2 SAMUEL 19:19 - PATHIAN LEKHABU THIANGTHO (BSI)

¹⁹ lengpa kiang ah chun, “Ka lalpa, lengpa hin Jerusalem la pawtsan ni’ la suakpa’n ka la bawlkhial dante kha hezing ah, ei mawsak lo dingin ka lalpa hi ka hun ni la hi; zia chu lengpa hin tepte zing ta ki’hen.

2 SAMUEL 19:19 ပူးပေါင်းရင်းမြစ်များ

2 SAMUEL 13:20

A suapipa Absalom chun a kiang in, “La suapipa Amnon in hun sumualpho ahi maw? Ka suapinu, tu’hin thip hiat hiat phot in; ama chu la suapipa ahi ngal in, khawksak dâ mai in,” ti’n a gen a. Tichun, Tamar chu a suapipa Absalom In ah chun kuama tawh kipawl lo in a kikulkhup tai.

2 SAMUEL 13:33

Ziaziakchun, tu’hin, lengpa, ka lalpa chun lengpa chate zosia thi gual ah ngai in, a la lungkham him him kin; Amnon bep chu ahi ngal in,” ti’n a hun gen tai.

2 SAMUEL 19:18

lengpa lung lam lam a bawltheina ding un, lengpa Inkuante pui gâlkâi dingin a chiau ah; lengpa chu Jordan lui a hung gâl kâi ding kuan in, Gera chapa Shimei chu lengpa âng in a hung bokkhup a;

SAM 32:2

Lalpa‘n khawlona nei ah a ngailo ah, a lungthim ah mi thepna him him umlo te chu mi hampha a hiu.

SAM 79:8

Ka pu leh pateu duk dak lona kha, ka chung un hezing kin la; la lainatna chun kin tak in, ei dawn ngal ziang ta hen, nasa tak ah tawden in ka um ta’ngal un.

THUGENTU 10:4

Vaihawmtu la chung ah a lungnat pêt in, la umna mun chu nusia ziang kin; thipbek ah la umtheina ziakin, sukkhialna nasa tak le a hi’dam thei hi.

ISAI 43:25

Kei, Keima ngei hin, ka min ziakin la bawlkhialnate ka thai mang ah, la gitlonate chu hezing talo ding ka hi.

JEREMIAH 31:34

Chuleh, kuama’n, “Lalpa chu he ta’n,” ti’n kihil ta pua’n au; a lian pen ah kipat a neu pen tiang in, a leng un ei hesuak ta ding ahi ngâl un, Lalpa‘n a tii; chuleh, a khawlonau chu ngaidam in, a gitlonau chu hezing talo ding ka hi.

KISIMNA LEKHABU 12:11

Ziaphatchun, Aron in Mosi kiang in, “Aw he pu, ngolhuai tak ah thil ka la bawl khial tâk ziak un, ka bawlkhialnau ziak in ei gawt kin la;

MATTHAI 27:4

“Mawna neilo thisan ka matsak ziak ah hin thil ka hikhial tai,” a tia. Amau chun, “Zia chu kei un bang ding ka tiu em? Nang in la law law kilaw ta’n,” a tiu a.

2 KORINTH 5:19

Pathian in Khrista ah chun khawvel hi ama tawh kicham in a siam ah, a hi’khelnateu chu amau kãl ah guat lo in, kichamna nasepna ei vopsak tai.

1 SAMUEL 22:15

Tu’ni bep ah hi ama â ding ah Pathian ko piak ei sa la hem? Hinaisai lo ahi! La suakpa leh ka Inkuanpite pakhat cha hile Lengpa hin ei ngaw him him kin; zia thu chu la suakpa hin bangma hetkhâk ka nei puai,” a tia.

1 SAMUEL 25:25

Ka Lalpa, zia mi umdan helo, Nabal hi bangma’n ngai dâ mai in; ama hi a min gual gual hi mai ahi; a min hi Nabal ahi gual ma’n, mingol ahi; keima la suak hin, ka Lalpa tangval hun sawlte kha ka la mu pua ahi.

1 SAMUEL 26:21

Ziaphatchun Saul in, “Ka chapa David hung kit in, ka la bawlkhial ta ahi; tu’ni hin ka hinkhua nang in lûl tak ah lei koi ziakin, bangma hun law ta pua’ng ka; ka la ngol ziakin, thil ka la bawlkhial nasa ta law ta ahi,” ti’n a hun dawnhu tai.