2 SAMUEL 19:24 - PATHIAN LEKHABU THIANGTHO (BSI)

²⁴ Saul tupa Mephibosheth chu lengpa dawn dingin a hung suk a; ama chun lengpa a la sun ma ma ziak in, lengpa a pawt daw ah kipat dam tak ah a hung kile’kit masangsia, a keng sil lo, a khamul met lo leh a puante le sawp lo in a la um a.

2 SAMUEL 19:24 ပူးပေါင်းရင်းမြစ်များ

2 SAMUEL 12:20

Ziaphatchun, David chu tuanglai ah kipat in a thodok ah, a kisil ah, sathau a kinu’ ah, chuleh, a sil leh chênte chule a theng ah. Lalpa In ah a vachia ah, Pathian a vaho tai; chuleh, a dot dungzui in an a piau ah, ama’nle a ne ngal tai.

2 SAMUEL 15:30

Himaleh, David chu Oliv tâng lamto ah chun kengtaw but lo leh puan kilukhu ah kap kawm kawm in a kal to ah; a kiang ah um zosia chunle puan kilukhu chiat ah kap kawm kawm in a zui tau hi.

2 SAMUEL 16:3

Lengpa chun, “Aleh, la pu chapa kha khoi ah um a hem?” ti’n a dong ah. Ziba chun lengpa kiang in, “Tu’ni hin Israel mipite’n ka pu lenggam chu ei pia ding a hiu, a ti ziakin, Jerusalem ah a um den tai,” ti’n a dawnhu tai.

2 SAMUEL 9:11

Ziaphatchun, Ziba in lengpa kiang ah chun, “Lengpa, ka lalpa‘n la suakpa kiang ah la thupiak zosia chu, la suak hin bawl ding ka hi,” ti’n a dawnhu a. Mephibosheth chun lengpa chate lak ah pakhat gual in, David annêkna dawkan ah chun an a ne zing tai.

1 LENGTE 2:8

Ngai in, Bahurim ah Benjamin mi Gera chapa Shimei la kiang in a um hi; ama chun, Mahanaim ah ka jam lai khan pausia huaisia tak ei sap khum ah; himaleh, ei dawn dingin Jordan ah a hung suk ah, a kiang in, “Chemjam in that pua’ng ka,” ti’n Lalpa âng in ka la kihaksial ta’n.

PAWTDAWNA THU 19:10

Lalpa chun Mosi kiang in, “Mipite kiang lam in chia inla, amau chu tu’ni tawh jing ah hin hithiangtho in. A puan uh sawp thiang chiat uh hen la;

ISAI 15:2

Dibon chanu chu a kap dingin a thoimual in a kal to hi; Nebo leh Medeba tângvûmte chu Moab in a kâ khum tai. Luchang zosia metkol in, khamul zosia le met nâm ahi’n;

JEREMIAH 41:5

Shekhem leh Shilloh leh Samaria ah kipat in, pawsal sawmgiat, a khamul uh mêtnâm ah, a puansilteu kêk diak duak pum in, amaule ki-âtliam nêt nût in, thâiga thillat ding tawh gimtuite chawi in, Lalpa tempul ah lân dingin a hung ua.

MATTHAI 6:16

An la ngawl tak ua leh le mi phalêmte gual in ngui mêl pu kiu in; amau chun mi mit mu ah anngawl a hiu kilat theina dingin, a mêl uh a hinâng chiat chuat sek ui. Titakzet in ka hil la hiu, a kipakman uh chu a mu zo tau hi.

ROMTE 12:15

Kipakte chu kipak piu inla, kapte chu kâ piu in.

HEBRAITE 13:3

Nanghaw le suangkul ah um gual ah kingai in, suangkul ah tângte chu hezing unla; sukgenthei ah um gual ah kingai in, sukgentheina thuakte chu hezing un.