2 SAMUEL 20:12 - PATHIAN LEKHABU THIANGTHO (BSI)

¹² Amasa chu a thisan kilui lak in lamlian ah chun a kizam ah, Joab sepaite zia mun hun haw tapo a din malam ziang uh chu a mu’n. Chutia, mi a hung tapo a din ziang uh chu a mu phât in, lamlian ah kipat Amasa luang chu a paw mang ah, gamlak in a pai ah, puan a khu’khum tai.

2 SAMUEL 20:12 ပူးပေါင်းရင်းမြစ်များ

2 SAMUEL 17:25

Absalom in a sepai hotu lianpen Joab thasâng in Amasa chu a pansak a. Amasa chu Ishmael mi Ithra chapa ahi. A nu chu Joab nu, Zeruiah suapi Nahash chanu Abigail ahi.

2 SAMUEL 2:23

Himaleh, a del chu a chawl nuam diak puai. Tichun, Abner in a cheicha le’lam ah chun a gilpi a dawt piak ah, a cheicha chun a sunlet ta mai hi. Zia tak ah chun a kiseppai ah, a thi den tai. Chuleh, Asahel kisepaina a thi’na mun hun haw kha taphot chu, zia mun ah chun chomkhat a ding den têi sek tau hi.

2 SAMUEL 20:11

Joab sepaite lak ah pakhat chu Amasa luang kiang ah dingin, “Joab leh David lam ah pang taphot in Joab zui un,” a tia.

2 SAMUEL 20:13

Lamlian ah kipat a kai mang phat ah chun, Bikhri chapa Sheba del ding in mi zosia’n Joab chu a hun delzui thei tau hi.

SAM 55:23

Himaleh, aw Pathian, nang in amau chu manthaina kawkhûk ah, pai lut in la tin; thisan sua mang leh thep mang mite chu, a dam sung ding uh kimkhat le dam zo pua’n au. Ke’n vang nang bep muang zing ing ka.

SAM 9:16

Lalpa chu a kiang un a kihiatsak ta hen, vai a hawm tai; mi nunsiate chu amau khutsuak ah chun a awk tau ahi.