2 SAMUEL 18:17 - PATHIAN LEKHABU THIANGTHO (BSI)

¹⁷ Absalom luang chu a lau ah, gammâng ah kawkhûk thûk tak khat in a pai lut ua, suang tam tak a siakhum tau a. Zia hun sung ah chun Israelte zosia chu amau In lam chiat in a chia kit zo tau hi.

2 SAMUEL 18:17 ပူးပေါင်းရင်းမြစ်များ

2 SAMUEL 19:5

Ziaphatchun, Joab chu lengpa In ah a hung ah, a kiang in, “Tu’ni hin la sepai hotute, tu’ni tiang ah nangma hinna leh la chanute leh la chapate, la jite leh la thâikemte hinna hun hukdokte sumualpho dingin puan la kilukhu in,

2 SAMUEL 19:8

Ziaphatchun, lengpa chu a thodok ah, kul kotkhak ah a chutna ngai ah chun a vakichudok ta’n. Ziaphatchun, sepaite kiang in, “En un, lengpa chu kul kotkhak bul in a kichu zing hi,” ti’n a hil tau a; tichun, sepaite chu a leng un lengpa kiang lam ah chun a hung tau a. Zia hun ah khan, Israelte zosia chu amau In lam chiat in a la chia kit zo chiat tau hi.

2 SAMUEL 19:9

Israel phung tin ah mipi zosia lak in kinialna a sosang ma ma ziang ta’n; amau chun, “Lengpa chun I mêlmateu khut ah kipat ei hukdok ta’n; chuleh, Philistinte khut ah kipat tu’hin ei hukdok tai; ahi’n la tu’hin, Absalom lau in a gam nusia’n a jam tai.

2 SAMUEL 20:1

Zia lai chun, Benjamin phung ah mi Bikhri chapa, mi dukdak lo Sheba kiti hi a um in. Ama chun pengkul a mut ah, zia gual hin tâng a sam ta’n: “David ah hin bangma chan I nei puau hi, Jesse chapa ah hin chanvo I nei puau hi! Aw Israelte haw, la puan In lam chiat un chia tau in!” ti’n tâng a sam tai.

2 SAMUEL 20:22

Ziaphatchun, pil tak ah a lemguat dungzui in, zia nu chu mipi zosia lak ah chun a vâkvel ah. Bikhri chapa Sheba gawl chu ta’n in, Joab kiang in a sepdok tau a. Tichun, Joab in pengkul a mut ah, zia khawpi chu nusia in, a In lam chiat un a kile’kit tau hi; Joab ahileh Jerusalem lam zuan in a chia tai.

2 LENGTE 14:12

Israel in Judah chu a zo ta’n; mi zosia In lam in a jam tau hi.

2 LENGTE 8:21

Joram chun a kângtalai zosia tawh Zair a gâlkâi ah. Jan in a kuandok ah, ama hun ûm kîmvêl Edom mite tawh a kângtalai hotuteu chu a do ta’n; himaleh a sepaite chu In lam in a la jam mang tau hi.

THUPILTE 10:7

Midik hetzingna chu vangphatna ahi’n; mi nunsiate min chu muat mang kawm in a.

DAN LEKHABU 21:20

A khuau ah upate kiang in, “Zia ka chapau hi lochal leh phengphel tak ahi. Ka thuu a awi puai. Ama hi mi gawlsan leh zu he’ mi ahi,” a hung ti ding uh ahi.

DAN LEKHABU 21:21

Ziaphat chuleh, khua sung ah mipi zosia chun suang in a sep lum ding uh ahi. Zia gual chun, la lak ua thil phalo chu la hi’thiang kawm kawm ding uh ahi; chutileh, Israel mipi zosia’n he’n tiu in, lau ta’n au.

JOSHUA 10:27

Nitum jul in Joshua’n thinglêk ah kipat latha ding ah thu a piak dungzui in a la thau ah, a luang uh chu a kisêlnau kawlhawm ma ma chun a seplut tau a; a sit dingin suangtum lianpi a koi un, zia chu tu’ni tiang hin a um den tai.

JOSHUA 7:26

a suang sia vûm uh chu tu’ni tiang hin a um nalai hi. Zia phat ah chun, Lalpa lungnatna a dai tai. Ziaziakchun, zia mun chu tu’ni tiang in, Akor phâicham, ti min putsak den in a um tai.

JOSHUA 8:29

Chun, Âi khua lengpa chu nitâk lam in thinglêk in a khailum ta’n; nisa tum jul in Joshua’n thu a piak dungzui in thinglêk ah kipat in a latha tau a, khawpi kul kotbul in a pai ua, a chung in suang a siavum tau ah, zia chu tu’ni tiang hinle a um nalai hi.

1 SAMUEL 4:10

Tichun, Philistinte’n a hun do ua, Israelte chu a zo tauah; mi ti’n a In lam chiat un a taijak zo tauah. Kithana huaisia tak a hung um tai; Israel keng sepaite sîngthum zet thalup in a um tau a.