2 SAMUEL 19:22 - PATHIAN LEKHABU THIANGTHO (BSI)

²² Himaleh, David chun, “Nanghaw Zeruiah chate haw, bang kisakla’na la hiu em; tu’ni hin ka mêlma pan gua la hiu em? Tu’ni hin Israelte lak ah mi pakhat bêk thalup ding ahi ka tia hem? Tu’ni hin Israelte chung ah leng ka hi tai ti kihet lo eisa la hiu em?” ti’n a dawnhu a.

2 SAMUEL 19:22 ပူးပေါင်းရင်းမြစ်များ

2 SAMUEL 16:10

Himaleh, lengpa chun, “Nanghaw Zeruiah chapate haw, bang a hem la kisakla piu? Lalpa‘n a kiang ah, ‘David hânsia valaw khum in,’ a ti hi kha leh, kua’n bangti awimaw thei ding a hem?” ti’n a dawnhu a.

2 SAMUEL 16:5

Lengpa David chu Bahurim a tun phatin, Saul Inkuante lak ah mi pakhat, a min Shimei kiti, Gera chapa a um in. Ama chun a hun zawt kawm in hânsia a law khum malam pek a.

2 SAMUEL 16:9

Ziaphatchun, Zeruiah chapa Abishai in lengpa kiang ah chun, “Bang ding ah zia uicha thisa bep hin ka lengpa chu hânsia law khum mai mai a hem? Chia ing ka tin, a luchang vala ding ka hi,” a tia.

2 SAMUEL 3:39

Tu’ni hin sathaunu’, a la hilengle thunei zo lo ka hi. Zia Zeruiah chapate hi kei â dingin a thok hak ma mau hi. Zia tawhbang thil bawlte hi Lalpa‘n a nunsiatnau tawh kituak in a chung un dit kit zaw mai ta hen!” ti’n a gen tai.

ISAI 16:5

Lal chutpha khat chu ngilneina leh ja’ngaina’n, David puanbûk ah tundin hi’ntin; a chung ah dikna ngaina leh, ginumna ngaina, kin tak ah dikna leh, ginum tak ah vaihawmtu ding chu hung kichu ta’n a.

MATTHAI 8:29

Amau chun, “Pathian Chapa, kei uh bang ei law gua hung la hem? Huntiam tunma’ ei soisak gua la hem?” ti’n a kiko tau a.

1 SAMUEL 11:13

Himaleh, Saul in, “That kiu in, tu’ni hin Lalpa chun Israelte ei hukdaw tâk ziakin, tu’ni hin kuama that kiu in,” ti’n a gen a.

1 SAMUEL 26:11

Lalpa sathaunu’ chung ah khut tha dingin Lalpa‘n ei phal puai; a lutûn ah a cheicha tawh a tuiûm kha hun la’n la chia tai ti,” a tia.

1 SAMUEL 26:8

Abishai in David kiang ah chun, “Tu’ni hin Pathian in la mêlmapa chu la khut in a hun pia ta hi. Tu’ ma ma hin ama hi cheicha’n lei tual tawh kilden ziang ing ka; sut kit le ngai ta pua’n a,” a tia.

1 SAMUEL 26:9

Himaleh, David in Abishai kiang ah chun, “That him him kin; Lalpa sathaunu’ chung ah khut tha chu thiammaw chang lo ah kua suakcha ding a hem?” ti’n a dawnhu a.