh,’ ka ti ziak ahi.

2 SAMUEL 17:16

Ziaziakchun, kin tak in mi sawl inla, David kiang in, ‘Tu’jan ah hin gamthip tângbul ah giak lo in, a thei liai leh gâl kâi un, achutiloleh lengpa leh a kiang ah mipi zosia chu val zaw ah hung um mai ding a hiu,’ ti’n vahil sak in,” ti’n a sawl a.

2 SAMUEL 20:18

Amanu chun, “Nidang lai ah chun mite’n, ‘Abel khua’n va kiho’lem un,’ a ti sek un; tichun, thubuai a la kiholem sek ui.

2 SAMUEL 20:20

Joab in, “Ahipuai, ahipuai! sukmanthai leh valzaw ziang ka gaw him him puai!

2 SAMUEL 21:3

David in Gibeon mite kiang ah chun, “Bang ka hun bawl piak diam? Lalpa gochante hi la malzawl theina ding un bang gual ah kitatna hun bawl piak ding ka hem?” a tia.

1 LENGTE 8:53

Aw Lalpa Pathian, ka pu leh pateu Aigupta ah kipat la puidaw lai ah, Mosi mangcha’ la thutep gual in, amau chu la gochan ding ah lei ah mipite zosia lak ah la koichuam sate ahi ngâl un, a tia.

SAM 106:5

la mi doichuamte vangphatna chu ka muu ah, la chite kipakna chu ka limpi ah, la gochante chu ka kisuanpi theina dingin.

SAM 124:3

I chung ua a lungnat lai uh khan, I hingsan un ei la val zo ta mai ding a hiu hen;

SAM 33:12

Lalpa chu Pathian ah nei nam chu mi hampha a hiu; ama go ding ah têlte ngei chu.

SAM 78:71

a mipi Jakobte leh a golua ding Israelte vâk dingin, a belam nokâite chinna lak ah kipat in a puidok hi.

JEREMIAH 51:34

“Babulon Lengpa Nebukadrezar in ei ne zo in, ei khênbuang ta’n; bêl awng gual in ei siam ta’n, gûlpi ei val zaw gual in ei val zo tai; ka tuinate chun a gilpi a sudim in, ei sêkdok kit tai.

JEREMIAH 51:44

Babulonte pathian bêl chu gawt ing ka tin, a val zawsa chule a gawl ah kipat, mêkdok kit ding ka hi. Namtin a kiang ah luang khawm ta pua’n au; Babulon kulbâng chu a chim tai!

KÂ LATE 2:16

La mêlmate zosia’n a hun gensiau a; a nâk khawng in, a hau a gawi khum un: “Amanu chu I val zo tau hi! Tu’ni ahi ngût hilam I ngaklau; tu’hin I mu ta khong khong ui,” a tiu a.

KÂ LATE 2:2

Lalpa‘n Jakob chênna zosia, lainatna pang lo in a susia tai; a lungnatna chun Judah chanu, kuldette chu a kaichim sik sek a; a lenggam leh a lengteu chu, lei tual tawh kikim in a kainiam in, a suminsia tai.

KÂ LATE 2:5

Lalpa chu mêlma gual in a hung um ta’n, Israel a suchimit tai. A lal in zosiau susia’n, a kuldet zosiau sukchip piak in, Judah chanu chung in kâ leh, lusûnna but khum in a um tai.

KISIMNA LEKHABU 16:32

Lei in a kam a hun kâ, a Inkuan un, Korah mite leh a nei thil zosiau chu tawh a val zo tai.

KISIMNA LEKHABU 26:10

lei in a kam a kâ, Korah tawh a lawite zosia a val khawm ah, van ah kipat ah meikuang hung ketha’n amau lawi mi za ni leh sawmnga a katlumpite ma ma kha a hiu a; tichun, amau chu midang kihilna’n a pang tau a.

1 KORINTH 15:54

Tichun, zia taksa muatthei hin muatthei lona a chan ah, zia taksa thi thei hin thithei lona a chan phat leh: “Thina chu zawna’n a val zo tai”.

2 KORINTH 5:4

Zia In ah I um sung un puakgik pua’n thûm leh mâu in I um un; sil lo ah um I nop ziak uh a hipua’n, silthua ah I um nop ziak uh ahi; a thithei hi hinna’n a valzaw theina dingin.

DAN LEKHABU 20:10

Khawpi do ding ah la kisak phat ua leh, kicham a nuam awm ti dong masa phot un.

DAN LEKHABU 32:9

Lalpa chanvo chu a mite a hiu ah, Jakob chu a gochan ahi.

1 TIMOTHI 2:2

lengte leh thuneina sâng tak neite â dingin tawh: Tichun, Pathian ngaisak leh za tak ah, thamuang tak leh kicham dial ah vai a hawm theina ding un.

VAIHAWMTE 5:7

Nangma Deborah, Israelte nu ding ah la hung kipatdaw ma sia’n, Israel gam ah lounei mite a mi suam ah; kivâk thau in a hausa deu deu tau hi.

1 SAMUEL 10:1

Samuel chun sathau bûk khat a hun ladok ah, a luchung a sunkhum ah; a chawp ah a kiang in, “Lalpa‘n a mipi Israelte chung ah vaihawm dingin a hun têl ah sathau a hun nu’ hi. Lalpa mipite chung ah vaihawm inla; chuleh, a kîmvêl ua a mêlmateu khut ah kipat hin amau la hukdaw ding ahi. Tu’hin Lalpa‘n a gochante chung ah vaihawm ding ah a hun têl ahi ti la hettheina ding ah tepte’na chu zia hi ahi:

1 SAMUEL 26:19

Tu’hin, ka lalpa, lengpa chun a suak thugen hi a la ngai in. Keima thalupna ding ah hun tîl chu Lalpa ahi chun, a kiang ah kithoina thilpiak chu pom ta hen; himaleh, a hun tîl chu mihing ahileh vang, Lalpa ah kipat ka gochan ding lai nusia in, ‘Chia inla, pathian dangte na sêm in,’ ei ti ziakin tu’ni tiang ah del châkvai ah ei umsak ziakin, Lalpa ma ah hânsia law in um tau hen.