2 SAMUEL 20:1 - PATHIAN LEKHABU THIANGTHO (BSI)

¹ Zia lai chun, Benjamin phung ah mi Bikhri chapa, mi dukdak lo Sheba kiti hi a um in. Ama chun pengkul a mut ah, zia gual hin tâng a sam ta’n: “David ah hin bangma chan I nei puau hi, Jesse chapa ah hin chanvo I nei puau hi! Aw Israelte haw, la puan In lam chiat un chia tau in!” ti’n tâng a sam tai.

2 SAMUEL 20:1 ပူးပေါင်းရင်းမြစ်များ

THILSIAM THU 46:21

Benjamin chapate chu: Bela, Bekher, Ashbel, Gera, Naaman, Ehi, Rosh, Muppim, Huppim tawh Ard te hi a hiu a,

2 SAMUEL 15:10

Himaleh, Absalom in Israelte zosia lak ah chun a gûk ah ama lam ah pang thangko dingte a la sawl masa, amau chun, “Pengkul git la het phat phat ua leh, ‘Absalom chu Hebron ah lengpa ahi tai,’ ti’n la kiko chiat diu ahi,” ti’n a la gen suak tau hi.

2 SAMUEL 16:11

David in Abishai tawh a sepaite zosia kiang ah chun, “Ka chapa ma ma’n thalup guan ei hawl ahileh, zia Benjamin mi vang chun bang bawldâ ding a hem! Limsak dâ mai un, a nop dan dan in ei hân khum mai hen, Lalpa‘n a sawl ahi ngal in.

2 SAMUEL 16:7

Shimei chun, “Chia mang in, chiamang in, tualthatpa, mi dukdak lo!

2 SAMUEL 18:17

Absalom luang chu a lau ah, gammâng ah kawkhûk thûk tak khat in a pai lut ua, suang tam tak a siakhum tau a. Zia hun sung ah chun Israelte zosia chu amau In lam chiat in a chia kit zo tau hi.

2 SAMUEL 20:2

Tichun, Israel mipi zosia’n David nusia’n Sheba chu a zui tau a; himaleh, Judah mipite chun a lengpau chu Jordan lui ah kipat Jerusalem tiang in ginum tak in a zui pek tau hi.

2 SAMUEL 20:22

Ziaphatchun, pil tak ah a lemguat dungzui in, zia nu chu mipi zosia lak ah chun a vâkvel ah. Bikhri chapa Sheba gawl chu ta’n in, Joab kiang in a sepdok tau a. Tichun, Joab in pengkul a mut ah, zia khawpi chu nusia in, a In lam chiat un a kile’kit tau hi; Joab ahileh Jerusalem lam zuan in a chia tai.

2 SAMUEL 23:6

Himaleh, Pathian ngaisak lote chu vang, ling kipaimang tawhbang bep a hiu; khutngawn ah vachom daw thei a hita paw’ngal un;

1 LENGTE 12:16

Israelte zosia chun lengpa’n amau a ngaisak puai ti a het phat un, mipite chun lengpa kiang in, “David ah pat bang chan I nei ua a hem? Jesse chapa ah gochan bangma I nei puau hi. Aw Israelte haw, la puanbûk lam un chia kit tau in! Aw David, la Inkuan ki-etphat mai in,” ti’n a dawnhu tau a. Tichun, Israelte chu a puanbûk lam chiat un a kihemdok zo tau hi.

1 LENGTE 21:10

milepchia pani a âng zawn in chutsak unla, amau chun zia gual hin a mawna thu gendawsak un, ‘nang in Pathian leh Lengpa la gensia ahi,’ ti sak unla. Ziazaw chuleh, puidok unla, suang in seplum un,” ti in a zik a.

2 KHANGTHU 10:16

Lengpa’n a thugen uh ngaisak lo ahi, ti Israelte’n a het phat un, mipite chun lengpa kiang in: “David ah hin bang chanvo ka nei ua a hem? Jesse chapa ah hin golua ding ka nei puau hi. Aw Israelte haw, la puanbûk lam chiat un chia kit tau in! Aw David, la Inkuante bep chu ki-etkol mai ta’n!” a tiu a. Tichun, Israelte zosia chu a puanbûk lam chiat un a chia kit tau hi.

