2 SAMUEL 20:10 - PATHIAN LEKHABU THIANGTHO (BSI)

¹⁰ Himaleh, Amasa in Joab khut ah chemjam chu a la mu pua’n; Joab in a gilpi a dawt piak ah, a gilzang a pawt hial ziang ah, a thi den tai. A vel in a sun kit ta puai. Ziaphatchun, Joab tawh a suapipa Abishai chun Bikhri chapa Sheba chu a delzui tau.

2 SAMUEL 20:10 ပူးပေါင်းရင်းမြစ်များ

THILSIAM THU 4:8

Ziazaw chun, Kaina’n a nau Abel kiang in, “Lou lam in vachia hi ti,” a ti’n. Lou ah a um lai un, Kaina’n a naupa Abel chu a vua’n, a that tai.

2 SAMUEL 2:23

Himaleh, a del chu a chawl nuam diak puai. Tichun, Abner in a cheicha le’lam ah chun a gilpi a dawt piak ah, a cheicha chun a sunlet ta mai hi. Zia tak ah chun a kiseppai ah, a thi den tai. Chuleh, Asahel kisepaina a thi’na mun hun haw kha taphot chu, zia mun ah chun chomkhat a ding den têi sek tau hi.

2 SAMUEL 20:9

Joab in Amasa kiang ah chun, “Ka suapipa, la pha na maw?” a tia. Joab in a changlam khut ah chun Amasa khamul ah man in chawp a gua’n.

2 SAMUEL 3:27

Hebron lam ah Abner a hungkile’kit phatin, Joab in kul kotkhak paw lam ah chun hoguk ding gaw dan in a pui chuam ah, zia tak ah chun a tumpi a sutthil piak tai. Tichun, Joab suapipa Asahel thisan a la sua ziak ah chun a thi ta ahi.

1 KHANGTHU 12:2

Amau haw hi Benjamin phung ah mi, Saul chanaute leh thal kap thiam ah minthang, a vei leh chang ua thalpi hileh vaisuangse hileh, mangtheite ngen a hiu hi.

JEREMIAH 41:2

Babulon Lengpa’n, a gam pumpi vaihawm ding ah Gedaliah a guat chu a lungawi lo ziak un, Nethaniah chapa Ishmael tawh a lawite pawsal sawmkhat chu a hung kipan un, Shaphan tupa, Ahikam chapa Gedaliah chu chemjam in a sat un, a that tau a.

KISIMNA LEKHABU 35:20

Zia gual ma chun, a muda ziak a hem, ahiloleh, a chân-gûk ah, suang a hem leh bang a hem khat ah a se’khak ah thi ahi em leh,

VAIHAWMTE 3:15

Himaleh, Israelte’n Lalpa a ko phat un, Lalpa‘n amau hukdok ding in Benjamin phung ah mi, Gera chapa Ehud, mi veilong chu a hun tungdok tai. Ama khut ah chun Israelte’n Moab lengpa Eglon kiang in sia a pia tau a.

VAIHAWMTE 3:21

Ziaphatchun, Ehud in a veilam khut in a changlam malpi chemjam kikân dên chu a jutdok ah, Eglon tumpi chu a sut piak ta’n;

1 SAMUEL 26:8

Abishai in David kiang ah chun, “Tu’ni hin Pathian in la mêlmapa chu la khut in a hun pia ta hi. Tu’ ma ma hin ama hi cheicha’n lei tual tawh kilden ziang ing ka; sut kit le ngai ta pua’n a,” a tia.