2 SAMUEL 2:14 - PATHIAN LEKHABU THIANGTHO (BSI)

¹⁴ Abner chun Joab kiang in, “Tangvalte zendok hi tin, A jat kibang gêl in I âng ah kisual sak hi ti,” ti’n a hun gen a. Joab inle, “Hung pawtdok uh hen,” a ti tai.

2 SAMUEL 2:14 ပူးပေါင်းရင်းမြစ်များ

2 SAMUEL 2:15

Tichun, a hung kuandok tau a, Benjamin leh Saul chapa Ish-bosheth lam ah pang mi sawm leh ni tawh, David lam ah pang mi sawm leh ni a hung kipandok tau a.

2 SAMUEL 2:16

A kituakpiteu chiat luchang chu tuchak in, a pangcheu chemjam in a kidawt tua chiat tau ah; tichun, a kipuk khawm sik sek tau a. Ziaziak chun, zia mun chu Helkatha-hazzurim a sak tau ah, zia chu Gibeon gam sung ah um ahi.

2 SAMUEL 2:17

Zia ni’ kidona chu a huaisia ma ma ah; Abner leh Israel sepaite chu David suakte chun a zo dim dem tau hi.

2 LENGTE 14:8

Ziaphatchun, Israel ah Jehu chapa, Jehoahaz chapa Lengpa Jehoash kiang in Amaziah in thupawtute a sawl ah, a kiangin, “Hung in, kimu tua hi ti,” a tia.

THUPILTE 10:23

Mingolte’n thil phalo bawl hi, kitualthawna nuam in a ngai un; ahi’n, hetthiamna nei mi chun, pilna a kipakpi sek hi.

THUPILTE 17:14

Kinialna hi tui kithâdok tawh bang ahi’n; kinakna a hung pawt masang in kinialna chu haisan in.

THUPILTE 20:18

Thuhilna ngaisakte thil guanggalna chu a lamzang in; pil tak ah puihuaina chu zui in gâl do bep in.

THUPILTE 25:8

La mit in a mu taphot vaihawmna ma ah hêk dingin tut ziang kin; a tawp ah la Invêngte’n a hun himualpho phat leh, a law ngaina helo in um ziang khan la.