2 SAMUEL 18:24 - PATHIAN LEKHABU THIANGTHO (BSI)

²⁴ Zia hun ah chun, David chu kul kotkhak pani kikâl ah a la chut lai tak ahi’n. Gâlvêngpa chu kulbâng kotpi chung lam ah a vakal to ah, a khawdat leh, amau lam hun zuan ah pawsal pakhat ama ngawn ah hung tai a vak gâl mu ta’n.

2 SAMUEL 18:24 ပူးပေါင်းရင်းမြစ်များ

2 SAMUEL 13:34

Absalom ahileh vang a jam mang tai. Gâlvêng ah pang tangval chu a vak datdaw leh, mipi tam tak tângpang ah Horonaim lampi lam ah kipat hungte chu a vak mu ta’n.

2 SAMUEL 18:23

Ama chun, “A bang chu hitaleh, vatai ding ka hi,” a ti tei tei a. Tichun, “Vatai mai ta’n,” ti’n a dawnhu tai. Ziaphatchun, Ahimaz chu phâijang lampi’n a tai ah, Kush mi chu a taikhel tai.

2 SAMUEL 18:25

Gâlvêngpa chu a kiko ah, lengpa kiang in a hil a. Lengpa chun, “Ama ngen ahileh, chanchin gen ding khat nei hi’n a,” ti’n a dawnhu a. A hung tai pek ah, a hung tung vang vang ta’n.

2 SAMUEL 18:4

Lengpa chun a kiang un, “Nanghaw’n pha pen ding ah la ti dan dan un um mai ing ka,” ti’n a dawnhu a. Tichun, sepaite chu a za têl leh a sangtêl têl ah a kijawtdaw zung zung lai un, lengpa chu khawpi kul kotkhak bul ah chun a ding zing hi.

2 SAMUEL 19:8

Ziaphatchun, lengpa chu a thodok ah, kul kotkhak ah a chutna ngai ah chun a vakichudok ta’n. Ziaphatchun, sepaite kiang in, “En un, lengpa chu kul kotkhak bul in a kichu zing hi,” ti’n a hil tau a; tichun, sepaite chu a leng un lengpa kiang lam ah chun a hung tau a. Zia hun ah khan, Israelte zosia chu amau In lam chiat in a la chia kit zo chiat tau hi.

1 SAMUEL 4:13

A hung tai tung hunah chun Eli chu Pathian thuthung thingkuang kha bang a chang na dia aw, ti ah dîpchak tak ah gelkawm in, lamlian pâmah a la kichut lai tak ahi’n. Mipa chu khawpi sung a hung lutah chanchin a genzaw phatin, khawpi sungah mi zosia chu a kap jak ziang tau a.