2 SAMUEL 20:16 - PATHIAN LEKHABU THIANGTHO (BSI)

¹⁶ Ziaphatchun, numei pil tak khat hi khawpi sung ah kipat in a hung kiko ah, “Ngai un, ngai un! Joab kiang ah zia gual hin vagen un: ‘Hung in, la kiang ah gen nop khat ka nei hi,’ a tii, vatiu in,” a tia.

2 SAMUEL 20:16 ပူးပေါင်းရင်းမြစ်များ

2 SAMUEL 14:2

Tekoa khua numei pil tak pakhat vako dingin Joab in mi a sawl a. Zia nu kiang ah chun, “Lusûn gual in kisiam in la, lusûnna puan ah kithuam in sathaule kinu’ lo in, hun sawt tak mithi sûn ta gual in kisiam in.

2 SAMUEL 20:17

Ama chun zia nu kiang chu a hun nai ah,; numei chun, “Joab chu la hi em?” ti’n a dong a. Joab in, “Aw, ka hi,” ti’n a dawnhu a. Ziaphatchun, a kiang in, “La suak thu gen hi ngai in,” a tia; ama’nle, “Ka ngai hi,” a tia.

2 SAMUEL 20:22

Ziaphatchun, pil tak ah a lemguat dungzui in, zia nu chu mipi zosia lak ah chun a vâkvel ah. Bikhri chapa Sheba gawl chu ta’n in, Joab kiang in a sepdok tau a. Tichun, Joab in pengkul a mut ah, zia khawpi chu nusia in, a In lam chiat un a kile’kit tau hi; Joab ahileh Jerusalem lam zuan in a chia tai.

DANIAL 2:14

Ziaphatchun, Danial in Babulon mipilte that dingte lak ah hotu, Ariok kiang in chingthei tak leh pil tak in a dawnhu a;

1 SAMUEL 25:3

Zia pa min chu Nabal ahi’n; a ji min chu Abigail ahi. A ji chu numei pilthei tak leh mêlpha tak ahi’n, a pawsal chu vang mi thukhel leh lungthim neu ahi; ama chu Kaleb Inkuan ah mi ahi.