2 KHANGTHU 10:6

Lengpa Rehoboam, in a pa dam laiah a kiang ah nasêm ah um sek upa haw kiang ah chun, “Zia mipite hi bang gual ah dawnhu leng pha la sau em?” ti’n a dong a.

SAM 17:13

Aw Lalpa, hung kipan in, amau chu kituakpi’n la, nuaisia in! Ka hinna mi nunsia lakah kipat in, la chemjam chun hukdok inla,

SAM 34:19

Haksatna tam tak mi dik in a tuak ding a um in, himaleh, zia zosia pat chun, Lalpa‘n a hukdok sek hi.

THUPILTE 25:8

La mit in a mu taphot vaihawmna ma ah hêk dingin tut ziang kin; a tawp ah la Invêngte’n a hun himualpho phat leh, a law ngaina helo in um ziang khan la.

THUPILTE 26:21

Meiâm chu meihol hâl âmtu leh, thing chu meiâm sêmkuangtu ahi gual ma in: mi hânsia chu mi kinaksaktu ahi.

MARKA 3:24

Gam pakhat chu amau leh amau kido leu, zia gam chu dingdok thei pua’n tin;

LUKA 19:14

Himaleh, a gam mite chun ama chu a mu nuam puau ah, a chia nung ah chun palai a sawl zui un, ‘Zia pa hi ka chung ua vaihawm dingin ka doi puau hi,’ a tiu a.

LUKA 19:27

Chuleh, ka mêlmate, a chung ua ka vaihawm ding zadate kha le, zia lam ah hin hun pui un la, ka ma-âng ngei ah hin that un,’ a tia,” ti’n a gen a.

JOHAN 13:8

Peter chun, “Ka keng sil him him pua’n la,” a tia. Jesu’n a dawnhu, “Ka hun sil piak lo chun, keima ah hin bangma chan nei pua’n la,” a tia.

DAN LEKHABU 13:13

khua sung ah mite pui mang gua, la het ngailo pathian ho ding ah mi jawl ah: “Hung tiam un, pathian dangte ho dingin chia hi tiu,” ti aw git la het phat ua leh,

VAIHAWMTE 19:22

Chutia, lim leh kipak tak ah a um lai ua chun, khawpi sung ah michavai hon khat hung in, zia In chu hun ûm in, kotkhak chu a chûm tau a. Inneipa têksepu kiang ah chun, “La In ah hung tung pa kha ei hun pedok in, ka kipawlpi nuam ui,” a tiu a.

VAIHAWMTE 3:27

Ephraim tânggam a tai tung phatin, pengkul a mût ta’n; ama chu Israelte’n tângsâng ah kipat in a hung zui suk tau ah, ama chu a makai un a pang tai.

RUTH 2:3

Tichun, a kuan ta ngei a. Bu-âtte nung lam ah bulêpte chu a la khawm ta’n. Elimelek chanau kinaipi, Boaz lou lam in a hung vâk lut kha tai.

1 SAMUEL 13:2

Saul in Israelte lak ah mi sang thum a têldok ah; ziate lak ah sang ni chu Saul tawh Mikmash leh Bethel tânggam in a um khawm un, sangkhat chu Jonathan tawh Benjamin gam ah Gilead ah a um un; mipi dang sia chu a puanbûk lam chiat un a sawl kit tai.

1 SAMUEL 2:12

Tu’hin, Eli chate chu mi chavai a hiziak un, Lalpa a ja puau a;

1 SAMUEL 30:22

David zuite lak ah mi chavai leh khawningailo haw chun, “Ziate lawi hi ei hung panpi lo a hiziak un, a ji leh chateu chiat kichan kit uh hen la, gâllâk bangma dang chansak puai tiu in, chia mai uh hen,” a tiu a.