2 SAMUEL 2:1 - PATHIAN LEKHABU THIANGTHO (BSI)

¹ Zia nung ah chun, David in Lalpa chu a dong a, “Judai gam ah khawpite pakhat pen pen hi do dingin kuan to ding ka hem?” a ti’n. Lalpa‘n a kiang in, “Kuan to in,” ti’n a dawnhu a. David in, “Khoi tak pen ka zuan diam?” ti’n a dong a. Ama’n, “Hebron zuan in,” ti’n a dawnhu a.

2 SAMUEL 2:1 ပူးပေါင်းရင်းမြစ်များ

THILSIAM THU 13:18

Tichun, Abram in a puanbûk chu a chawn ah, Hebron ah um Mamre gangpi thingbul kiang ah chun a hung chêng ta’n; zia mun ah chun Lalpa â dingin mâichâm a siam tai.

THILSIAM THU 32:2

Jakob in amau chu a mu phât in, “Ziate hi Pathian Sepaite a hiu,” a tia: zia mun min ding chun, Mahanaim a sak tai.

2 SAMUEL 15:7

Kum li zaw ah chun Absalom in lengpa kiang in, “Lungsiat tak in Hebron khua Lalpa kiang ah ka la kitiamna ka vasukpitin theina dingin ei chiasak in.

2 SAMUEL 2:11

Hebron ah David leng ah pang ah, Judah Inkuante chung ah a vaihawm sung chu kum sagi leh thaguk ahi.

2 SAMUEL 5:19

David chun Lalpa kiang in, “Philistinte do dingin va kuan to ding ka hi em? Amau chu ka khut in lei pia diam?” ti’n a dong a. Tichun, Lalpa‘n, “Kuan in, Philistinte chu la khut ah hun pe ngei ngei ding ka hi,” ti’n a dawnhu tai.

2 SAMUEL 5:23

David in Lalpa a dot phatin, zia gual hin a hun dawnhu ah: “Va zuan to ziang kiu in; a nung lam un vel unla, begaw thing bul jawn ah chun do un.

1 LENGTE 2:11

David in Israelte chung ah a vaihawm sung chu kum sawmli ahi’n; Hebron ah kum sagi vai a hawm ah, Jerusalem ah kum sawmthum leh thum vai a hawm hi.

1 KHANGTHU 29:7

Pathian Insakna ding ah chun sana talent sangnga tawh daric sîngkhat, dangka thik talent sîng khat tawh, sum-eng talent sîng khat leh sâng giat tawh, thik talent nuai khat zet a hun pekhawm tau.

2 KHANGTHU 11:10

Zorah, Aijalon leh Hebron khuate hi a siam piting ah; ziate hi Judai gam leh Benjaminte gam ah kulnei khawpite chu a hitau hi.

SAM 143:8

Jingkal in la ngilneina det thu ei hetsak in, nang ka hun ging ngal a. Ka chiana ding lampi ei hil in, ka lungthim in nangma lam ka hun nga ngal a.

SAM 27:4

Lalpa kiang in thil pakhat ka don ah, zia bep chu hawl zing ing ka: Ka damsung sia Lalpa In ah um zing ah, Lalpa mêlphat zia mu ding leh, a tempul ah a thu dong ah um zing dingin.

EZEKIEL 36:37

Lalpa Pathian in zia gual hin a gen a: Gancha hon gual ah tam, mihing hi’pung dingin, Israel Inkuante kichial khawmsak ta’ng ka.

KISIMNA LEKHABU 13:22

Negeb zuan in a chia to ua, Hebron a tung un; zia tak ah chun Anak mite Ahiman, Sheshai tawh Talmaite a la chêng un. (Hebron chu Aigupta gam ah Zoan khua sâng ah kum sagi ah um masa zaw ahi.)

KISIMNA LEKHABU 27:21

Ama chu thiampu Eleazar ma-âng in ding intin, Lalpa ma-âng ah Urim ah thutanna chu dot piak sek intin; ama thu’ pawtdok in, ama thu ma ah lut intiu in, ama tawh a kiang ah Israel mipi um khawm zosia kiton in au,” a ti’n.

JOSHUA 15:13

Lalpa‘n Joshua kiang ah thu a la piak gual ah khan, Judah phung ah mite lak ah Jephuneh chapa, Kaleb kiang in a chanvo dingin Kiriath-arba chu a pia ta’n; zia mun chu Hebron le a kiti sek a (Arba chu Anak pa ahi.)

VAIHAWMTE 1:1

Tu’hin, Joshua thi’nung in Israel chate’n Lalpa kiang in, “Keihaw lak ah Kanaan mite do ding ah kuan to masa ding leh amau vado masa ding chu kuate ka hiu em?” ti’n a dong tau a.

1 SAMUEL 10:22

Tichun, Lalpa a dong kit ua, “Ama chu zia hi hung pang lo a hem?” ti in; chuleh, Lalpa‘n, “En un, van lak ah kisel ahi,” ti’n a hun dawnhu a.

1 SAMUEL 23:2

David in Lalpa a dong ah, “Zia Philistinte chu do ah chia ding ka hem?” a tia. Lalpa‘n David kiang in, “Chia inla, Philistinte chu vado inla, Keilah khua chu va hukdok in,” a hun tia.

1 SAMUEL 23:4

Ziaphatchun, David in Lalpa a dong kit ah, Lalpa chun, “Keilah ah chun chiau in; Philistinte chu la khut ah hun pia ding ka hi’ngâl a,” ti’n a hun dawnhu a.

1 SAMUEL 30:31

Hebron ah umte leh David leh a lawite, a la vâkvêlnau mun zosia ah mite kiang ah chunle thilpiak a thot chiat tai.