2 SAMUEL 2:26 - PATHIAN LEKHABU THIANGTHO (BSI)

²⁶ Ziaphatchun, Abner in Joab a hun ko ah, “Chemjam pan zing nalai ding I hiu em? A tawp leh kihuatna’n hung dim ding a hi ti helo la hem? Sepaite chu a suapiteu del talo ding ah bangtik leh thotân gua la hi tam?” ti’n a hun ho a.

2 SAMUEL 2:26 ပူးပေါင်းရင်းမြစ်များ

2 SAMUEL 11:25

Thangkopa kiang ah chun David in, “Joab kiang ah zia gual hin la gen ding ahi,” ti’n a vaithâk ah: “Zia gual ah thil a tun ziak chun khawksa kin; chemjam in a chang leh mi khat that intin, a châng leh a dang khat that sek him in ah; khawpi chu bulu ding in hapan zaw diak unla, zo tau in,” ti’n a hil a. “Chuleh, ama chule tilkho in,” a ti tai.

2 SAMUEL 2:14

Abner chun Joab kiang in, “Tangvalte zendok hi tin, A jat kibang gêl in I âng ah kisual sak hi ti,” ti’n a hun gen a. Joab inle, “Hung pawtdok uh hen,” a ti tai.

2 SAMUEL 2:16

A kituakpiteu chiat luchang chu tuchak in, a pangcheu chemjam in a kidawt tua chiat tau ah; tichun, a kipuk khawm sik sek tau a. Ziaziak chun, zia mun chu Helkatha-hazzurim a sak tau ah, zia chu Gibeon gam sung ah um ahi.

2 SAMUEL 2:25

Benjaminte chu hon khat ah kisiam in Abner huk ding ah a la pang ua; tângvûm lam in a chângpang tau a.

2 SAMUEL 2:27

Joab in, “Pathian min in ka gen ahi: zia gual ah chun hun gen lo hi ngei ngei lechin, ka sepaite’n jingkal kit tiang hial in a suapiteu hun delzui nalai ding a hiu,” ti’n a dawnhu tai.

JOB LEKHABU 18:2

Bang chan thu mantheilo hawl gaw nalai la hem? A la ngai inla, hun gen ing kau.

JOB LEKHABU 19:2

Bang chan la kamsuak ua lei sugenthei un, lei sem nêl nâk lai ding uh a hem?

SAM 4:2

Aw mite haw, bangchan a hem lei himualpho ding uh? Bangchan a hem pâkchâkna lêm la ngainat ua, zuau thu la hawl ding uh? (Selah)

THUPILTE 17:14

Kinialna hi tui kithâdok tawh bang ahi’n; kinakna a hung pawt masang in kinialna chu haisan in.

ISAI 1:20

ahi’n, thu mang lo ah la huhel uh chun, chemjam in hun vai tan in a; Lalpa kam in a la gen ta’ngâl a,” ti in.

JEREMIAH 12:12

Gamkeu ah tâng gawchâk tin ah kipat in, gam hisia dingte chu a hung suk un; Lalpa chemjam chun gam mong langkhat lam ah kipat, a langkhat lam tiang in hun that gam intin, a suakcha um pua’n au.

JEREMIAH 2:30

La chateu chu a thawn in ka vua hen, kisiam phatna’n a nei diak puau hi; sakeibaknei gawlsan in a nêk zaw gual in, la jawlneiteu chu la chemjam un a ne zo tau hi.

JEREMIAH 4:21

Bang chan a hem kido’na puanjakte chu ka mu ah, pengkul gitte chu ka het ding?

JEREMIAH 46:10

Zia ni chu Lalpa Sepai honte Pathian ni guat chu ahi, phuba lâk ni ahi’n, a mêlmate a soisak ni chu ahi. A chemjam in that gam intin, a du-khop tak in a thisan uh dawn ta’n a. Mal gam ah Euphrates lui pang ah, Sepai honte Lalpa Pathian in, kithoina a siam ta’ngâl a.

JEREMIAH 46:14

Aigupta gam ah vagenjak unla, Migdol, Memphis leh Tahpanhes khuate ah hin, vapuang jak tau in; a kiang un, “La panmun uh luau inla, kigingsa’n um un, la kîmvêl ua umte chu, chemjam in hun that gam ding ahi ngâl un,” tiu in.

HOSEA 11:6

A khawpi sung un chemjam kilek intin, amau thuhil thiampute chu that gam in au; a lemguatnau ziakin val zo in au.

NASEPTE 7:26

A jing in a lak ua khenkhat a kinial lai tak un a vachia ah, a kilem theina ding un, gualte haw, suapi khat la hiu hi; bangatia dik lo tak ah kibawl la hiu em? a vatia.