2 SAMUEL 19:1 - PATHIAN LEKHABU THIANGTHO (BSI)

¹ Joab kiang in, “Lengpa chu Absalom sûn in a kap kap ziang hi,” ti a hil tau a.

2 SAMUEL 19:1 ပူးပေါင်းရင်းမြစ်များ

THILSIAM THU 37:35

A chapate zosia tawh a chanute zosia’n a thamuan guau ah; himaleh, ama chu thamuan a nuam pua’n, “Lusûn kawm in Sheol ah ka chapa kiang in chia ding ka hi,” a ti ta mai a. Tichun, a chapa chu a kâ tai.

2 SAMUEL 18:12

Himaleh, zia mipa chun Joab kiang in, dangka shekel sang khat ka khut ah piaksa hiziang leh le, lengpa chapa that dingin vang ka khut lâm pua’ng ka; lengpa’n nang leh Abishai leh Ittai kiangah: keima jal in tangval Absalom kha hun hawi un, ti ah thu a hun piak kha ka la he ngal in!

2 SAMUEL 18:14

Joab in, “Nang kiang ah um hi hun a pâmmai bep hi,” a tia. Cheicha pathum a lakhawm ah, gangpi thing ah kikhâi zing ah dam nalai Absalom chu a lungchang jawn a sut piak tai.

2 SAMUEL 18:20

Joab in a kiang in, “Tu’ni hin chanchin chu la vahil lo ding a hi; tu’ni hin lengpa chapa thi ahi ziakin, la vahil lo ding ahi; nidang leh vahil na’n la,” ti’n a dawnhu a.

2 SAMUEL 18:33

Lengpa chu a dâ ma ma ziang ta’n; tichun, kul kotkhak chung ah pindan ah lut in, a kap ta’n; a chia kawm kawm in, “Aw, ka chapa Absalom! Nang sâng in keima thi zaw mai leng ka nuam na e! Aw Absalom, ka chapa, ka chapa!” ti’n a kap malam pek tai.

2 SAMUEL 18:5

Lengpa chun, Joab tawh, Abishai tawh Ittai kiang ah chun, “Keima ziakin tangval Absalom kha hun daidawp un aw,” ti’n a gen a. Absalom chung thu ah sepai hotute kiang ah a thu vaithâk chu sepaite zosia’nle a hiau hi.

2 SAMUEL 19:2

Tichun, zia ni chun sepaite chun, “Lengpa chu a chapa thi ziak ah lungngai ma ma ahi,” ti a het ziak un, zia ni zaw’na chu sepai zosia â dingin lusûnna ni a hung hita mai hi.

THUPILTE 17:25

Cha ngolte chu a pau â ding ah lunggimna a hiu in, amau hingtu a nu â ding ah lunggimna lian tak ahi.

ZEKARIAH 12:10

Chun, David Inkuan ah mite leh Jerusalem ah chêngte chung in, lainatna leh thûm piakna thagau buntha’ng ka tin; tichun, a la sut uh a mu phât ua leh, min a chapa neisun a sûn gual leh, a chatil a kâ khum gual un sûn ta’n au.