2 SAMUEL 19:41 - PATHIAN LEKHABU THIANGTHO (BSI)

⁴¹ Ziaphatchun, Israel mipi zosia chu lengpa kiang in a hung un, a kiang in, “Bang ding ah ka unauteu Judai gam ah mite hin hun kineisak chuam ah, lengpa leh a Inkuante zosia Jordan lui gâl lam ah pui kai in, David nungjuite zosia le pui mang chuam a hiu em?” a hung tiu a.

2 SAMUEL 19:41 ပူးပေါင်းရင်းမြစ်များ

2 SAMUEL 19:11

Lengpa David chun thiampu Zadok tawh Abiathar kiang in zia thu hi a vagen sak ah: “Judai gam ah upate kiang in zia hi vagen un, ‘Bang ding ah lengpa a In ah pui kit gawte lak ah a nunung pen hi gua la hiu em? Israelte zosia holimna chu lengpa’n a he suak ta’ngâl in.

2 SAMUEL 19:12

Ka chanaute la hiu ah, ka gu leh phe chanpite ma ma la hi’ngâl un; bang ding ah lengpa pui kit ding gawte lak ah a nunung pen ah pang la hiu em?’ ti in.

2 SAMUEL 19:3

Sepaite chu kido’na ah guallel ziak ah zakcha tak ah kigêlmang gual in, khawpi lam in a hung kigelmang zo tau hi.

VAIHAWMTE 12:1

Ephraim mite chu gâldo ding ah kikokhawm in, Zaphon mun a gâlkâi phat un, Jephthah kiang in, “Ammonte do ding ah la vagâl kâi lai ua khan, a hun zui ding ah bang a tia ei chial lo la hiu em? La In hun hâlkhum mai ding ka hiu,” a tiu a.

VAIHAWMTE 8:1

Chun, Ephraim mite chun a kiang in, “Bang ding ah Midiante do ah la kuan lai ua kha ei chial lo la hiu em?” a tiu a. Tichun, thagum sua in a kinakpi tau a.