2 SAMUEL 18:18 - PATHIAN LEKHABU THIANGTHO (BSI)

¹⁸ Absalom chun a damlai ah khan, Lengpa Phâicham ah chun suang a la kiphu ah, ama chun, “Ka min hetzingna dingin chapa ka nei pua’n,” a ti ziakin ama min het zingna ding ah a la phu ahi. Tu’ni tiang ah hin zia chu Absalom Hetzingna Suang ti ahi nalai hi.

2 SAMUEL 18:18 ပူးပေါင်းရင်းမြစ်များ

THILSIAM THU 11:4

Amau chun, “Kisau in, khawpi siam hitiu; chuleh, In sâng vân supha hial ah sâng in bawl hitiu in, I min uh thansak hitiu; achutiloleh, lei chung zosia ah hin thejak in hung um kha tawl hitiu,” a tiu a.

THILSIAM THU 11:9

Ziaziakchun, a min in Babel a sau ah; Lalpa’n zia tak ah chun mi zosia pau a la sukdanglam tâk ziakin: zia kipat chun Lalpa’n amau chu lei chung zosia’n a thejak ta ahi.

THILSIAM THU 14:17

Chun, Khedorlaomar tawh pang khawm lengte zosia that zo ah a hung kile’kit lam ah chun, Sodom khua lengpa chun Shaveh phâijawl ah chun Abram a valamtua ta’n (zia phâijawl chu Leng Phâijawl ti ahi tai).

2 SAMUEL 14:27

Absalom in chapa pathum leh chanu pakhat a nei ah, a min chu Tamar ahi. Ama chu numei mêlpha tak ahi.

SAM 109:13

A suante chu paithâk in um uh hen la; a min uh le a khang ni na’n thaimang in um ta hen.

SAM 49:11

A min un gamte nei in, a Inteu chu suan zosia tiang ah, um ding gual in gêl maleu, a thân uh chu a kumtuang In ding uh a hung hi tai.

ISAI 22:16

Zia hi bang kithuneisak ten la hem? Zia tak ah hin chanau bang gual mi la nei ah, tângsâng ah hin la thânkua ding la kikhuak ah, suangpi ah la chênna ding la khuak a hem?

JEREMIAH 22:30

Lalpa‘n zia gual hin a gen hi: Zia pa hi cha bei leh a damsung ah lawting ngai lo; a suante kuama lawting ah, David lalchutpha kitung ah, Judai gam ah vaihawm ding, um kit ngai talo ding ahi, ti’n zik lut in, a tii.

DANIAL 4:30

lengpa chun a lungthim in, “Zia Babulon khaw lopi tak hi, lengpa chênna ding ah ka thahâtna leh ka lalna thupi tak suklatna ding ah ka siamdaw hilo a hem?” ti’n a ngaitua a.

KISIMNA LEKHABU 32:42

Chun, Nobah le a kuan ah, Kenath khua leh a kiang ah khawpineu cha chate chu a vala ta’n; tichun, a khawmin dingin ama min ma ma Nobah a sak tai.

1 SAMUEL 15:12

Saul tawh kimu dingin Samuel chu jingkal ma tak in a kipandok a. Chuleh, Samuel kiang in, “Saul chu Karmel lam in a chia in, zia tak ah chun ama hetzingna ding khat a siam zaw in, Gilgal lam in a chia suk tai,” ti a hil tau a.