2 SAMUEL 2:4 - PATHIAN LEKHABU THIANGTHO (BSI)

⁴ Ziaphatchun, Judah mipite chu a hung khawm tau a, zia mun ah chun Judah Inkuante chung ah Leng hidingin David chu sathau a nu’ tau hi. David in, “Saul kha Jabesh-gilead ah mite’n a la vui tau hi,” ti a het phat in,

2 SAMUEL 2:4 ပူးပေါင်းရင်းမြစ်များ

2 SAMUEL 19:11

Lengpa David chun thiampu Zadok tawh Abiathar kiang in zia thu hi a vagen sak ah: “Judai gam ah upate kiang in zia hi vagen un, ‘Bang ding ah lengpa a In ah pui kit gawte lak ah a nunung pen hi gua la hiu em? Israelte zosia holimna chu lengpa’n a he suak ta’ngâl in.

2 SAMUEL 19:42

Judah mipite zosia chun Israel mipite kiang in, “Lengpa hi ka chanau kinaipiu ahi. Zia thu ah hin bang ding ah lungna la hiu em? Lengpa neisa bang ka neu ah a hem? Ama’nle bang ei pia chuam sâm ah a hem?” a tiu a.

2 SAMUEL 2:11

Hebron ah David leng ah pang ah, Judah Inkuante chung ah a vaihawm sung chu kum sagi leh thaguk ahi.

2 SAMUEL 2:7

Ziaziakchun, la khutteu chu suk-hat hi hen la, hangsan tak in um un; la lalpau Saul chu a thi ta ngal in, chuleh, Judah Inkuante’n a chung ua Leng hi dingin sathau ei nu’ ta’ngal un,” ti’n a vagensak tai.

2 SAMUEL 21:11

Aiah chanu, Saul thâikem Rizpah thil bawlte chu David a hil phat un,

2 SAMUEL 21:12

David a kuan ah, Saul gute leh a chapa Jonathan gute, Philistinte’n Gilboah ah Saul a thalup niu ah Philistinte’n Beth-shan ah a khai nau ah kipat Jabesh-gilead mite’n a la gukdawu kha a vala khawm a.

2 SAMUEL 5:17

Israelte chung ah Leng hiding in David sathau a nu’ tau hi ti Philistinte chun a hun het phat un, Philistinte zosia chu David hawl in a hung kuan tau ah; himaleh, David in a la het lawk ziakin, kuldetna lam in a chia suk a.

2 SAMUEL 5:3

Tichun, Israel upate zosia chu Hebron ah lengpa kiang in a hung ua; Hebron ah chun Lengpa David in Lalpa ma-âng in a kiang un thuthung a siam tai; chuleh, amau inle David chu Israelte chung ah leng ah pang dingin sathau a nu’ tau hi.

2 SAMUEL 5:5

Hebron ah chun Juda mipite chung ah kum sagi leh tha guk vai a hawm ah; chuleh, Jerusalem ah chun Israel mipite leh Juda mipite zosia chung in kum sawmthum leh thum sung vai a hawm hi.

2 LENGTE 11:12

Ziazaw chun lengpa chapa chu a hun puidok ah, thuthung chu a hun pia ta’n; ama chu lengpa ahi ti a puangjak ua, sathau a nu’ tau hi.

1 KHANGTHU 10:11

Himaleh, Jabesh-Gilead khua mite chun Saul chung ah Philistinte thilbawl chu a la het phat un,

1 KHANGTHU 11:3

Tichun, Israelte lak ah hotute zosia chu Hebron ah lengpa kiang in a hung tau ah, David inle Hebron ah chun Lalpa hetpi in thuthung a siam tai. Chuleh, Lalpa‘n Samuel kam ah thu a gen gual in, Israelte chung ah leng hiding in David chu sathau a nu’ tau hi.

1 KHANGTHU 12:23

Lalpa thupiak dungzui in, lenggam Saul khut ah kipat lakdaw ah um chu, David khut ah piak ding ahi ti ah Hebron khua David panpi ding ah hung khawm, sepai tam dan chu zia gual hi ahi:

1 SAMUEL 16:13

Ziaphatchun, Samuel in sathau bûk sakî chu a hun la, a suapite mit mu ah chun sathau a nu’ tai; zia ni kipat chun Lalpa thagau a chung in a hung um ziang tai. Tichun, Samuel le a kipandok ah Ramah lam in a chia kit tai.