2 SAMUEL 19:42 - PATHIAN LEKHABU THIANGTHO (BSI)

⁴² Judah mipite zosia chun Israel mipite kiang in, “Lengpa hi ka chanau kinaipiu ahi. Zia thu ah hin bang ding ah lungna la hiu em? Lengpa neisa bang ka neu ah a hem? Ama’nle bang ei pia chuam sâm ah a hem?” a tiu a.

2 SAMUEL 19:42 ပူးပေါင်းရင်းမြစ်များ

2 SAMUEL 19:12

Ka chanaute la hiu ah, ka gu leh phe chanpite ma ma la hi’ngâl un; bang ding ah lengpa pui kit ding gawte lak ah a nunung pen ah pang la hiu em?’ ti in.

2 SAMUEL 19:43

Himaleh, Israel mipite chun Judah mipite chu a dawnhuu a, “David ah hin nanghaw sâng ah chan nei tam zaw ah, chan sawm hial nei ka hiu hi. Bang ding ah ei simmaw la hiu em? Lengpa puikitna ding thu ah le a vaisawm masa hilo ka hiu em?” a tiu a. Himaleh, Judai gam ah mipite chu Israel mipite sâng in a kam hat zawu hi.

2 SAMUEL 2:4

Ziaphatchun, Judah mipite chu a hung khawm tau a, zia mun ah chun Judah Inkuante chung ah Leng hidingin David chu sathau a nu’ tau hi. David in, “Saul kha Jabesh-gilead ah mite’n a la vui tau hi,” ti a het phat in,

2 SAMUEL 5:1

Ziazaw chun, Israel nam zosia chu Hebron ah David kiang in a hung un, a kiang in, “En tiam in, la be leh phungte ka hiu hi.

VAIHAWMTE 8:1

Chun, Ephraim mite chun a kiang in, “Bang ding ah Midiante do ah la kuan lai ua kha ei chial lo la hiu em?” a tiu a. Tichun, thagum sua in a kinakpi tau a.